1 Jean 2:15 - Mbede Lə Luba Kone Gə Sigi

¹⁵ ꞌNjigije dɔ nangə nee ang gə neje gə to kəne ang nəm. To gə ɓo dəw gə njigi nemay gə dɔ nangə nee nama njigi le Bɔ-sijee godo m-e gə;

Testament ke Siki 1960 (Kabba Laka)

¹⁵ Ndikidjé nange nèn ang, aséh nédjé ke to nange nèn ang. Tokou mare doou ndiki nange nèn, ndiki lo Bòi Allah to mèa té ang.

1 Jean 2:15 ပူးပေါင်းရင်းမြစ်များ

Matiye 4:8

ꞌSɛ̰ngərɛ̰ ɔr-ɛ aw sə-a dɔ ər gə ndəw ya̰ ɓa tɔj-ɛ ɓeko̰je tɔ̰y gə dɔ nangə nee gə nemayje gə kəne,

Matiye 6:24

Dəw gə gə kar-ɛ baa ja ꞌɓəə-eje d-a kḭ joo ang, mba n-a njigi dəw gə kara ang gə kɔrɔ ɗaa, dəw gə kara ɓa n-a njigi-e ose n-a kiyi rɔ-ɛ rɔ dəw gə kara gə ɗaa n-a dabə dəw gə kara dasəra. Sisəy a poloje Luba je gə lar joo kɛm ang.

Lugu 16:13

Ngon njekula kara baa ja ꞌɓəə-ejeje d-a kḭ joo ang, mba n-a njigi dəw gə kara ang gə kɔrɔ ɗaa dəw gə kara ɓa n-a njigi-e, ose n-a kiyi rɔ-ɛ rɔ dəw gə kara gə ɗaa n-a dabə dəw gə kara dasəra. Sisəy a poloje Luba je gə lar joo kɛm ang baa.

Jean 15:19

To gə ɓo ꞌtoje gə dɔ nangə gə nee nama dɔ nangə le ne gə to gə k-ɛ ye ɓa njigi. To gə ɓo dɔ nangə ndɔɔl-si nama, mba sisəy ꞌtoje gə njeka-ɛje ang, ngaɓa ꞌma ɓa m-mbərə-si mə dɔ nangə gə tɔ.

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

1 Timoce 6:10

Gəl-e gə nee ɓa, ngira ne gə kṵra̰y tɔ̰y to njigi lar, dəwje bula gə d-un rɔ-je d-ila kəne le, ꞌtusu takagə lə-je d-ḭya̰ ngaɓa d-oso dan tuji gə badagə tɔ.

Jacques 1:27

Nepolo gə arə ngadə, gə to ne gə mina kəm Luba gə Bɔ dəwje ang le ɓa nee: Ka lo gə dɔ ngan alje gə, gə jene ndubaje dan nekəmandoo gə ɗa-je, ngaɓa kɔsə neje gə mina gə dɔ nangə ne ngərəng.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Jean 3:17

To gə ɓo dəw inga nekinga gə dɔ nangə nee, o ngon ko̰-ɛ gə njendoo ɗaa un kəm-e dɔ-ɛ gə rəw le se, njigi lə Luba to m-e gə ja wa?

1 Jean 4:5

ꞌJejee le, ꞌto dəwje gə dɔ nangə nee, gəl-e gə nee ɓa, tar paje to to gə tar pa dəwje gə dɔ nangə nee, ye ɓa dəwje gə dɔ nangə d-o tar lə-je.

1 Jean 5:10

Dəw gə ta kagə Ngon lə Luba ɗaa tar naji nee le to m-e gə; ngaa dəw gə ta kagə Luba ang nama, dəb-e nee le o Luba gə njetar gə baa, mba mbadə ta kagə tar naji gə Luba pa ɔji dɔ Ngon-e le.