1 Jean 2:12 - Mbede Lə Luba Kone Gə Sigi

¹² M-ɗa mbede m-ar-sisəy, ngan-m, mba tar neɗaje gə kṵra̰y ɔr dɔ-si gə gə ri Jeju.

Testament ke Siki 1960 (Kabba Laka)

¹² Mam nda maketourou maresè ngandjé ke ngadji, mbata né ke madjang losè goto nga mbata ria.

1 Jean 2:12 ပူးပေါင်းရင်းမြစ်များ

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Lugu 5:20

Logə Jeju o takagə lə-je ɗaa, pa ar dəw nee le na: Tar neɗaje gə kṵra̰y lə-i ɔr dɔ-i gə.

Koula 10:43

Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Koula 13:38

Ngan ko̰-mje, oje gə maj-ɛ: Ɗəw gə lə Moyiji ɓa d-ila ne mbərə kɔr tar neɗaje gə kṵra̰y dɔ dəwje gə d-ar-si.

Koula 4:12

Dəw gə ɗangə kara gə kaji a kḭ rɔ-ɛ gə le godo, mba horo dəwje gə dɔ nangə nee le ri dəw kara gə j-a kaji ne godo.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Ephésiendjé 4:32

ꞌMay-je gə naa gə yo gə nee, ꞌɗa-je gə naa məmay gə yo gə nee; ɔrəje tar dɔ naa gə yo gə nee to gə Luba ɔr ne tar dɔ-si gə ɗəw gə lə Kirisi be tɔ.

Colossiendjé 1:14

Mbɔr dɔ-ɛ ꞌne ja ɓa j-inga ne kaji ngaɓa tar neɗaje gə kṵra̰y ɔr ne dɔ-si gə.

1 Jean 1:4

Ɗaa neje nee le, sijee j-a ɗa mə mbede gə mba kar rɔləl lə-sijee ɔr sṵra̰-a gə maj-ɛ.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 1:9

To gə ɓo j-a ce gə gəl rɔ-si dɔ neɗaje gə kṵra̰y gə lə-si nama, n-to njekila kuji dɔ ndu-e gə nəm ngaɓa n-to dəw gə gadə-gadə, n-a kɔr tar neɗa gə kṵra̰y dɔ-si gə ngaɓa n-a togo neje gə may ang gə to mə-sijee gə.

1 Jean 2:1

Ngan-m gə gɔ-gɔ, m-ɗa mbede nee m-ar-si mba kar ꞌɗaje neɗa gə kṵra̰y ang. Ngaa to gə ɓo dəw oso dan neɗa gə kṵra̰y gə nama, njetadɔ-si ga̰ no Bɔ dəwje gə, Dəw nee le to Jeju Kirisi, n-to dəw gə gadə-gadə.

1 Jean 2:21

M-ɗa mbede m-ar-si mba sisəy ꞌlalje tar gə tɔgərɔ ang baa, ngaa mba sisəy gərə tar gə tɔgərɔ, ngaɓa tar gə ɗəgərə ce mə tar gə tɔgərɔ gə ang.

1 Jean 2:7

Ngan ko̰-mje gə m-njigi-si ya̰, to ndu gə sigi ɓa m-ɗa mbede gə m-ar-si ang baa, ngaa to ndu gə ləw gə ga̰ ji-si gə lo kuma kudu neje gə kede ləw baa. Ndu gə ləw gə to tar gə oje le.