1 Jean 2:11 - Mbede Lə Luba Kone Gə Sigi

¹¹ Ngaa dəw gə njigi ngon ko̰-ɛ ang gə kɔrɔ le to dəw gə isi cil ciməri gə, dəb-e nee le nja dan cil ciməri gə ngaɓa gərə logə aw gə kəne ang, mba cil ciməri təl-e gə dəw gə kəm-e tɔ.

Testament ke Siki 1960 (Kabba Laka)

¹¹ A nè ke mbeté ngoköè nè néh londoul té, ke nè ndja londoul té, nè ngeré loou ke nè nao kendé ang, mbata londoul dibi kèmè.

1 Jean 2:11 ပူးပေါင်းရင်းမြစ်များ

Jean 12:35

Be ɓa, Jeju pa ar-je na: Lokarə ga̰ horo-sisəy gə nee dɔ kar njɛ̰ be ɓi. Lokarə ga̰ gə sisəy nee ɓi ɗaa ꞌnja-je dan-ɛ gə mba kar cil ciməri uba-si nangə bus ang: Mba dəw gə nja dan cil ciməri gə le gərə lo gə aw gə kəne ang.

Jean 12:40

N-tɔ kəm-je sum-sum nəm Dɔ ɓəngərə-je kara n-ar kədərə kang-kang nəm Mba kar d-o lo gə kəm-je ang, Ngaɓa dɔ ɓəngərə-je kara gərə ne kara ang nəm tɔ, Na d-a kḭ mbəl mə-je ɗaa m-a kaji-je.

2 Corinthiendjé 3:14

Ngaa kəji negərə lə-je uy mbudugu, mba ꞌturaje mbede kone gə ləw ɗaa d-o to gə saar ɓisine ja kara, ta kubu gə nje kara ne le to baa ja dɔro ɓi, mba ta kubu nee le igi ɗəw kum naa gə lə Kirisi.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

2 Piyɛr 1:9

ngaa ɓo dəw gə neje nee le godo m-e gə nama to nje kəm tɔ, gə aw mam lo, ɗaa m-e unda pudum dɔ neɗaje gə kṵra̰y gə lə-a gə ləw gə ꞌtogo le.

1 Jean 1:6

To gə ɓo j-a paje na j-a ɗa sə-a mə kara, ngaɓa j-a nja dan cil ciməri gə nama, j-a toje njeɗəgərəje cibi ɓa j-a njaje mə tar gə tɔgərɔ gə ang baa.

1 Jean 2:10

Dəw gə njigi ngon ko̰-ɛ le, to dəw gə isi dan lokarə gə, n-a to jigi tunga lə-a ang.

1 Jean 2:9

Dəw gə pa na n-isi dan lokarə gə, ɓa njigi ngon ko̰-ɛ ang gə kɔrɔ le, nj-ɛ to dəw gə nay cil ciməri baa ɓi.

1 Jean 3:15

Dəw gə ɗa-ɗa gə njigi ngon ko̰-ɛ ang gə kɔrɔ to dəw gə nje tɔl dəw, ngaɓa sisəy ꞌgərəje som to gə dəw gə nje tɔl dəw le inga təbə gə, gə ndɔ gə ndɔ ang.

1 Jean 4:20

To gə dəw pa na: M-njigi Luba, ɓa n-njigi ngon ko̰-ɛ ang gə kɔrɔ nama, n-to nje ɗəgərə, mba dəw gə o ngon ko̰-ɛ nda̰ ɓa njigi-e ang, ngaa a njigi Luba gə o-e ang na ban wa?

Apocalypse 3:17

Mba ꞌpa na: M-to njenekinga, m-isi dan nekinga gə dana badagə ɗaa m-aw ndoo ne kara ang, cibi ngaɓa ꞌgərə to gə ꞌto gə njendoo ang nəm, gə njekəmtondoo ang nəm, gə nje ko məsərə ang nəm, gə njekəmandoo ang nəm, gə nje kəm tɔ ang nəm, gə nje kaw kudu dum ang nəm tɔ.