1 Jean 2:10 - Mbede Lə Luba Kone Gə Sigi

¹⁰ Dəw gə njigi ngon ko̰-ɛ le, to dəw gə isi dan lokarə gə, n-a to jigi tunga lə-a ang.

Testament ke Siki 1960 (Kabba Laka)

¹⁰ Nè ke ndiki ngoköè nè néh lokarè té, tar touka gòl to deo té la ang.

1 Jean 2:10 ပူးပေါင်းရင်းမြစ်များ

Matiye 13:21

ngaa tar le ula ngira-a m-e gə gə maj-ɛ ang, to dəw gə m-e to dɔ tar waga baa, a ɓo lo gə kula kəm naa ndoo ose nekəmandoo gə ɔji dɔ tar lə Luba ce dɔ-ɛ gə nama ꞌmbadə takagə lə-a.

Matiye 18:7

Tuji to kar dəwje gə dɔ nangə nee mba ɗəw gə dəw a koso dan neɗa gə kṵra̰y gə. Ɗəw gə dəw a koso ne dan neɗaje gə kṵra̰y gə le a to ja, ngaa tuji uba dəw gə to ɗəw koso dan neɗa gə kṵra̰y gə!

Jean 11:9

Jeju ila kəne na: Lo gə arə le, ngira kar kəne dɔg gə gir-je gə joo ang wa? To gə ɓo dəw nja dan kara nama tuga gɔl-ɛ ang, mba n-o lokarə gə dɔ nangə gə nee;

Jean 12:35

Be ɓa, Jeju pa ar-je na: Lokarə ga̰ horo-sisəy gə nee dɔ kar njɛ̰ be ɓi. Lokarə ga̰ gə sisəy nee ɓi ɗaa ꞌnja-je dan-ɛ gə mba kar cil ciməri uba-si nangə bus ang: Mba dəw gə nja dan cil ciməri gə le gərə lo gə aw gə kəne ang.

Jean 8:31

Be ɓa Jeju pa ar Jiibije gə ꞌta kag-ɛ na: To gə ɓo ar-je dɔ tar gə lə-m njang nama ꞌtoje gə ngan njenendoje lə-m to gə tɔgərɔ ja.

Romaindjé 14:13

J-a gangəje tar dɔ naa gə gə yo gə nee ang; ngaa may kar j-ar-je gangə tar lə-si təl to jigi no ngon ko̰-si gə ose təl to ɗəw koso lə-a ang.

Philippiendjé 1:10

To gə be ɓa mba kar ꞌgərəje ne ɗəw kɔr kəm ne gə may, gə ar-je ne ngadə ngaɓa kar tar uwa ne dɔ-si ndɔ təl gə lə Kirisi ang.

2 Piyɛr 1:10

Gəl-e gə nee ɓa, ngan ko̰-m, undaje singa-si dɔ mar-ɛ gə ɔji dɔ ɓar gə Luba ɓar-si ngaɓa mbərə-si le, ɓo ꞌɗaje to gə be nama a koso-je dan neɗa gə kṵra̰y gə ang.

1 Jean 2:11

Ngaa dəw gə njigi ngon ko̰-ɛ ang gə kɔrɔ le to dəw gə isi cil ciməri gə, dəb-e nee le nja dan cil ciməri gə ngaɓa gərə logə aw gə kəne ang, mba cil ciməri təl-e gə dəw gə kəm-e tɔ.

1 Jean 3:14

Sijee j-a gərə to gə j-a ce mə ji yo gə j-aw lo təbə gə, mba sijee ja njigi ngan ko̰-sijee. Dəw gə njigi ngon ko̰-ɛ ang le nay mə ji yo gə baa ɓi.