1 Jean 2:1 - Mbede Lə Luba Kone Gə Sigi

¹ Ngan-m gə gɔ-gɔ, m-ɗa mbede nee m-ar-si mba kar ꞌɗaje neɗa gə kṵra̰y ang. Ngaa to gə ɓo dəw oso dan neɗa gə kṵra̰y gə nama, njetadɔ-si ga̰ no Bɔ dəwje gə, Dəw nee le to Jeju Kirisi, n-to dəw gə gadə-gadə.

Testament ke Siki 1960 (Kabba Laka)

¹ Nganem ke ngadji, mam nda né nèn maketourou té maresè, baa ta kare edaidjé né ke madjang ang, a tokou mare doou da né ke madjang, djèdjè djéh ke ndjè moso tar mbòr Allah té, Jésus Christ nè ke nto gaté gaté.

1 Jean 2:1 ပူးပေါင်းရင်းမြစ်များ

Lugu 10:22

Bɔy ḭya̰ neje tɔ̰y ja mə ji-m gə, ngaɓa dəw kara gə gərə-m ꞌma gə Ngon ang, Bɔy ja ɓa, ngaɓa dəw kara gərə Bɔy godo, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 10:15

ɗəw kara baa to gə Bɔ dəwje gərə-m ꞌma ngaɓa ꞌma kara m-gərə Bɔ dəwje tɔ; ɗaa m-ḭya̰ rɔ-m m-ar yo mba badəmje lə-m.

Jean 13:33

Ngan-m gə gɔ-gɔ, m-isi gə si naa gə waga ɓəəl ɓi. Sisəy a sangə-mje to gə m-pa ne tar-ɛ m-ar Jiibije na: Lo gə ꞌma m-aw gə kəne le, sisəy a kasəje mba kawje kəne ang. Sisəy kara m-pa to gə be m-ar-si ɓisine tɔ.

Jean 14:16

ꞌMa, m-a dəji Bɔ dəwje kar-ɛ ar-si njekuul mə-si gə ɗangə kara, mba kar-ɛ isi gə si gə no.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 21:5

Jeju pa ar-je na: Ngan-m, nekusa lə-si ga̰ kəne əng wa? D-ila-a kəne na: Ə̰ə̰ə̰.

Jean 5:14

Go-e gə gugu ɗaa, Jeju inga-a mə kəy gə lə Luba ɗaa pa ar-ɛ na: Aji kəbərə ngaa nee ɗaa, ꞌɗa neɗa gə kṵra̰y gugu ɗangə ang ngaa, na kar ne gə kṵra̰y gə to ɓəəl ya̰ təl ce dɔ-i gə.

Jean 5:36

Ngaa tar naji lə-m ꞌma to ɓəəl ya̰ unda kar Ja̰: Kulaje gə Bɔy um ji-m gə mba kar-m m-ɗa le, m-ɗa m-tɔl t-ɛ bɛm. Kulaje gə m-ɗa nee le ja ɗa tar naji lə-m to gə Bɔ dəwje ula-m.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Jean 8:11

Jene le ila kəne na: Mbayɓe, dəw kara be ang. Jeju pa ar-ɛ na: ꞌMa kara, ɗəw kara baa, m-ila tar dɔ-i gə ang tɔ. Aw, uma kud-e ɓisine ɗaa, ꞌtəl ꞌɗa kaya gugu ang ngaa.

Koula 7:52

Pajambərə lə Luba gə ɗa ɓa ka-sijee d-ula kəm-e ndoo ang wa? ꞌTɔlje nje gə d-ila mbərə ɗe lə dəw gə gadə-gadə kede nam ngaɓa sisəy gə ɓogəne ilaje tar dɔ-ɛ gə ɓa ar-je ꞌtɔl-ɛ le.

Romaindjé 5:10

Mba to gə ɓo, j-a to njeba̰a̰je lə Luba ɓa ɓo j-a təl j-um sə-a naa gə ɗəw kuy gə lə Ngon-e nama, ɗəw gə j-um ne sə-a naa gə le ja tɔ j-a kinga ne kaji ɗəw təbə gə lə-a.

Romaindjé 6:15

Ɗi cibi wa! J-a ɗa-je neɗa gə kṵra̰y mba kisi gə j-isije gəl torondu gə ang ngaa j-isi gəl mənuji gə wa? Jagə ang!

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

1 Corinthiendjé 15:34

ꞌNdolje dɔ rɔ-si gə to gə tɔgərɔ ngaɓa undaje ngangə ɗa neɗa gə kṵra̰y, mba nje gə kɛm ꞌgərə Luba ang, m-pa m-ila ne rɔ kul dɔ-si gə.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 4:19

Ngan-m, m-təl m-o ko̰ ne mba tar lə-si ja cibi, to gə jene gə ndo to-e be saar gə mba kar Kirisi ula ne ngira-a mə-si gə.

Ephésiendjé 2:18

Be ɓa, mbɔr dɔ-ɛ ꞌne ɗaa, ta ɗəw gə aw gə rɔ Bɔ dəwje gə le to ne tagə bəndəng ɔji dɔ sijee gə yo gə nee ɗəw gə lə Njil gə kara baa nee le ja.

Ephésiendjé 4:26

To gə ɓo wungu ɗa si nama, ꞌɗaje neɗa gə kṵra̰y ang. Ar-je kar andə dɔ wungu gə lə-si ang;

1 Timoce 2:5

Gəl-e gə nee ɓa, Luba le kara baa. Ɗaa, njekar horo dəwje gə gə Luba le kara kara baa tɔ, n-to dəw, Kirisi Jeju,

1 Timoce 3:14

M-aw m-gɔl gə mə ngəbə mba ce dɔ-i gə ɓisine baa ja ɗaa m-ɗa mbede nee m-ar-i gə tar.

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

Jacques 1:27

Nepolo gə arə ngadə, gə to ne gə mina kəm Luba gə Bɔ dəwje ang le ɓa nee: Ka lo gə dɔ ngan alje gə, gə jene ndubaje dan nekəmandoo gə ɗa-je, ngaɓa kɔsə neje gə mina gə dɔ nangə ne ngərəng.

Jacques 3:9

Ndo̰-si gə ne ja j-a pidi ne Mbayɓe, bɔ-sijee, ngaɓa j-ilaje ne ndɔl dɔ dəwje gə Luba ɗa-je ar ꞌta sə-a naa.

1 Piyɛr 2:22

ꞌNe gə n-ɗa neɗa gə kṵra̰y ang, ꞌne gə tar kərə dəw ce t-ɛ gə ang;

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Jean 3:18

Ngan-m gə gɔgɔ, j-a njigije naa gə ta-si gə tar gə may baa ang, ngaa ꞌtɔjije njigi lə-si ɗəw kula gə ngaɓa gə tar gə tɔgərɔ.

1 Jean 3:5

Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.

1 Jean 3:7

Ngan-m gə gɔgɔ, ar-je dəw ərə-si ang, dəw gə to nje ɗa ne gə gadə-gadə le to dəw gə gadə-gadə ja tɔ, to gə ꞌne kara n-to dəw gə gadə-gadə.

1 Jean 4:4

Ngan-m gə gɔgɔ, sisəy le ꞌtoje kar Luba, ngaɓa ꞌcɛdəje ɗɔ pajambərəje gə mbɔr-ɛ, mba ye gə isi mə-si gə le to ɓəəl unda nje kisi dɔ nangə gə nee.

1 Jean 5:17

Ne gə dɔ buguru tɔ̰y to neɗa gə kṵra̰y, ɗaa neɗa gə kṵra̰y gə bənəng le a ce yo ang baa.

1 Jean 5:21

Ngan-m gə gɔgɔ, ꞌngom-je rɔ-si dɔ magəje.

3 Jean 1:4

Rɔləl lə-m gə to bəl ya̰ le, to ko gə m-o tar-ɛ na ngan-m gə gɔgɔ nja mə tar gə tɔgərɔ gə.