1 Jean 1:5 - Mbede Lə Luba Kone Gə Sigi

⁵ Tar gə j-o t-ɛ gə ɓa j-ila mbər-e j-ar-si le ɓa nee: Luba to lokarə, cil ciməri godo rɔ-ɛ gə.

Testament ke Siki 1960 (Kabba Laka)

⁵ Yèn to tar ke djèdjè djo tè té, ke djèdjè mpa djaresè, Allah to lokarè, londoul to mèa té ngadji ang.

1 Jean 1:5 ပူးပေါင်းရင်းမြစ်များ

Jean 1:19

Oje tar naji gə Ja̰ Njeɗabatɛm pa, logə Jiibije gə Jerujalɛm d-ula njekapoloje gə nje gə gəl ka Lebi gə d-ar dəji-e tar na: ꞌI le ꞌto na wa?

Jean 1:4

Ɗəw gə lə-a ꞌne ɓa təbə ga̰ ne, ngaɓa təbə le to gə lokarə gə ndogo dɔ dəwje gə tɔ.

Jean 1:9

Lokarə le to gə lokarə gə tɔgərɔ gə ɗe ndogo dɔ nangə gə nee, mba kar dəw gə ɗa-ɗa kara o ne lo.

Jean 8:12

Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Jean 9:5

Logə m-ga̰ dɔ nangə gə nee ɓi le ɗaa, m-to gə lokarə gə dɔ nangə gə nee.

1 Corinthiendjé 11:23

Mba ꞌma le, ne gə m-tɔji-si le m-inga ji Mbayɓe gə: Mbayɓe Jeju le, mə cil gə d-un dɔ-ɛ kəne ja, un mbə;

1 Timoce 6:16

ꞌNe gə kar-e baa n-to Njekuy ang, ꞌNe gə n-isi dan ndogo gə dəw ila gɔl-ɛ kəne ang. Lo gə dəw o ang ngaɓa dəw a kasə ko ang nəm. Riɓar gə singamongə gə ndɔ gə ndɔ to gə k-ɛ. Oyo.

Jacques 1:17

Nekarə nuji gə may unda mar-ɛje tɔ̰y gə nekarə baa gə may ɔr sṵra̰ le ḭ dara rɔ bɔ-sijee gə nje gəl lokarə gə mbəl rɔ-ɛ ang ose ne gə tɔji mbəl rɔ lə-a godo.

1 Jean 3:11

Be ɓa, tar gə oje kede ləw baa lo kuma kudu neje gə le ɓa nee: J-a njigije naa gə yo gə nee;

Apocalypse 21:23

Ɓebo le aw ndoo kar ang nəm, gə nay ɓa kar ndogo kəne ang nəm tɔ. Mba ndogo lə Luba ja ndogo kəne ngodə-ngodə, ngaɓa ngon badəm ja to gə lambe lə-a tɔ.

Apocalypse 22:5

Londul a godo saar gə no, d-a kaw ndoo ndogo le lambe ang nəm, gə ndoo ndogo le kar ang nəm tɔ. Mba Mbayɓe Luba ja a ndogo dɔ-je gə. Ngaɓa d-a ko̰ ɓe gə ɓal gə ɓal.