1 Jean 1:3 - Mbede Lə Luba Kone Gə Sigi

³ Ne gə j-o gə kəm-si ngaɓa ne gə j-o tar-ɛ gə mbi-si le, j-ila mbər-e j-ar-si mba kar-sisəy kara ore-je gə si naa gə dɔ mə kara tɔ-si naa gə. Ngaa mə kara lə-sijee le ga̰ rɔ Bɔ dəwje gə je gə Ngon-e Jeju Kirisi.

Testament ke Siki 1960 (Kabba Laka)

³ Né ke djèdjè djo ke kemdjè ke mbidjè mbä, djèdjè mpa djaresè to, baa ta kare sésè edaidjé mè kadaba kedjè, ke mè kada lodjè nèn éh ke Bòi Allah ke Ngonè Jésus Christ.

1 Jean 1:3 ပူးပေါင်းရင်းမြစ်များ

Jean 17:11

Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ.

Jean 17:21

May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

Jean 17:25

ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 19:35

Ye gə o-e le to gə nje pa tar naji ɗaa, tar naji lə-a le to tar gə tɔgərɔ; ꞌne le, n-gərə to gə n-pa tar gə tɔgərɔ, mba kar-sisəy kara ꞌtaje ne kagə tɔ.

Koula 13:32

J-ila mbərə Tar gə May nee le j-ar-si gə go kuwa gə d-uwa dɔ gɔl-ɛ d-ar ka-sijee,

Koula 13:41

Oje gə maj-ɛ ɓa: Sisəy nje ɗa ngarje A kuwaje dɔ-si jim ɓa a ja̰rɛ̰je naa pəsəsə, Mba m-a ɗa kula dɔ ndɔje gə lə-si, Kula gə m-a ɗa le dəw ɗe tura go-e ar-si kara a taje kag-ɛ ang.

Koula 2:42

Be ɓa gə ndɔ-ndɔ ja ꞌɗe d-ar njeka̰ykulaje ꞌndo-je ne, gə ꞌɗa mə kara, ꞌcɛdə mbə naa gə nəm ngaɓa ꞌdəji Luba naa gə nəm tɔ.

Koula 20:27

mba m-iya ne kara ang, m-tɔji-si mə njigi lə Luba tɔ̰y.

Koula 4:20

mba ne gə j-o gə mbi-si gə kəm-si le j-a pa gə ɗaga.

Romaindjé 15:27

Nje gə Masedowan gə Akayi nee le ꞌnjigi gə maj-ɛ ja, mba d-o kula gə nee le to to gə ɓangə ɓa to dɔ-je gə be, mba to gə ɓo mbɔr dɔ sijee ɓa dəwje gə ꞌgərə Luba ang d-uba ne may ɗəw njil gə nama, may kar dəwje gə ꞌgərə Luba ang le ꞌla gə sijee nee le gə nemayje gə dɔ nangə nee tɔ.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 1:9

Luba gə ɓar-sisəy um-si naa gə gə ngon-e Jeju Kirisi Mbayɓe lə-sijee le, to Luba gə gadə-gadə.

1 Corinthiendjé 15:1

Ngan ko̰-mje, m-ole mə-si dɔ Tar gə May gə m-ila mbər-e m-ar-si le, gə ꞌtaje, gə to gə uwaje ne gədərə

Ephésiendjé 3:6

ɗəw gə lə Kirisi Jeju ɗaa, nje gə ꞌto gə Jiibije ang le, ꞌtəl ꞌto gə nje kuwa nendubaje gə ꞌtəl ꞌto gə darɔ gə kara baa, ngaɓa ne gə Luba uwa dɔ gɔl-ɛ le kara to ɔji dɔ-je naa gə kara baa gə Jiibije ɗəw Tar gə May gə.

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Philippiendjé 2:1

To gə ɓo kinga singa ɓəəl ɗəw lə Kirisi ga̰, to gə ɓo kula jingaw mə naa gə dan njigi gə ga̰, to gə ɓo ɗa mə kara lə Njil ga̰, to gə ɓo ko kəmtondoo gə ɗa məmay ga̰,

Philippiendjé 3:10

M-njigi gər-e, ꞌne gə singamongə ce buwa yo gə lə-a ngaɓa ɗa ne sə-a mə kara dɔ ko ꞌməsərəje gə lə-a, ɓa gə mba təl ta ne sə-a naa ɗəw kuy gə lə-a,

Colossiendjé 1:13

N-ɔr si lo gə cil ciməri o̰ ɓe kəne, ɗaa n-odo-si n-um-si mə ɓeko̰ gə lə ngon-e gə njigi-e gə maj-ɛ,

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

1 Timoce 6:2

Ngaa ɓo ɓərəje gə ꞌɓəə-jeje ꞌto gə njetakagəje nama, may kar d-ila ngon kuji dɔ-je gə mba ꞌto ngan ko̰ naaje gə mə Njil gə. Ngaa may kar ꞌɗa kula gə singa-je d-ar ꞌɓəə-jeje, mba ꞌɓəə-jeje ꞌto njetakagəje gə Luba njigi-je tɔ. Ɓo mba to gə ꞌto gə ngan ko̰ naa gə mə Kirisi gə baa ang. Ye ɓa to neje a tɔji ngaɓa a kula ne jingaw mə-je gə.

Ebərəje 2:12

Logə n-pa na: M-a pa tar lə-i kar ngan ko̰-m, M-a kɔsə gaji lo mbo̰ naa gə.

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

1 Piyɛr 5:1

M-ndəji ngatɔgəje gə horo-sisəy gə, ꞌma gə m-to ngatɔgə to to gə ꞌjejee be tɔ, m-to njetar naji ꞌməsərəje lə Kirisi ngaɓa rɔnduba gə a kila rɔ-ɛ gə ɗaga le kara m-a kar dan-ɛ gə tɔ.

2 Piyɛr 1:16

Logə j-ila mbərə ɗe gə Mbayɓe lə-si Jeju Kirisi a ɗe gə singamongə j-ar-si le, to gə ꞌsu gə dəwje d-ɔr gə kəm karə lə-je ɓa j-ɔr j-ar-si ang, ngaa sijee ja j-o-e lo kunda rɔ-ɛ gə to ɓəəl gə kəm-si nda̰-nda̰;

1 Jean 1:1

Ne gə ga̰ kede lo kun kudu neje gə le, ne gə nee gə j-o tar-ɛ gə mbi-si, ne gə j-o gə kəm-si, ne gə j-a tən so-so ngaɓa ne gə ji-si uwa pɛb le to tar təbə,

1 Jean 1:5

Tar gə j-o t-ɛ gə ɓa j-ila mbər-e j-ar-si le ɓa nee: Luba to lokarə, cil ciməri godo rɔ-ɛ gə.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.