1 Corinthiendjé 8:6 - Mbede Lə Luba Kone Gə Sigi

⁶ be ja kara kar-sijee le, Luba kara baa ɗəgədə, Bɔ dəwje, gə neje tɔ̰y ḭ rɔ-ɛ gə ngaɓa j-a to njeka-ɛje, ngaɓa Mbayɓe kara baa, Jeju Kirisi gə ne tɔ̰y ɗe ɗəw gə lə-a ngaɓa mbɔr dɔ-ɛ ɓa j-aw ne kəm baa.

Testament ke Siki 1960 (Kabba Laka)

⁶ A mbata lodjè Allah to kadaba, Bò ndja, ke né toï ï rè té, ke djèdjè djéh mbata la, ke Mbaibé Seigneur éh kadaba, Jésus Christ, ke né toï dé deo té la, ke djèdjè djéh deo té la.

1 Corinthiendjé 8:6 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Jean 1:10

Tar le ga̰ dɔ nangə gə nee, ngaɓa dɔ nangə le to gə nekunda lə-a, ngaa dəwje gə dɔ nangə nee ꞌtəl gər-e ang magə.

Jean 1:3

ꞌNe ja ɓa n-unda ne neje tɔ̰y, ngaɓa ne kara be gə gə ga̰ gə lal kar n-to njegəl-e le godo tɔ.

Jean 10:30

ꞌMa je gə Bɔy j-a to gə kara baa.

Jean 13:13

Sisəy ꞌɓar-mje Njenetɔji ngaɓa Mbayɓe le ꞌɓar-mje lo-e gə ja, mba to gə ꞌma le ja.

Jean 14:20

Dɔ ndɔ-ɛ gə əng le, a gərəje to gə m-ga̰ mə Bɔy gə, ngaɓa sisəy ꞌtoje mə-m ꞌma ngaɓa ꞌma m-to mə-sisəy gə tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 20:17

Jeju pa ar-ɛ na: Ɔr rɔ-m ang, mba m-aw ɓə lə Bɔ dəwje ang baa ɓi. Ɗaa aw inga ngan ko̰-mje ꞌpa ar-je to gə m-aw gə rɔ Bɔy gə, gə Bɔ-sisəy-je gə ngaɓa Luba lə-m gə Luba lə-sisəy tɔ.

Koula 17:28

Mba mbɔr dɔ-ɛ ꞌne ɓa d-inga ne təbə ja nja ne gə dəwje ngaɓa j-unda ne rɔ-si. Ye ja tɔ to tar gə njeno̰paje lə-si gə kɛm ꞌpa na: Ja to ngan m-e ja tɔ.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

Koula 5:31

Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

Romaindjé 11:36

Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

1 Corinthiendjé 12:3

Gəl-e gə nee ɓa m-pa m-ar-si dəw gə Njil lə Luba nay sə-a a kasə pa na: Kugu uwa Jeju, a pa be ang, ngaɓa dəw gə Njil Njerɔsangə nay sə-a ja ɓa a pa na: Jeju to Mbayɓe.

1 Corinthiendjé 6:13

Nekusa to mba mə dəw, to to gə mə dəw kara to mba nekusa tɔ; ngaa Luba a tuji-je joo kɛm. Ngaa darɔ dəw to kar kun ɗa ne kaya ang; darɔ to kar Mbayɓe, to to gə Mbayɓe kara to kar darɔ tɔ.

1 Corinthiendjé 8:4

Be ɓa, ne gə ɔji dɔ ko̰ da gə ꞌpolo ne magəje le ɗaa, j-a gərə to gə magə godo dɔ nangə nee, magə gə ɗangə godo, ɗaa ɓɛl Luba ja gə kar-e ɗəgədə.

Ephésiendjé 1:3

May kar ndu tɔr to kar Luba, Bɔ Mbayɓe lə-sijee Jeju Kirisi, gə ar ndu tɔrje ɓədə-ɓədə gə ɗəw njil gə ḭ mə dara gə kuja naa dɔ sijee gə ɗəw gə lə Kirisi,

Ephésiendjé 3:14

Gəl-e gə nee ɓa m-um ne məkəji-m no Bɔ dəwje gə,

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.