1 Corinthiendjé 8:1 - Mbede Lə Luba Kone Gə Sigi

¹ Ne gə ɔji dɔ da gə ꞌpolo ne magəje le, gərəje to gə tɔ̰y ja negərə lə-si ga̰. Negərə ɗa dəw gə nje kɔsə rɔ-ɛ ngaa njigi ula jingaw mə dəw gə.

Testament ke Siki 1960 (Kabba Laka)

¹ A mbata mourou ke mpolo dare kòrdjé, djèdjè ngeré ke djèdjè toï djéh ke kemkarè. Kemkarè are dò ngeng, a ndiki mongè madji.

1 Corinthiendjé 8:1 ပူးပေါင်းရင်းမြစ်များ

Koula 15:10

Mba ɗi ɓa ɓisine ɗaa, ꞌnaje Luba ngaɓa nekodo gə ka-sijee, gə sijee ja kara j-asə kodo ang ɓa unda-je ngina ngan njenendoje gə wa?

Koula 15:29

Da gə ꞌtɔl-ɛ ꞌpolo ne magəje, kusa məsə, daje gə ꞌmundu-je ꞌtɔl-je ngaɓa kaya. May kar aje rɔ-si gə maj-ɛ dɔ neje gə nee le. Isije gə maj-ɛ.

Koula 21:25

Ɔji dɔ dəwje gə ꞌgərə Luba ang gə ꞌta kagə le, j-a ɗa mbede j-ar-je j-un ne ndu mba kar d-a rɔ-je dɔ daje gə ꞌpolo ne magəje, gə dɔ kusa məsə gə, gə dɔ daje gə ꞌmundu-je ꞌtɔl-je gə ngaɓa dɔ kaya gə.

Romaindjé 11:25

Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə.

Romaindjé 12:16

Ar-je mə-si to gə maj-ɛ dɔ naa gə to to gə na-na gə yo gə nee. Undaje dɔ-si taar gəgəgə ang ngaa ar-je kula dɔ ngulum ɓa uwa mə-si. Oje rɔ-si gə njekəm karəje ta kəm-sisəy gə ja ang.

Romaindjé 14:10

Ngaa ꞌi, ꞌi to na ɓa ꞌgangə tar dɔ ngon ko̰-i gə wa? Ose ꞌi, mba ɗi ja ɓa ꞌdabə ne ngon ko̰-i dasəra wa? J-a kar no ngɔ gangə tar gə lə Luba ja tɔ̰y.

Romaindjé 14:14

M-gərə ngaɓa m-gərə gə maj-ɛ ɗəw gə lə Mbayɓe Jeju, to gə ne kara gə mina gə dɔ rɔ-ɛ le godo; ngaa to gə ɓo dəw o ne gə ne gə mina nama, to ne gə mina ta kəm-e ye gə ja.

Romaindjé 14:19

Be ɓa may kar-si ja sangəje ne gə ɔsə kudu ɗɛgɛgɛ gə ne gə a kar-si singa gə yo gə nee.

Romaindjé 14:22

Takagə lə-i ꞌi ja, ꞌngom gə kar-i ja no Luba gə. Nokarə to kar dəw gə ila tar dɔ darɔ-ɛ ye gə ja ang, ɔji dɔ ne gə ye ja o gə ne gə may ta kəm-e gə!

Romaindjé 14:3

May kar dəw gə njekusa-a le dabə njekusa-a ang dasəra ang, ngaɓa dəw gə usa ang kara may kar ila tar dɔ njekusa-a gə ang tɔ, mba Luba uwa-a gə rɔ-ɛ gə tɔ.

Romaindjé 15:14

Ngan ko̰-mje, tar gə ɔji dɔ sisəy le ɗaa, ꞌma ja kara m-gərə gə maj-ɛ to gə məmay ɗusu mə-si, negərə ɗusu mə-si ngaɓa asəje mba ndəji-je naa gə yo gə nee.

1 Corinthiendjé 1:5

mba ɗəw gə lə-a ja d-unda ne si dan may gə ɔji dɔ ne tɔ̰y, ɔji dɔ tar tɔ̰y ngaɓa gə negərə tɔ̰y nəm,

1 Corinthiendjé 10:15

M-pa gə si tar to gə dəwje gə njekəm karəje; sisəy ja kara ꞌtənje mə tar gə m-pa le oje.

1 Corinthiendjé 10:28

Ngaa to gə ɓo dəw pa na: Ne gə nee le to ne gə d-un gə nepolo, nama usaje ang mba dəw gə nje pa kar-si ɗɔdə nee le, ngaɓa mba a jɔgə kəji.

1 Corinthiendjé 14:20

Ngan ko̰-mje, may kar-si ꞌtoje nganje ɗəw kunja kəm tar gə ang, ngaa may kar-si ꞌtoje nganje gə na ɗəw ɗa məyɛr gə, ɗaa may kar-si ꞌtɔgəje ɗəw kunja kəm tar gə.

1 Corinthiendjé 15:34

ꞌNdolje dɔ rɔ-si gə to gə tɔgərɔ ngaɓa undaje ngangə ɗa neɗa gə kṵra̰y, mba nje gə kɛm ꞌgərə Luba ang, m-pa m-ila ne rɔ kul dɔ-si gə.

1 Corinthiendjé 4:10

J-a to mbəje mba Kirisi, ngaa sisəy ɗaa ꞌtoje kəm karəje gə mə Kirisi gə, sijee j-a to nje tɔgə godoje ngaa sisəy ꞌtoje njesingaje. Sisəy ꞌɗɔy-si ngaa sijee ꞌdabə-si dasəra!

1 Corinthiendjé 4:18

Nje gə kɛm d-ɔsə gaji rɔ-je to to gə m-a kaw ɓə lə-si ang ja yom.

1 Corinthiendjé 4:6

Ngan ko̰-mje, m-un ndaji neje nee le ɔji dɔ Apolos gə dɔ ꞌma mba tar lə-sisəy. Be ɓa a ndo-je ne ne gə oje rɔ-sijee gə, mba kawje əw gə tar ne gə ꞌɗa mə mbede gə ang, mba kar dəw kara kara horo-si gə uwa dəw gə kara unda ne kar-ɛ tɔsə ne kəm dəw gə kara ang.

1 Corinthiendjé 5:2

Kəm kar ndoo ɓa uwaje, mba kɔr ne dəw gə nje ɗa ne gə to gə be le horo-si gə gugu, ngaa gaji rɔ-si ɓa ɔsəje.

1 Corinthiendjé 5:6

Kɔsə gaji rɔ lə-sisəy le, kud-e arə ang! Guway kodo njɛ̰ baa ja ꞌmbɔ̰y ne mbə ɗaa, mbə ḭ ne tɔ̰y le ꞌgərə-je ang wa?

1 Corinthiendjé 8:2

To gə ɓo dəw əji na n-gərə ne kara nama kəm kar n-gərə to gə n-gərə ne ang ɓi.

1 Corinthiendjé 8:4

Be ɓa, ne gə ɔji dɔ ko̰ da gə ꞌpolo ne magəje le ɗaa, j-a gərə to gə magə godo dɔ nangə nee, magə gə ɗangə godo, ɗaa ɓɛl Luba ja gə kar-e ɗəgədə.

1 Corinthiendjé 8:7

Ngaa dəwje tɔ̰y d-inga negərə gə nee le ang. Mba nje gə kɛm gə pa polo magəje uwa mə-je ja ɓi le, d-usa daje gə nee le gə nepolo, ngaɓa kəji lə-je gə mbɔr-ɛ le mina ne.

Ephésiendjé 4:16

Ɗəw gə lə-a ꞌne, ngaɓa mbɔr dɔ lokurugo̰je tɔ̰y ɗaa, darɔ ja tɔ̰y nam ta naa gə to ne kara baa, ngaɓa mbara rɔ kara kara tɔ̰y ja ɗa kula ar darɔ le tɔgə ne dan njigi gə.

Colossiendjé 2:18

Ar-je dəw unda gusu gə njekula dɔ-ɛ ngulum ila ne tar dɔ-si gə ang ngaɓa lo polo anjije gə nj-ɛ a pa na n-o lokiya gə, n-ɗa gə ne kunda kar baa gə go tar kəjije lə-a gə ɗəw darɔ gə.

Apocalypse 2:14

Ngaa, neje gə kɛm ɗaa, m-ila ne tar dɔ-i gə. Nje gə naaje ꞌga̰ mə kəy gə lə-i nee, gə cḭya̰ dɔ netɔji gə lə Balam gə ɔsə kudu Balak ar-ɛ iya kula uba ne ngan Ijirayɛlje mba kar-je d-usa da gə ꞌpolo ne d-ar magəje ꞌto ne njekayaje.

Apocalypse 2:20

Ngaa, m-ila tar kara dɔ-i gə, mba ḭya̰ ɗəw ar Jejabɛl, jene gə nee gə ɗaa rɔ-ɛ gə pajambərə, ərə ngan njekulaje lə-m ɔsə kudu-je ar-je ꞌndəm ngaɓa ꞌɗa kaya d-usa ne da gə ꞌpolo ne magəje gə baa.