1 Corinthiendjé 7:22 - Mbede Lə Luba Kone Gə Sigi

²² Be ɓa ɓərə gə Mbayɓe ɓar-ɛ le, Mbayɓe ɔr kula ɓərə gɔs-ɛ gə, ɗəw kara baa gə dəw gə to ɓərə ang ɓa ɓo Luba ɓar-ɛ nama to ɓərə lə Kirisi.

Testament ke Siki 1960 (Kabba Laka)

²² Mbata bere ke mmarè mè Mbaibé Seigneur té, to doou ke dè to lél pè lo Mbaibé Seigneur, deo kadaba doou ke mmarè doou ke dè to lél pè, nè nto bere lo Christ.

1 Corinthiendjé 7:22 ပူးပေါင်းရင်းမြစ်များ

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

1 Corinthiendjé 7:21

ꞌTo ɓərə ɓa Luba ɓar-i wa? ꞌJɔgə ne rɔ-i ang; ngaa ɓo to ɗəw gə a kinga ne dɔ to doy nama al uru kəne.

1 Corinthiendjé 9:19

Mba dəw kara kara o̰ dɔ-m ang ngaa m-ɗa rɔ-m gə ɓərə lə dəwje tɔ̰y, ɓa gə mba kinga ne nje gə kɔr-je bula al dɔ lo.

1 Corinthiendjé 9:21

ɓə lə nje gə d-aw baa lal torondu nama, m-ɗa to gə m-aw baa lal torondu be, be ja kara ꞌma le m-aw lal torondu lə Luba ang, ngaa m-isi gəl torondu gə lə Kirisi, mba kinga ne nje gə d-aw lal torondu.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Galatedjé 5:1

Kirisi ɔr kula ɓərə lə torondu gɔbə-si gə mba kar dɔ-si to doy. Be ɗaa, ar-je dɔ gɔl si gə jang, ɓo ꞌtəlje ulaje gɔbə-si jugu ɓərə gə gugu ang.

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

Pilimo 1:16

ꞌi a ko-e gə ɓərə baa ang ngaa, ngaa ꞌne ɗaa n-nday ɓərə, n-to gə ngon ko̰-si gə j-a njigi-e ya̰. N-to ngon kəm-m ngaɓa kar-i ɗaa asə pa ang, ɗəw darɔ gə ose ɗəw gə lə Mbayɓe.

1 Piyɛr 2:16

may kar isije to gə dəwje gə dɔ-je to doy, ɗaa kar dɔ to doy lə-si to ɗəw ɗa ne gə kṵra̰y ang, ngaa ꞌnjaje gə njekulaje lə Luba.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.