1 Corinthiendjé 7:19 - Mbede Lə Luba Kone Gə Sigi

¹⁹ Kunja bərə to ne ang, ngaɓa kunja bərə ang kara to ne ang tɔ; ngaa kila kuji dɔ nduje gə lə Luba gə ɓa to ne.

Testament ke Siki 1960 (Kabba Laka)

¹⁹ Mbata koudja ta mote to né ang, ke ta koudja ang to né ang tò, a ta ngem tar ndedji lo Allah to né toï.

1 Corinthiendjé 7:19 ပူးပေါင်းရင်းမြစ်များ

Matiye 5:19

Ndu gə njɛ̰ ja baa kara, dəw gə ila ngon kuji kəne ang ngaɓa tɔji dəwje ar ndəji kəm-e nama d-a ɓar-ɛ ngon gə kasə mə ɓeko̰ gə dara. Ngaa dəw gə ila ngon kuji kəne ngaɓa təl tɔji nje gə kɛm nama d-a ɓar-ɛ dəw gə tɔgə mə ɓeko̰ gə dara.

Jean 15:14

Sisəy le, to gə ɓo ꞌɗaje torondu-m nama, ꞌtoje gə njekuraje lə-m.

Romaindjé 3:30

mba Luba gə gə kar-ɛ baa ɗəgədə nee ja a ko nje gə unja bərəje gə dəwje gə gadə-gadə gə go takagə, ngaɓa nje gə unja bərəje ang kara n-a koje gə dəwje gadə-gadə gə go takagə tɔ.

1 Corinthiendjé 8:8

To nekusa ɓa a ɗəm gə sijee gə rɔ Luba gə ang. To gə ɓo j-usa ang kara ne kara lal-si ang nəm, to gə ɓo j-usa kara ne kara gə j-inga j-ila dɔ mar-ɛ gə godo nəm tɔ.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Galatedjé 6:15

Kunja bərə ose kunja bərə ang ɓa to ne ang, ngaa to ne kunda gə sigi ɓa to ne.

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.

Apocalypse 22:14

Nje gə ꞌtogo kubu lə-je le, ꞌto gə njenokarəje mba d-asə kusa kandə kagə təbə, ngaɓa mba kar d-andə mə ɓebo gə ta ɗəw kəyje tɔ.