1 Corinthiendjé 6:9 - Mbede Lə Luba Kone Gə Sigi

⁹ ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

Testament ke Siki 1960 (Kabba Laka)

⁹ Sésè egeridjé ang ke dooudjé ke gatang da kwaa né ndouba béh ko lo Allah ang wa? Eridjé ròsè ndja ang, ndjè kaiyadjé, aséh ndjè polo kòrdjé, aséh ndjè to loou to madjangdjé, aséh ndjè ke da madjang dang dang ke ròdè ndja,

1 Corinthiendjé 6:9 ပူးပေါင်းရင်းမြစ်များ

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Lugu 21:8

N-pa na: Undaje kəm karə dɔ rɔ-si gə mba kar dəw ərə si ar-si ꞌndəəm-je ang, mba dəwje bula d-a ɗe gə ri-m, ngaɓa d-a pa na: To gə ꞌma ja. Cibi d-a pa na: Dɔ kar asə ngaa; nama ꞌndoleje go-je ang.

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Koula 24:25

Ngaa logə Pɔl pa tar gə ɔji dɔ neɗa gə gadə-gadə, gə ko̰ dɔ rɔ ngaɓa gangə tar gə dɔ ndɔ gə bara ɗaa ɓəəl unda Pilis badə gang-e ar pa ar-ɛ na: Dɔ kar gə nee ɗaa, aw mbum ɗaa logə m-inga dɔ kar ɗaa m-a təl ɓar-i ɓi.

Romaindjé 1:18

Mba wungu lə Luba kila rɔ-ɛ mə dara gə uru dɔ nje ꞌɓəəl Luba ang gə ɗa-ɗa ngaɓa dɔ neɗa gə dɔ buguru gə ɗa-ɗa lə dəwje gə ꞌlom dɔ tar gə tɔgərɔ dɔ buguru baa;

1 Corinthiendjé 15:33

Ərəje rɔ-si ang: Riya gə adə le unda mar-ɛje gə may mə jo gə.

1 Corinthiendjé 15:50

Ngan ko̰-mje, tar gə m-pa le, mba darɔ gə məsə le d-a kasə kuwa ɓeko̰ lə Luba gə nenduba ang, ngaɓa ne gə a ndum le, a kuwa nduba ne gə a ndum ang ang.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 5:1

Tar kaya gə to horo-si gə le, ꞌpa tar-ɛ gə lo tɔ̰y, mba to kaya gə dəwje gə ꞌgərə Luba ang ja kara d-asə ɗa ndɔ kara ang; ꞌpa tar-ɛ to gə dəw kara horo-si gə to gə jene lə bɔ-ɛje.

1 Corinthiendjé 5:10

M-pa ɔji dɔ dəwje gə d-un rɔ-je gə njekayaje dɔ nangə nee ang nəm, dəwje gə ɓo neje uwa-je ɓərə, ose nje kəm kə̰yje tɔ̰y ang nəm, ose nje polo magəje ang nəm; ɓo be ang nama a kɔr-je rɔ-si dɔ nangə nee gə kɔr ja.

1 Corinthiendjé 5:11

Ngaa ɓisine ɗaa, mbede gə m-ɗa m-ar-si nee le, mba kar dəw gə ɗa rɔ-ɛ gə ngon ko̰-si, ɓa un rɔ-ɛ gə njeɗa kaya, nje kəm kə̰y, nje polo magə, njetaji kil, mbə kodo ose njekunda ne bagəra le, uwaje sə-a ba-ɛ ang ngaɓa kar dəw gə to gə bənəng le ne ja kara usaje sə-a ang.

1 Corinthiendjé 6:10

nje ɓogoje nəm, nje gə ɓo neje uwa-je ɓərə gə nəm, mbə kodoje nəm, njetaji kilje ose njekunda bagəraje, ꞌjejee tɔ̰y nee le, d-a kuwa ɓeko̰ lə Luba gə nenduba ndɔ kara ang.

1 Corinthiendjé 6:18

A̰yje kaya gə ka̰y. Neɗa gə kṵra̰y gə ɗa-ɗa gə dəw ɗa le, ɗa darɔ-ɛ gə ɗaga nee baa, ngaa dəw gə un rɔ-ɛ ɗa ne kaya nama ɗa kṵra̰y gə darɔ-ɛ ye ja.

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

1 Corinthiendjé 9:24

May kar-si ꞌgərəje to gə nje kuma naa gə ngɔdə ꞌɓaraje le d-a̰y gə ka̰y ja tɔ̰y ngaa dəw kara baa ja inga ne dɔ ji-a. Ɗaa a̰yje gə go ɗəb-e mba kinga ne ne dɔ ji.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

Galatedjé 6:7

Ərəje rɔ-si ang: Dəw unda Luba kogo ne ang, mba ne gə dəw dubu ja ɓa a kunja tɔ.

Colossiendjé 3:5

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Ebərəje 12:16

Oje gə maj-ɛ mba kar dəw kara ja kara aw gə bula njagəda ang nəm, gə dəw gə njedabə ne lə Luba dasəra to to gə Esaw be ang, mba n-to ngon dəər ngaa n-uwa mbəl ne nekusa.

Ebərəje 13:4

May kar-sisəy tɔ̰y ja ꞌɗɔyje ta naa, ngaɓa ɔsəje ɓogo lo to ngərəng. Mba Luba a gangə tar dɔ bula jagədaje gə gə dɔ nje ɓogo lo toje gə.

Jacques 1:16

Sisəy ngan ko̰-mje gə m-njigi-si ya̰ le, ərəje rɔ-si ang.

1 Jean 3:7

Ngan-m gə gɔgɔ, ar-je dəw ərə-si ang, dəw gə to nje ɗa ne gə gadə-gadə le to dəw gə gadə-gadə ja tɔ, to gə ꞌne kara n-to dəw gə gadə-gadə.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.

Apocalypse 22:15

Bisije, njembɛ̰je, njekayaje, nje tɔl dəwje, nje polo magəje ngaɓa na-na ɓa gə njigi tar gə ɗəgərə ngaɓa to gə nje p-ɛ le, d-a tɔbə-je kum-je ɗaga.