1 Corinthiendjé 6:1 - Mbede Lə Luba Kone Gə Sigi

¹ Dəw kara horo-si gə, logə ɓo tar to horo ꞌje gə ngon ko̰-e gə nama nje ɗa ne dɔ buguruje ɓa aw səg-e no-je gə, ɓo no njerɔsangəje gə ang wa?

Testament ke Siki 1960 (Kabba Laka)

¹ Tokou mare doou horosè té éh ke tar ke marè, nè ndiki ta kao ke tar la no dooudjé té ke gatang, a na kao nò ndjè ko mè tédjé ang wa?

1 Corinthiendjé 6:1 ပူးပေါင်းရင်းမြစ်များ

Matiye 5:45

Be ɓa sisəy a toje ne nganje lə Bɔ-sijee gə isi mə dara gə, mba n-ar kar ɔsə dɔ njeməndulje gə nəm gə njeməmayje gə nəm tɔ, ngaɓa n-ar nji ər ndɔɔ lə dəwje gə gadə-gadə gə nje ɗa ne dɔ buguruje naa gə tɔ.

Koula 19:38

To gə ɓo Demetəriyus je gə njekɔrəje gə d-um go-e gə le d-aw gə dəw gə tar nama ndɔ ɗa tar ga̰ ngaɓa njeɗa tarje kara ꞌga̰ nəm ɗaa may kar d-aw ꞌsəgə.

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

1 Corinthiendjé 14:33

Mba Luba le to Luba gə nje ɗa ne wɔr-wɔr ang ngaa nje gəl ɗɛgɛgɛ. To to gə lo Mbo̰ naaje lə njetakagəje gə njerɔsangəje le,

1 Corinthiendjé 16:1

Tar gə ɔji dɔ nembo̰ mba la ne gə njerɔsangəje le, sisəy kara, ꞌɗaje to to gə m-un ne ndu-m m-ar Mbo̰ naaje lə njetakagəje gə Galasi be.

1 Corinthiendjé 16:15

Ngan ko̰-mje, m-un ndu m-ar-si ja cibi. ꞌGərəje to gə nje gə mə kəy gə lə Sətepanas ꞌto dɔngɔr njetakagəje gə Akayi, ngaɓa d-un rɔ-je ꞌɗa ne kula d-ar njerɔsangəje.

1 Corinthiendjé 5:12

Dəwje gə ta kagə Kirisi ang le, to tar lə-m kar m-gangə tar dɔ-je gə ang, nje gə ta kagə Kirisi le ɓa to tar lə-sisəy kar ꞌngangəje tar dɔ-je gə.

1 Corinthiendjé 6:5

M-pa m-ar to rɔ kul lə-sisəy. Be ɓa horo-si gə le, dəw gə nje kəm karə kara gə asə gangə tar horo ngan ko̰ naaje gə ja godo wa?