1 Corinthiendjé 4:2 - Mbede Lə Luba Kone Gə Sigi

² Ne gə ꞌnjigi ko rɔ nje ka dɔ ne gə le ɗaa, kar n-to dəw gə dana gadə.

Testament ke Siki 1960 (Kabba Laka)

² Wota né nèn, to tar lo ndjè ngem nédjé ta kare dodè dèdè ngem né madji.

1 Corinthiendjé 4:2 ပူးပေါင်းရင်းမြစ်များ

Matiye 25:21

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Matiye 25:23

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne ꞌto ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Lugu 12:42

Ɗaa Mbayɓe ila kəne na: Na ɓa to njengom ne gə to ngon kuji gə unda kəm karə dɔ rɔ-ɛ gə, ɓa ꞌɓəə-eje um kula ji-a gə, mba kar-ɛ n-ar dəwje gə mə kəy gə nekusa gə dɔ kar-ɛ kar-ɛ wa?

1 Corinthiendjé 4:1

Be ɓa may kar d-o sijee gə njengom ne lə Kirisi ngaɓa nje ka dɔ neje lə Luba gə to lokiya gə.

1 Corinthiendjé 4:17

To gə be ɓa m-ula Timoce ɓə lə-si, ꞌne gə to ngon-m gə m-njig-e ya̰ ngaɓa n-to dəw gə dana gadə ɗəw gə lə Mbayɓe le, n-a kole mə-si dɔ pa nja-m gə ɗəw gə lə Kirisi Jeju, to to gə m-tɔji ne gə lo tɔ̰y, lo Mbo̰ naaje lə njetakagəje.

1 Corinthiendjé 4:3

ꞌMa le ɗaa kar-sisəy ɓa ꞌgangəje tar dɔ-m gə ose no ngɔ gangə tar lə dəwje ɓa gangə tar dɔ-m gə kara jɔgə-m ang. ꞌMa ja kara m-gangə tar dɔ darɔ-m gə ang tɔ; mba mə-m ila tar dɔ-m gə ang,

1 Corinthiendjé 7:25

Tar gə ɔji dɔ ngaw baje le, ꞌma m-inga ndu gə Mbayɓe un ar-m ɔji dɔ-ɛ ang; ngaa gə go ɗəw gə Mbayɓe o ne kəmtondoo lə-m, ɓa turu-m ne gə dəw gə gadə-gadə le ɗaa, kəji lə-m ɓa nee.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

Colossiendjé 1:7

Gə go nendo gə ngon ko̰-si Epapəras, njeba kula ndoo-si, ɗaa ꞌne n-to dəw gə ɗa kula lə Kirisi gə maj-ɛ ja n-ta nee toro sijee,

Colossiendjé 4:17

Be ɓa ꞌpaje ar-je Arəsipə: ꞌTɔsə kəm-i dɔ kula gə Mbayɓe um ji-i gə le gə maj-ɛ gə mba ɗa.

Colossiendjé 4:7

Neje gə ɔji dɔ-m ꞌma ɗaa, ngon ko̰-m gə m-njig-e ya̰, njekula gə gadə, njeba kula lə-m gə ɗəw gə lə Mbayɓe, gə ri-a na Tisikə ɓa a pa tɔ̰y kar-si oje.