1 Corinthiendjé 4:17 - Mbede Lə Luba Kone Gə Sigi

¹⁷ To gə be ɓa m-ula Timoce ɓə lə-si, ꞌne gə to ngon-m gə m-njig-e ya̰ ngaɓa n-to dəw gə dana gadə ɗəw gə lə Mbayɓe le, n-a kole mə-si dɔ pa nja-m gə ɗəw gə lə Kirisi Jeju, to to gə m-tɔji ne gə lo tɔ̰y, lo Mbo̰ naaje lə njetakagəje.

Testament ke Siki 1960 (Kabba Laka)

¹⁷ Mbata né nèn ma moula Timothée ròsè té, ngonem ke mè ndaa kaï ke mam ndikè nya mè Mbaibé Seigneur té, nè na kòlè mèsè deo té lom mè Christ té, deo kadaba tokou mam ntòdjou tar loou té toï ke kei Allah kada kada toï.

1 Corinthiendjé 4:17 ပူးပေါင်းရင်းမြစ်များ

Matiye 24:45

Na ɓa to ngon njekula gə to ngon kuji gə to nje kəm karə, ɓa ꞌɓəə-eje um kula ji-a gə, mba kar-ɛ ar dəwje gə mə kəy gə nekusa gə dɔ kar-ɛ kar-ɛ wa?

Matiye 25:21

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Matiye 25:23

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne ꞌto ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Koula 16:1

Logə n-ce Dɛrəbə ngaɓa Lisətərə, ɗaa ngon njenendo kara ga̰ kəne, ri-a Timoce, ko̰-ɛje to Jiibi gə takagə Kirisi ngaa bɔ-ɛje to gərɛk.

1 Corinthiendjé 11:16

Ngaa to gə ɓo dəw njigi ma̰y nama, to gə ji kula lə-sijee ang nəm, ngaɓa kar Mbo̰ naaje lə njetakagəje lə Luba ang nəm.

1 Corinthiendjé 11:2

M-pidi-si mba mə-sisəy ole dɔ-m gə taar-taar, ngaɓa ji neɗaje gə m-tɔji-si kara ꞌngom-je gə lo-e gə m-tɔji-si ne ja mɔgɔgɔ.

1 Corinthiendjé 11:34

To gə ɓo ɓo ɔr dəw nama, may kar-ɛ usa ne kəy lə-a, mba kar logə uwaje dɔ naa ɗaa kar tar uwa dɔ-si ang. Ɔji dɔ tarje gə kɛm gə ꞌdəjije le ɗaa, logə m-a kaw ɓa m-a gɔl ɓi.

1 Corinthiendjé 14:33

Mba Luba le to Luba gə nje ɗa ne wɔr-wɔr ang ngaa nje gəl ɗɛgɛgɛ. To to gə lo Mbo̰ naaje lə njetakagəje gə njerɔsangəje le,

1 Corinthiendjé 16:1

Tar gə ɔji dɔ nembo̰ mba la ne gə njerɔsangəje le, sisəy kara, ꞌɗaje to to gə m-un ne ndu-m m-ar Mbo̰ naaje lə njetakagəje gə Galasi be.

1 Corinthiendjé 16:10

To gə ɓo Timoce ce ɓə lə-si nama, ꞌɗaje ar-eje n-isi gə ɓəəl ang, mba n-ɗa kula lə Mbayɓe to to gə ꞌma be tɔ.

1 Corinthiendjé 4:14

ꞌM-ɗa mbede gə nee le mba kila ne rɔ kul kəm-si gə ang; ngaa m-ndəji-si to gə ngan-m gə m-njigi-je.

1 Corinthiendjé 4:15

Mba, le njetɔji sisəy neje gə mə Kirisi gə d-ḭ tɔl-tɔl dɔg lo dɔg kara bɔ-sijee-je gə ɗəw lə Kirisi ɗaa ꞌbula ang baa, mba to ꞌma ja m-uji si ɗəw gə lə Kirisi Jeju gə go Tar gə May.

1 Corinthiendjé 4:2

Ne gə ꞌnjigi ko rɔ nje ka dɔ ne gə le ɗaa, kar n-to dəw gə dana gadə.

1 Corinthiendjé 7:17

Ne kara baa le, may kar na-na kara nja gə go ɗəw gə Mbayɓe ar-ɛ kar nja kəne, ɓa Luba ɓar-ɛ kəne. Ye ɓa to ndu gə m-un m-ar Mbo̰ naaje lə njetakagəje tɔ̰y.

1 Corinthiendjé 7:25

Tar gə ɔji dɔ ngaw baje le, ꞌma m-inga ndu gə Mbayɓe un ar-m ɔji dɔ-ɛ ang; ngaa gə go ɗəw gə Mbayɓe o ne kəmtondoo lə-m, ɓa turu-m ne gə dəw gə gadə-gadə le ɗaa, kəji lə-m ɓa nee.

2 Corinthiendjé 8:18

J-ula ngon ko̰-si j-ar aw sə-a naa gə, ngon ko̰-si nee le to dəw gə Mbo̰ naaje lə njetakagəje dang-dang d-ɔsə gaji-ɛ mba ne gə n-ɗa ɔji dɔ Tar gə May,

Ephésiendjé 6:21

Mba kar-sisəy kara, ꞌgərəje ne pa kisi-m gə m-isi, gə kula ɗa-m gə m-ɗa le ɗaa, ngon ko̰-m gə m-njig-e ya̰, njekula lə Mbayɓe gə gadə, gə ri-a na Tisikə ɓa a pa tɔ̰y kar-si oje.

Philippiendjé 2:19

M-um mə-m dɔ Mbayɓe Jeju gə mba kula Timoce ɓə lə-si gə tɔg-e, mba kar m-o no-si ja ɓa m-a kuba ne singa gə maj-ɛ,

Philippiendjé 2:22

Ngaa ꞌgərəje to gə n-tɔji gə ɗaga to to gə ngon gə isi mbɔr bɔb-ɛje gə ja, n-un rɔ-ɛ ɗɔdə n-ila sə-m kula kila mbərə Tar gə May gə.

Colossiendjé 1:7

Gə go nendo gə ngon ko̰-si Epapəras, njeba kula ndoo-si, ɗaa ꞌne n-to dəw gə ɗa kula lə Kirisi gə maj-ɛ ja n-ta nee toro sijee,

Colossiendjé 4:9

M-ula-a naa gə kara baa gə Onejim, gə to ngon gə ila kuji ngaɓa ngon ko̰-si gə m-njig-e ya̰ ngaɓa n-to nje baa ɓe lə-si. D-a paje tar neje gə aw nday nee tɔ̰y kar-si oje.

1 Timoce 1:18

Ngon-m Timoce, tar ndəji gə m-a pa kar-i ɓa nee, to tar ndəji gə aw ɗəw kara baa gə tar gə pajambərəje pa ɔji dɔ ndo-ɛ gə kede le. Ye ɓa a kula jingaw mə-i gə kar ꞌɗa nee ɗɔ kəm ngon gə jingaw,

1 Timoce 1:2

ɓa m-ɗa mbede nee m-ar-i, Timoce, ꞌi gə m-o-i to gə ngon njigi lə-m gə tɔgərɔ gə ɗəw takagə gə. M-dəji Luba gə Bɔ je gə Kirisi Jeju gə to Mbayɓe lə-si mba kar d-ar-i mənuji, ꞌɗa sə-i məmay ngaɓa d-ar-i ɗɛgɛgɛ tɔ.

2 Timoce 1:2

Timoce, ngon njigi lə-m: May kar-i inga mənuji, gə məmay ngaɓa gə ɗɛgɛgɛ ɗəw gə lə Luba gə Bɔ je gə Mbayɓe lə-si Kirisi Jeju.

2 Timoce 2:2

Ngaɓa ne gə o ta-m gə nje tar naj-ɛje bula le, um mə ji dəwje gə gadə-gadə gə, d-a kasə mba tɔji nje gə kɛm tɔ.

2 Timoce 3:10

Be ɓa ꞌi le, ore kəm-i ndəng o ne pa nendo gə m-ndo dəwje, o pa nja-m, ꞌgərə gəl kula gə m-gɔl, ꞌgərə go takagə lə-m, gə kore ur ndəng lə-m, gə njigi gə m-njigi dəwje, gə kuwa gə m-uwa gədərə,

Tite 1:5

ꞌMa m-iya̰-i mə ɓe gə Kərɛd mba kar-i ꞌgɔl kɛsə kulaje gə nay, cibi gə go ndu-m gə m-un m-ar-i le ɗaa kar-i ꞌmbərə dəwje unda-je gə ngatɔgəje mə ɓeboje gə kara kara,

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.