1 Corinthiendjé 4:10 - Mbede Lə Luba Kone Gə Sigi

¹⁰ J-a to mbəje mba Kirisi, ngaa sisəy ɗaa ꞌtoje kəm karəje gə mə Kirisi gə, sijee j-a to nje tɔgə godoje ngaa sisəy ꞌtoje njesingaje. Sisəy ꞌɗɔy-si ngaa sijee ꞌdabə-si dasəra!

Testament ke Siki 1960 (Kabba Laka)

¹⁰ Djèdjè nto mbedjé mbata lo Christ, a sésè etoidjé ndjè kemkarèdjé mè Christ té. Djèdjè mongou ang, a sésè ngengidjé, sésè mpitisè, a djèdjè mbetédjè.

1 Corinthiendjé 4:10 ပူးပေါင်းရင်းမြစ်များ

Matiye 24:9

Be ɓa d-a kun dɔ-si kar d-a kuwa-si kula kəm-si ndoo, gə d-a tɔl si nəm ngaɓa gəl kujije tɔ̰y d-a njigi-si ang gə kɔrɔ mba tar lə-m.

Matiye 5:11

A to-je njenokarəje, lo gə d-a taji si, d-a kula kəm-si ndoo gə d-a pa gə si tarje gə kṵra̰y dang-dang mba tar lə-m.

Lugu 10:16

Jeju təl pa na: Dəw gə o tar lə-si nama, ꞌma ja nj-ɛ o tar ta-m gə əng; dəw gə mbadə si nama, ꞌma ja nj-ɛ mbadə-m, ngaɓa dəw gə mbadə-m nama, nj-ɛ mbadə dəw gə ula-m tɔ.

Lugu 18:9

N-pa gusutar gə ɗangə cibi n-ar nje gə kɛm gə d-o rɔ-je gə dəwje gə dana gadə-gadə ɗaa ꞌdaɓə ne nje gə kɛm dasəra le na:

Lugu 6:22

A toje njenokarəje, logə dəwje d-a njigi-si ang gə kɔrɔ, ngaɓa logə d-a tɔbə-si, d-a taji si cibi d-a tuji ri-si mba tar lə ꞌma gə Ngon lə dəw.

Koula 17:18

Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy.

Koula 17:32

Logə d-o-je tar ce buwa yo gə ɗaa nje gə ɓe kara ꞌkogo-e gə kogo ngaa nje gə kɛm ꞌpa na: Ndɔ gə ɗangə ɓa a pa tar gə əng kar j-o ɓi.

Koula 26:24

Logə n-aw n-pa tar neje nee le n-ta ne dɔ rɔ-ɛ to gə be ɗaa, Pɛsətus pa tar gə singa na: ꞌTo mbə, Pɔl! ꞌGərə ne ya̰ ɗaa tur-i ila-i mbə gə baa!

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

1 Corinthiendjé 1:23

Ngaa sijee le, Kirisi gə ꞌɓər-e kagə dəsə gə ɓa j-ila mbər-e, ye ja to gəl koso lə Jiibije ngaɓa dəwje gə ꞌto Jiibije ang gə d-o gə tar mbə.

1 Corinthiendjé 1:25

Mba ne mbə lə Luba to kəm karə unda kar dəwje, ngaɓa tɔgə godo lə Luba le uba singa unda singa dəwje tɔ.

1 Corinthiendjé 10:12

Be ɓa, may kar dəw gə əji to gə n-ar taar nama o gə maj-ɛ mba a ce koso.

1 Corinthiendjé 2:14

Ngaa dəw gə kəji lə-a to kəji gə darɔ gə le njigi neje gə ɗe ɗəw Njil lə Luba ang, mba n-o gə ne mbə baa ta kəm-e gə; n-asə gərə ang mba ɗəw Njil gə lə ɓa dəw a kɔr kəm ne neje gə nee le.

1 Corinthiendjé 2:3

ꞌMa ja kara m-aw ɓə lə-si gə nje tɔgə godo, gə njeɓəəl ngaɓa gə njekisa ɗɛgə-ɗɛgə.

1 Corinthiendjé 3:18

May kar dəw ərə rɔ-ɛ ang. To gə ɓo dəw kara horo-si gə o rɔ-ɛ gə nje kəm karə gə dɔ ndɔ gə ɓogəne nama may kar-e təl mbə ɓa mba təl to nje kəm karə ɓi.

1 Corinthiendjé 3:2

Mba ɓa m-ar-si ay-je ɓo m-ar-si nekusa gə kədərə ang, mba asə kar-si ang ɗɔdə, ngaɓa ɓisine ja kara a kase-je ang ja dɔro ɓi,

1 Corinthiendjé 4:8

Ne asə sisəy mbagə nam, ꞌtoje njenekingaje nam, sijee j-a godo ja unje kudu ko̰je mbay le! Ngaɓa ɓo o̰je mbay le gə ko̰ ja tɔgərɔ nama, mba kar-sijee kara j-o̰ gə si mbay tɔ.

2 Corinthiendjé 10:10

mba ꞌpa na: mbedeje lə Pɔl to ɓəəl ngaɓa uba singa, ngaa logə n-ga̰ horo-si gə ɗaa, n-unda ndɔlɛ ngaɓa tar pa lə-a to ne ang.

2 Corinthiendjé 11:19

Sisəy gə nje kəm karə le ja, ḭje gə mə njigi lə-sisəy ja ilaje gəl nje dɔ godoje gə səmə!

2 Corinthiendjé 11:29

Na ɓa tɔg-ɛ godo ɓa tɔgə-m ꞌma godo sə-a ang wa? Na ɓa oso ɓa m-ɗunga rɔ-m kadə mb-ɛ ang wa?

2 Corinthiendjé 13:9

Logə sisəy ubaje singa ɓa singa sijee godo le, j-a ɗa rɔləl, ngaɓa ne gə ja njinga lo dəji Luba gə lə-sijee to gə may pɛdə lə-sisəy tɔ.

2 Corinthiendjé 4:12

Be ɓa yo o̰ ne ɓe dɔ sijee gə, ngaa sisəy ɗaa, təbə uru gada mə-si gə.

2 Corinthiendjé 6:8

dan riɓar gə gə rɔ kul gə, ꞌpa tarje gə kṵra̰y gə yə je gə may dɔ-si gə, ja pa tar gə tɔgərɔ ja ngaa d-o si gə njetar gə ɗəgərəje.

1 Thessaloniciendjé 4:8

Be ɓa dəw gə mbadə nduje gə nee le, to gə dəw ɓa nj-ɛ mbadə tar t-ɛ gə ang ngaa Luba gə nje kar-si Njil Njerɔsangə ɓa nj-ɛ mbad-e.

1 Piyɛr 4:14

To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si.