1 Corinthiendjé 3:5 - Mbede Lə Luba Kone Gə Sigi

⁵ Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara.

Testament ke Siki 1960 (Kabba Laka)

⁵ Tokou ban Apollos to na wa? Paul to na wa? Dèdè nto nganlokisidjé ke sésè woidjé mèsè té deo tadè té, tokou Mbaibé Seigneur aredè kada kada.

1 Corinthiendjé 3:5 ပူးပေါင်းရင်းမြစ်များ

Matiye 25:15

N-ar dəw gə dɔngɔr mbɛl kula mi, n-ar ye gə njekum gə joo mbɛl kula joo, ngaɓa njekum gə munda n-ar-ɛ mbɛl kula kara, dəw gə ɗa-ɗa kara n-ar-ɛ asə dɔ singa-a ngaɓa n-ɔdə n-aw mba gə le.

Lugu 1:2

ɗəw kara baa to gə nje gə d-ar lo kuma kud-e gə d-o gə kəm-je pa nee tar-ɛ d-ar-sijee, ngaɓa təl to nee nje ɗa kul-ɛje tɔ.

Jean 3:27

Ja̰ təl ila-je kəne na: To gə ɓo dara ar dəw ne ang nama, nj-ɛ a kasə kinga ne kara be gə dɔ rɔ-ɛ baa ang.

Koula 18:24

Jiibi kara ri-a na Apolos, n-to gə Alɛgəjandəri, to dəw ndu gɔs-ɛ may tar ya̰ ngaɓa gərə mbede lə Luba gə maj-ɛ ɗaa ɗe Epɛs.

Koula 19:1

Dɔ ndɔje gə Apolos ga̰ ne Kɔrɛnt ɗaa Pɔl nday mə ɓeko̰je gə dɔ ər gə aw Epɛs ngaɓa logə n-aw ɗaa n-inga ngan njenendoje ɓəəl, ɗaa

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

1 Corinthiendjé 12:28

Be ɓa mə Mbo̰ naa lə njetakagəje le, Luba unda njeka̰ykulaje dɔngɔr, njekum gə joo lə-a to pajambərəje, njekum gə munda lə-a to njenetɔjije, go-e gə ɗaa gusu ɗa nemisije, cibi gusu kaji dəwje, kar la gə dəwje, kar kɔr no dəwje, kar pa ndo̰ tarje dang-dang.

1 Corinthiendjé 16:12

Ye gə ɔji dɔ ngon ko̰-si Apolos le ɗaa, m-ula jingaw m-e gə ya̰ mba kar n-aw gə ngan ko̰-si ɓə lə-sisəy, ngaa m-e njigi mba kaw ɓisine ang; ndɔ gə n-inga ɗəw ɓa n-a kaw ɓi.

1 Corinthiendjé 3:10

Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa.

1 Corinthiendjé 3:22

Pɔl, ose Apolos, ose Sepas, ose dɔ nangə nee, ose təbə, ose yo, ose neje gə ɓogəne, ose neje dɔ ndɔ gə bara; tɔ̰y to kar-sisəy;

1 Corinthiendjé 3:7

Be ɓa nje maa-e kara to gə ne kara ang nəm, ngaɓa njekum man kəne kara to ne ang nəm, ngaa Luba gə nje ɗa kar tɔgə ja gə kar-e baa.

1 Corinthiendjé 9:17

To gə ɓo to kula gə ꞌma ja m-ɗa gə mə njigi lə-m nama kuga-a a ga̰; ngaa ɓo d-uwa-m gə singa nama to kula gə d-um ji-m gə gə kum.

2 Corinthiendjé 11:23

ꞌTo njekulaje lə Kirisi wa? M-pa to to gə dəw gə dɔ-ɛ godo gə kɔrɔ be, m-to njekula lə Kirisi m-unda-je: ɗəw kula gə, ɗəw to kəy kula gə, ɗəw kunda gə ꞌkunda-m gə. Taar-taar ja m-aw ta yo cɛbɛdə-cɛbɛdə,

2 Corinthiendjé 3:3

Tɔgərɔ ja, to ɗaga arə ngadə sisəy le ꞌtoje mbede gə Kirisi ɗa gə ɗəw kula ɗa gə lə-sijee, mbede gə ꞌɗa gə man ne gə ndul ang, ngaa gə Njil lə Luba gə nje kisi kəm baa, ngaɓa ꞌɗa mə bəgərəje gə to gə ər ang, ngaa ꞌɗa mə bəgərəje gə to gə darɔ, mə-sisəy gə kəy.

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

2 Corinthiendjé 4:1

Gəl-e gə nee ɓa, kula gə Luba um ji-si gə go məmay gə lə-a le, sijee j-ila ne kasə ang.

2 Corinthiendjé 4:5

Bənəng ang baa, mbərə tar gə j-ila le ɔji dɔ sijee ang, ngaa Jeju kirisi gə to Mbayɓe ɓa j-ila mbər-e. Ngaɓa sijee j-o rɔ-sijee gə ɓərəje lə-sisəy mba Kirisi.

2 Corinthiendjé 4:7

Ngaa nebaw gə nee le, sijee j-odo darɔ-si gə to jo anji gə mba kar singamongə gə asə kuwa kɔji ne mar-ɛ ang nee le to ne kar Luba ɓo to singamongə lə-sijee ang baa.

2 Corinthiendjé 5:18

Neje gə nee le ḭ rɔ Luba gə, ꞌne gə n-um naa gə gə sijee ɗəw gə lə Kirisi, ngaɓa n-ar-sijee kula kum dəwje naa gə.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

2 Corinthiendjé 6:4

Ngaa sijee ja tɔji rɔ-si mə neje tɔ̰y to gə ngan njekulaje lə Luba ɗəw kuwa gədərə gə dan neməko̰je gə, dan nekəmandoo gə, dan neje mongə si kang, dan neje gə ar mə-si gangə man,

Ephésiendjé 3:7

M-təl m-to ne gə nje kul-ɛ gə go mənuji lə Luba gə m-inga gə nekarə baa ɗəw singamongə gə lə-a.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:25

Mbo̰ naa le njetakagəje nee le ja m-təl m-to njekula kəne. Luba um kula ji-m gə mba kar m-ila mbərə tar lə-a gə n-pa n-ar-si.

1 Timoce 1:12

M-ar oyo Kirisi Jeju, Mbayɓe lə-si gə ar-m singa ngaɓa tura-m gə dəw gə gadə-gadə ɓa ɓar-m mə kula gə lə-a,

1 Piyɛr 4:10

Mba na-na kara Luba ar-ɛ gusu ɗəw mənuji gə, ɗaa gusu gə Luba ar-si le, ꞌɗaje ne ne ar-je gə nje gə kɛm tɔ. Be ɓa a toje njengom ne mənujije ɓədə-ɓədə gə Luba ar-si.