1 Corinthiendjé 3:16 - Mbede Lə Luba Kone Gə Sigi

¹⁶ ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

Testament ke Siki 1960 (Kabba Laka)

¹⁶ Sésè egeridjé ang wa, sésè etoidjé kei lo Allah ke Ndil lo Allah isi mèsè té?

1 Corinthiendjé 3:16 ပူးပေါင်းရင်းမြစ်များ

Jean 14:17

Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Romaindjé 6:16

ꞌGərəje ang wa? Logə unje rɔ-si ilaje mə ji dəw gə gə ɓərə lə-a mba kila ne kɔji dɔ-ɛ gə nama, ꞌtoje ɓərəje lə dəw gə ilaje kuji dɔ-ɛ gə nee le, gə kar neɗa gə kṵra̰y gə ce yo, ose kila kuji gə ce neɗa gə gadə-gadə gə.

Romaindjé 6:3

ꞌGərə-je ang wa? Sijee tɔ̰y gə ꞌɗa-si batɛm ɗəw gə lə Kirisi Jeju le, j-uy sə-a naa gə kara baa ɗəw batɛm gə.

Romaindjé 8:11

Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.

Romaindjé 8:9

Sisəy le ɗaa, darɔ o̰ dɔ-si ang, nga Njil ngaɓa o̰ dɔ-si, to gə ɓo tɔgərɔ ja Njil Luba isi mə-si gə. To gə ɓo dəw gə Njil Kirisi godo m-e gə nama to nje kar Kirisi ang baa.

1 Corinthiendjé 3:17

Dəw gə ɓo tuji kəy lə Luba nama Luba a tuj-e; mba kəy lə Luba to gə losang-ɛ, ɗaa sisəy ja ꞌtoje kəy gə nee le.

1 Corinthiendjé 3:9

Mba j-a to nje baa kulaje lə Luba. Sisəy ꞌtoje ndɔ lə Luba, ꞌtoje kəy lə Luba.

1 Corinthiendjé 5:6

Kɔsə gaji rɔ lə-sisəy le, kud-e arə ang! Guway kodo njɛ̰ baa ja ꞌmbɔ̰y ne mbə ɗaa, mbə ḭ ne tɔ̰y le ꞌgərə-je ang wa?

1 Corinthiendjé 6:16

ꞌGərəje ang wa? Dəw gə um naa gə gə kaya jene le ꞌtəl ꞌtoje gə darɔ gə kara. Mba, ꞌpa na: ꞌJejee joo kɛm d-a to darɔ gə kara baa.

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

1 Corinthiendjé 6:9

ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

1 Corinthiendjé 9:13

May kar-si ꞌgərəje to gə nje gə ꞌɗa kula mə kəy gə lə Luba le, ne gə kəne ja ɓa d-odo ne rɔ-je, ngaɓa nje d-aw d-un nepolo no kɔgə gə kara nepolo nee le ja kar-je to kəne tɔ.

1 Corinthiendjé 9:24

May kar-si ꞌgərəje to gə nje kuma naa gə ngɔdə ꞌɓaraje le d-a̰y gə ka̰y ja tɔ̰y ngaa dəw kara baa ja inga ne dɔ ji-a. Ɗaa a̰yje gə go ɗəb-e mba kinga ne ne dɔ ji.

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

1 Timoce 3:15

Ngaa to gə ɓo, kuru-m əw njɛ̰ nama, ꞌi ja a gərə ɗəw gə a ngom nee rɔ-i mə kəy gə lə Luba, gə to Mbo̰ naa lə njetakagəje lə Luba gə Nje kisi kəm baa, ꞌNe gə to nje kɔsə kudu tar gə tɔgərɔ nəm ngaɓa nje ta dɔ tar gə tɔgərɔ nəm tɔ.

2 Timoce 1:14

Ne gə may le ngom gə go singa Njil Njerɔsangə gə to mə-si gə.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Jean 4:12

Dəw gə o Luba ja kara kara godo. To gə ɓo j-a njigi naa gə yo gə nee nama, Luba isi mə-si gə, ngaɓa njigi lə-a kara may ɔr njal mə-si gə tɔ.