1 Corinthiendjé 3:13 - Mbede Lə Luba Kone Gə Sigi

¹³ Mba dɔ ndɔ-ɛ nama kula nee le a to gada, mba d-a ce ne dan pər gə ngaɓa na-na kara d-a gərə ne singa kula lə-a gə d-a na dan pər gə.

Testament ke Siki 1960 (Kabba Laka)

¹³ Mbata ndò ndja a tòdjou yéh ndja ke daka, mbata a téh mè pourou té, ke pourou a naa koula lo dooudjé kada kada toï ke da.

1 Corinthiendjé 3:13 ပူးပေါင်းရင်းမြစ်များ

Matiye 10:15

Tar gə tɔgərɔ ja m-pa m-ar-si: Ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom gə Gɔmɔr.

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Lugu 2:35

Be ɓa, ꞌi Məri, n-a to kiya gə a riya njil-i dana, mba kar kəji gə iya rɔ-ɛ mə dəwje kila nee rɔ-ɛ gə ɗaga.

Romaindjé 2:16

Ye ɓa to ne gə a ce dɔ ndɔ gə go Tar gə May gə m-ila mbər-e ɗəw gə lə Jeju Kirisi le, Luba a gangə ne tar dɔ neje gə dəwje ꞌɗa lo kiya gə.

Romaindjé 2:5

Ngaa gə go məkədərə lə-i ngaɓa ꞌnjigi mbəl kəji lə-i ang, ar ɔsə ne kɔr wungu ɔji dɔ-i, ɔji ne dɔ ndɔ wungu gə gangə tar gadə-gadə lə Luba a kila ne gə ɗaga,

1 Corinthiendjé 1:8

ꞌNe ja n-a kar-si singa saar ce ne ɗud-e gə mba kar tar uwa ne dɔ-si ang dɔ ndɔ gə lə Mbayɓe lə-sijee Jeju Kirisi.

1 Corinthiendjé 3:12

Be ɓa gɔl kəy nee le, dəw gə unda kəy dɔ-ɛ gə gə maa, gə lar, gə kɔr ərje gə ndɔ̰y, gə kagə, gə mu, gə kabəra, ɗaa kula lə na-na kara a kila rɔ-ɛ gə ɗaga ɓi.

1 Corinthiendjé 4:5

Gəl-e gə nee ɓa may kar ꞌgangəje tar ne kede ɓa dɔ kar asə ang, kede no ɗe gə lə Mbayɓe, gə a kila dɔ neje gə d-iya dan cil ciməri gə ngaɓa a kila kəjije gə mə dəwje gə. Be ɓa na-na kara Luba a pid-e.

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

2 Timoce 1:18

May kar Mbayɓe ar-ɛ n-inga məmay lə Luba ndɔ təl gə lə Kirisi Jeju! Məmay gə n-ɗa sə-m mə ɓe gə Epɛs gə al dɔ lo le, dəw gə gərə unda-i kəne kara godo.

2 Timoce 3:9

Ngaa d-a kaw-je ne gə kede ang mba kula mbə lə-je a kila rɔ-ɛ gə ɗaga kəm dəwje gə to to gə kar Janɛs je gə Jambɛrɛs be ɓi.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Ebərəje 10:25

J-ubaje mbo̰ naa lə-si j-ḭya̰-je to to gə nje gə kɛm d-aw ꞌɗa ne be ang, ngaa ar-si j-ula-je jingaw mə naa gə gə yo gə nee, mba oje to gə dɔ ndɔ nay əw ang baa.

1 Piyɛr 1:7

mba nenaje nee le ja ɓa a tɔji takagə lə-si gə tɔgərɔ, takagə lə-si may unda maa gə to ne gə a tuji ja ngaa d-aw ꞌna gə pər, be ɓa a kingaje ne pidi, gə riɓar ngaɓa d-a ɗɔy-si ne ndɔ gə Jeju Kirisi a kila ne rɔ-ɛ gə ɗaga.

1 Piyɛr 4:12

Ngan ko̰-m gə m-njigi-si ya̰, nena gə inga si to gə yɛl pər gə ubaje nangə be le, oje gə ne sigi ang.

2 Piyɛr 3:10

Ngaa ndɔ lə Mbayɓe le a ɗe to to gə nje ɓogo be. Dɔ ndɔ-ɛ le dara a nday kar kɔr-ɛ a ɓar ɓəgəgə-ɓəgəgə, pər a ro nekundaje gə ndogo dara tɔlɔg-tɔlɔg, ngaɓa nangə gə neje tɔ̰y gə to kəne d-a nday tɔ.

2 Piyɛr 3:7

ngaa, gə go tar gə nje kara nee le ja, d-uwa ne dɔ gɔl dara gə nangə gə ɓisine ngina ne pər gə dɔ ndɔ gangə tar gə ngaɓa tuji gə nje gə gərə Luba ang d-a kuba.

Apocalypse 20:12

Be ɓa m-o nje gə d-uy, bubaje gə nganje, d-ar gə ngal-je tar mbiwu no ngəndəng mbay gə ɗaa ꞌcɛ̰ mə mbedeje. Cibi ꞌɗəm ꞌcɛ̰ mə mbede gə ɗangə kara gə to gə mbede təbə, ɗaa ꞌgangə tar dɔ nje gə d-uy gə ɔji buwa kula ɗaje kula ɗa-je, gə go neje gə ꞌɗa mə mbedeje gə le.