1 Corinthiendjé 3:11 - Mbede Lə Luba Kone Gə Sigi

¹¹ Mba dəw asə kɔsə gɔl kəy gə ɗangə dɔ ꞌye gə kede, gə to Jeju Kirisi le ang.

Testament ke Siki 1960 (Kabba Laka)

¹¹ Mbata mare doou kada ase kòsou gòl kei marè ang, sè ke kadaba ke dòsou mbä, ke to Jésus Christ.

1 Corinthiendjé 3:11 ပူးပေါင်းရင်းမြစ်များ

Matiye 16:18

Be ɓa ꞌma ja m-pa m-ar-i to gə ꞌi ꞌto Piyɛr, dɔ ər gə m-a kunda gəl Mbo̰ naa lə njetakagəje lə-m kəne, singamongə lə nje gə jabaw a kasə ɗa sə-a ne kara ang.

1 Corinthiendjé 3:10

Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa.

1 Corinthiendjé 3:12

Be ɓa gɔl kəy nee le, dəw gə unda kəy dɔ-ɛ gə gə maa, gə lar, gə kɔr ərje gə ndɔ̰y, gə kagə, gə mu, gə kabəra, ɗaa kula lə na-na kara a kila rɔ-ɛ gə ɗaga ɓi.

Ephésiendjé 2:20

ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

1 Piyɛr 2:4

ꞌƊəmje gə rɔ-ɛ gə, ꞌne gə n-to kɔr ər gə to kəm baa gə dəwje ꞌmbadə, ngaa n-may ta kəm Luba gə ɓa mbər-e.