1 Corinthiendjé 2:7 - Mbede Lə Luba Kone Gə Sigi

⁷ Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

Testament ke Siki 1960 (Kabba Laka)

⁷ A djèdjè mpa tar kemkarè lo Allah ke ngeré ang ke yarè, ke Allah pa tarè dongor bal toï mbata ndokoo lodjè.

1 Corinthiendjé 2:7 ပူးပေါင်းရင်းမြစ်များ

Matiye 11:25

Dɔ kar-ɛ gə əng le, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje ngaa ꞌkila gəl-e ar nganje d-o.

Matiye 13:35

Mba kar tar gə pajambərə ila mbər-e le to ne lo-e gə: M-a pa gə je tar gə gusutar, M-a kila mbərə neje gə to lokiya gə logə Luba ɗa ne dara gə dɔ nangə .

Romaindjé 11:25

Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

Romaindjé 8:30

Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.

1 Corinthiendjé 2:1

Ngan ko̰-mje, ꞌma le ɗaa, logə m-ɗe ɓə lə-si le, m-ɗe mba pa tar gə to ɓəəl ose kəm karə ɓa m-ila ne mbərə ne lə Luba gə to lokiya gə m-ar-si ang.

Ephésiendjé 1:4

ɗaa Luba mbərə ne sijee, ɗəw gə lə Kirisi, kede ləw baa nam ɓa gəl dara gə gəl nangə to, mba kar j-a to gə losang-ɛ ngaɓa kar tar uwa dɔ-si no-ɛ gə ang. Dan njigi gə lə-a,

Ephésiendjé 3:10

mba kar ɗəw gə lə mbo̰ naa lə njetakagəje ɗaa, nje dum dɔ loje gə singamongəje gə mə dara gə ꞌgərə ne kəm karə lə Luba gə to gə lo-e ɓədə-ɓədə bula ya̰ ɓisine,

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

Ebərəje 11:3

Gə go takagə ɓa j-a gərə ne to gə Luba unda ne dara gə nangə gə tar gə t-ɛ gə, ar j-o to gə ne gə kəm dəw ang ja ce to ɗaga.

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Piyɛr 5:1

M-ndəji ngatɔgəje gə horo-sisəy gə, ꞌma gə m-to ngatɔgə to to gə ꞌjejee be tɔ, m-to njetar naji ꞌməsərəje lə Kirisi ngaɓa rɔnduba gə a kila rɔ-ɛ gə ɗaga le kara m-a kar dan-ɛ gə tɔ.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

2 Piyɛr 1:3

Ɗəw singamongə gə lə-a ꞌne gə Luba ja ɓa n-ar-si ne ne tɔ̰y gə kar kaw kəm baa ngaɓa kar kila ne kuji dɔ ne gə lə-a, kar j-a gərə ne nje ɓar-si ɗəw rɔnduba gə ɗəw məmay gə lə-a ja.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.