1 Corinthiendjé 2:4 - Mbede Lə Luba Kone Gə Sigi

⁴ Tar lə-m gə m-pa gə ne gə m-tɔji le, to tar kəm karə gə mba cɛdə ne gɛngərɛ̰-si ang baa; ngaa to gə Njil ɓa ce ne ngaɓa to gə singamongə.

Testament ke Siki 1960 (Kabba Laka)

⁴ Tar ke ma mpa ke tar ke mam ntòdjou to ke gousou tar kemkarè ang, a deo tòdjou koula lo Ndil ke singa ke daka.

1 Corinthiendjé 2:4 ပူးပေါင်းရင်းမြစ်များ

Koula 20:27

mba m-iya ne kara ang, m-tɔji-si mə njigi lə Luba tɔ̰y.

Koula 26:28

Agiripa təl ila Pɔl kəne na: Nay njɛ̰ baa kar-i ꞌɗa-m ar-m m-təl njetakagə Kirisi!

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:19

ɗəw singamongə netɔjije gə neje dang-dang gə kəm dəw o ndɔ kara ang, ɗəw singamongə Njil, un kud-e Jerujalɛm saar ce ne Iliri ja m-ila mbərə Tar gə May lə Kirisi m-ar ta lo ya̰-ya̰.

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

1 Corinthiendjé 1:17

Mba Kirisi ula-m mba kar m-ɗa batɛm ang ngaa mba kar m-ila mbərə Tar gə May; mba kar m-pa tar kəm karə ang na kagə dəsə lə Kirisi a to ne gə baa.

1 Corinthiendjé 2:1

Ngan ko̰-mje, ꞌma le ɗaa, logə m-ɗe ɓə lə-si le, m-ɗe mba pa tar gə to ɓəəl ose kəm karə ɓa m-ila ne mbərə ne lə Luba gə to lokiya gə m-ar-si ang.

1 Corinthiendjé 2:13

Ngaɓa sijee kara j-a pa tar neje gə nee le gə ɗəw tar kəm karə gə dəwje ꞌtɔji ang, ngaa gə ɗəw gə Njil tɔji sijee, ja tɔji ne neje gə kar Njil j-ar nje gə Njil Luba to mə-je gə.

1 Corinthiendjé 4:20

Mba ɓeko̰ lə Luba to tar gə pa ja baa ang, ngaa to gə singa ɗa kula.

2 Corinthiendjé 6:6

ɗəw karə ngadə gə, ɗəw negərə gə, ɗəw kila mə dɔ mar-ɛ gə, ɗəw məmay, ɗəw gə lə Njil Njerɔsangə, ɗəw njigi gə lal tar mula,

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Colossiendjé 2:4

M-pa bənəng mba kar dəw ɗe ərə si gə tarje gə baa ang.

1 Thessaloniciendjé 1:5

Mba Tar gə May gə j-ila mbər-e j-ar-sisəy le, j-a pa gə ta-si baa ang, ngaa Njil Njerɔsangə ore kud-e gə singamongə ngaɓa to tar gə tɔgərɔ ja. Be ɓa sisəy ꞌgərəje pa nja sijee gə horo-sisəy gə mba kar to may lə-si.

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.

2 Piyɛr 1:16

Logə j-ila mbərə ɗe gə Mbayɓe lə-si Jeju Kirisi a ɗe gə singamongə j-ar-si le, to gə ꞌsu gə dəwje d-ɔr gə kəm karə lə-je ɓa j-ɔr j-ar-si ang, ngaa sijee ja j-o-e lo kunda rɔ-ɛ gə to ɓəəl gə kəm-si nda̰-nda̰;

2 Piyɛr 2:18

ꞌPa tarje gə baa ja d-ɔsə ne rɔ-je ngaɓa gə go ɓo neje gə darɔ gə d-ərə ne nje gə kar be ɓi ɓa ꞌkɔdɛ rɔ-je d-ɔr ji njendəəmje gə;