1 Corinthiendjé 2:14 - Mbede Lə Luba Kone Gə Sigi

¹⁴ Ngaa dəw gə kəji lə-a to kəji gə darɔ gə le njigi neje gə ɗe ɗəw Njil lə Luba ang, mba n-o gə ne mbə baa ta kəm-e gə; n-asə gərə ang mba ɗəw Njil gə lə ɓa dəw a kɔr kəm ne neje gə nee le.

Testament ke Siki 1960 (Kabba Laka)

¹⁴ Doou ke da rò té ba inga né kinga ba lo Ndil lo Allah ang, mbata dèdè nto né mbe kèmè té, ke nè nase ta gerédè ang, mbata ase geré gelè deo té lo Ndil.

1 Corinthiendjé 2:14 ပူးပေါင်းရင်းမြစ်များ

Matiye 16:23

Ngaa Jeju turu kəm-e pa ar Piyɛr na: ꞌSu ɔdə ta-m gə gə ɗangə! ꞋI to jigi tuga koso no-m gə, mba kəji tarje lə-i to kar Luba ang ngaa to kar dəwje baa.

Jean 10:20

Dəwje bula ya̰ horo-je gə ꞌpa na: Njil gə kṵra̰y ɗa ɓe m-e gə, n-to gə mbə, mba ɗi ɓa oje tar lə-a wa?

Jean 12:37

Gə go netɔjije tɔ̰y gə Jeju ɗa ta kəm dəwje gə nee ja kara, ꞌta kag-ɛ ang.

Jean 14:17

Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Jean 14:26

Ngaa njekuul mə, gə to Njil Njerɔsangə gə Bɔy a kula-a gə ri-m a ndo-si neje tɔ̰y ngaɓa a kole mə-si dɔ neje tɔ̰y gə m-pa tar-ɛ m-ar-si tɔ.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Jean 5:44

Sisəy gə ilaje riɓar dɔ naa gə gə yo gə nee ngaɓa ꞌsangəje riɓar gə ḭ rɔ Luba gə ja gə kar-ɛ baa ang nee le, na ban ɓa a taje kagə-m wa?

Jean 8:43

Mba ɗi ɓa ꞌgərəje dɔ tar lə-m ang wa? Mba sisəy asəje mba tuga mbi-si ko ne tar lə-m ang.

Koula 16:14

Ɗaa jene kara, ri-a na Lidi, n-to nje ɗabə dɔ kubuje gə kasə wɛgɛ ngaɓa n-to gə Tiyatir, n-ɓəəl Luba ya̰. Jene nee le tuga mbi-a o ne tar ɗaa Mbayɓe mbudu dɔ ɓəngər-e ar-ɛ n-ta kagə tarje gə Pɔl pa le.

Koula 17:18

Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy.

Koula 17:32

Logə d-o-je tar ce buwa yo gə ɗaa nje gə ɓe kara ꞌkogo-e gə kogo ngaa nje gə kɛm ꞌpa na: Ndɔ gə ɗangə ɓa a pa tar gə əng kar j-o ɓi.

Koula 18:15

Ngaa ɓo ɔji dɔ ma̰y tarje, gə ɔji dɔ netɔjije ose torondu, gə ɔji dɔ rije ngaɓa gə torondu lə-sisəy ja nama, to tar lə-si, ꞌma m-njigi ɗa tar-ɛ ang.

Koula 25:19

ngaa tar gə ꞌɗa ne naa le ɔji dɔ nepoloje lə-je, gə ɔji dɔ dəw kara kəne əng ri-a na Jeju gə uy nam ja ngaa Pɔl na n-aw kəm baa.

1 Corinthiendjé 1:18

Tar gə ɔji kagə dəsə le, to tar mbə baa kəm nje gə d-inga tuji gə, ngaa kəm sijee gə j-inga kaji ɗaa to gə singamongə lə Luba.

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

1 Corinthiendjé 1:23

Ngaa sijee le, Kirisi gə ꞌɓər-e kagə dəsə gə ɓa j-ila mbər-e, ye ja to gəl koso lə Jiibije ngaɓa dəwje gə ꞌto Jiibije ang gə d-o gə tar mbə.

1 Corinthiendjé 1:25

Mba ne mbə lə Luba to kəm karə unda kar dəwje, ngaɓa tɔgə godo lə Luba le uba singa unda singa dəwje tɔ.

1 Corinthiendjé 15:44

ꞌDubu darɔ gə to da, ngaa a ndol to darɔ gə ɗəw njil gə. To gə ɓo darɔ gə to da ga̰ nama, darɔ gə ɗəw njil gə ga̰ tɔ.

1 Corinthiendjé 15:46

Dɔgɔr-ɛ ɓa to ꞌye gə to njil ang, to ꞌye gə to da; ngaɓa ꞌye gə to njil ɗe go-e gə.

1 Corinthiendjé 2:12

Be ɓa sijee le ɗaa njil gə dɔ nangə nee ɓa j-inga ang baa, ngaa Njil gə ḭ rɔ Luba gə, mba kar j-a gərə ne neje gə Luba ar-si gə go mənuji.

1 Corinthiendjé 3:1

Ngan ko̰-mje, ꞌma le ɗaa, m-pa gə si tar to gə dəwje gə Njil isi mə-je gə ang ngaa m-pa gə si tar to to gə dəwje gə darɔ gə, to gə nganje mə tar gə lə Kirisi be.

Jacques 3:15

Kəmkarə gə kən le, to ye gə ḭ dara ang; ngaa, to ye gə ḭ dɔ nangə nee, gə to gə kar darɔ, gə kar ꞌSɛ̰ngərɛ̰.

1 Jean 2:20

Kar-sisəy le ɗaa, Njerɔsangə uwa dɔ-si gə ubu, ngaɓa ingaje ne negərə.

1 Jean 2:27

Sisəy le ɗaa, Njerɔsangə uwa dɔ-si gə ubu le nam, ɓo dəw a tɔji-si ne ang ngaa; ngaa mba ubu gə n-uwa ne dɔ-si le tɔji neje tɔ̰y, to gə n-to ne tar gə tɔgərɔ ja ɓo tar gə ɗəgərə ang, ɗaa umje sə-a naa gə to gə n-tɔji le.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Jude 1:19

Oje, dəɓ-eje nee le, ꞌto nje cḭ dəwje. Kəji lə-je to kəji lə daje ngaɓa Njil godo mə-je gə.