1 Corinthiendjé 16:2 - Mbede Lə Luba Kone Gə Sigi

² May kar na-na ja kara horo-sisəy gə, dɔngɔr ndɔ gə mə dɔmasi gə ja, un ne asə dɔ singa mə kəy gə lə-a ila gə lo-e, mba kar ꞌngina ndɔ ɗe lə-m ɓa ꞌmbo̰ ne ang.

Testament ke Siki 1960 (Kabba Laka)

² Ndò té ke dongor ke to ndò shiri, to tar losè kada kada toï ta kare doou òrou mare né kinga la ta ngem dang ase né ke nè ninga, tokou ban ase kare sésè mbòidjé né ang tokou mam ndé.

1 Corinthiendjé 16:2 ပူးပေါင်းရင်းမြစ်များ

Marəke 14:8

N-ɗa ne gə asə kar-ɛ; n-um ubu dɔ-m gə kede nam ɓa kar ndɔ kila-m mə buwa gə asə ɓi.

Lugu 16:10

Dəw gə to ngon kuji ɔji dɔ ne gə njɛ̰ gə nama a to ngon kuji ɔji dɔ ne gə bo ja tɔ, a ɓo dəw gə to nje ɗa ne dɔ buguru ɔji dɔ ne gə njɛ̰ ang nama, a to nje ɗa ne dɔ buguru ɔji dɔ ye gə bo ang tɔ.

Lugu 24:1

Dɔmasi ɗaa, jeneje ꞌɗe gə ndɔɔ-sḭ baa dɔbarə gə kam ba̰yi kəndə mambo̰je gə ꞌgɔl dɔ-ɛ le ji-je gə.

Jean 20:19

Kar kumatagə, dɔ ndɔ-ɛ gə nee gə to gə dɔngɔr ndɔ gə mə dɔmasi gə le ngan njenendoje ꞌɓəəl Jiibije ɗaa lo gə d-isi kəne le d-udu ta ɗəw dɔ-je gə badə ja ngaa Jeju ɗe ar dan-je gə dana, ɗaa pa ar-je na: Ɗɛgɛgɛ nay gə si!

Jean 20:26

Ndɔ ji nay joo go-e ɗaa, ngan njenendoje lə-a ꞌga̰ to gə ɗangə mə kəy gə ngaɓa Toma kara ga̰ gə je tɔ. Ta kəy udu badə ja ngaa Jeju ɗe ar dan-je gə dana ɗaa pa ar-je na: Ɗɛgɛgɛ nay gə si!

Koula 20:7

Ndɔ dɔmasi le j-a mbo̰ naa mba cɛdə mbə, ɗaa Pɔl uwa gə je dɔ naa saar unda ngang-ɛ dan lo gə mba lo kar-ɛ nama a kɔdə kaw.

2 Corinthiendjé 8:10

To tar kəji ɓa m-ila dɔ mar-ɛ gə m-ar-si, to tar gə ɔji dɔ-si, mba mə ɓal gə nday gə əng le, sisəy ja ꞌtoje dəwje gə dɔngɔr gə gɔl mə-je gə mba mbo̰ ne baa ang, ngaa dəwje gə dɔngɔr gə ꞌnjigi mbo̰ ne.

Apocalypse 1:10

Dɔ ndɔ gə lə Mbayɓe ɗaa, Njil Luba ɗe yiil isi dɔ-m gə, ɗaa m-o ndu dəw ɓar go-m gə gugu ɓolong to gə kuul be,