1 Corinthiendjé 15:3 - Mbede Lə Luba Kone Gə Sigi

³ Ne gə ꞌma m-inga ja, m-ar-si dɔngɔr: Gə go tar mə mbede gə ɗaa Kirisi uy mba neɗaje gə kṵra̰y lə-si;

Testament ke Siki 1960 (Kabba Laka)

³ Dongor né toï, mam ntòdjousè né tòdjou ke ma ndja minga, ke Christ woei mbata né ke madjang lodjè deo kadaba tokou maketourou lo Allah pa.

1 Corinthiendjé 15:3 ပူးပေါင်းရင်းမြစ်များ

Matiye 26:24

ꞌMa gə Ngon lə dəw m-a kuy to to gə Mbede lə Luba pa. Ngaa tuji a kuba dəw gə a kun dɔ-m! May kar kuji ja kara d-uji-e ang.

Matiye 26:28

ꞌYe gə nee le to məsə-m, məsə kone gə kay nangə mba dəwje bula, mba kar tar neɗa gə kṵra̰y ɔr ne dɔ-je gə.

Lugu 24:25

Ɗaa, Jeju pa ar-je na: Ɓəy! Sisəy ɛbɛ dəwje gə ꞌtoje gə dəwje gə mə-si kədərə, gə lo takagə neje tɔ̰y gə pajambərəje lə Luba ꞌpa le o̰ gə si ya̰!

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Koula 17:2

Ɗaa Pɔl andə kəne to to gə aw andə ne kede-kede le, asə ndɔ kuwa kɔrje munda ja n-pa tar gə Jiibije ɔji dɔ mbede lə Luba,

Koula 3:18

Ngaa Luba tɔl ta ne gə ye pa kede ləw baa gə ndu pajambərəje lə-a tɔ̰y, tar gə ɔji dɔ ko məsərə lə Kirisi lə-a le.

Koula 8:32

Tar gə mə mbede gə n-tura le ɓa nee: D-aw sə-a to to gə badəm gə d-aw sə-a gə lo tɔl daje gə be; Ngaɓa to to gə ngon badəm gə ar t-ɛ munduru no njekunja bḭ-e gə be, N-pa tar ang.

Romaindjé 3:25

ꞌNe gə Luba un-e gə nepolo, ɔji dɔ dəwje gə ꞌta kagə məs-e mba tɔji ne gadə-gadə lə-a. Mba kede ləw ja kara n-ila m-e dɔ mar-ɛ gə lal gangə tar dɔ neɗaje gə kṵra̰y gə lə dəwje,

Romaindjé 4:25

d-un-e d-uga ne dɔ kal tarje lə-si, ngaɓa n-uy ɓa ꞌndol-e mba kar j-a to ne dəwje gə gadə-gadə.

1 Corinthiendjé 11:2

M-pidi-si mba mə-sisəy ole dɔ-m gə taar-taar, ngaɓa ji neɗaje gə m-tɔji-si kara ꞌngom-je gə lo-e gə m-tɔji-si ne ja mɔgɔgɔ.

1 Corinthiendjé 11:23

Mba ꞌma le, ne gə m-tɔji-si le m-inga ji Mbayɓe gə: Mbayɓe Jeju le, mə cil gə d-un dɔ-ɛ kəne ja, un mbə;

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 1:12

ꞌMa ja kara, dəw ɓa ar-m ang nəm ngaɓa dəw ɓa tɔji-m ang nəm tɔ, ngaa Jeju Kirisi ɓa kila gəl-e ar-m.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Galatedjé 3:13

Kirisi uga dɔ-si gəl ndɔɔl gə lə torondu, təl to ne ndɔɔl mba tar lə-si. To gə Mbede pa na: Ndɔɔl uwa dɔ dəw gə ꞌɓər-e kagə.

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Ebərəje 5:1

Buba njekapolo gə ɗa-ɗa kara d-ɔr-ɛ horo dəwje gə ngaɓa d-unda gə njekula lə Luba ɔji dɔ dəwje, mba kar n-un nepolo gə nekarə mba neɗaje gə kṵra̰y.

Ebərəje 5:3

Ngaɓa mba tɔgə godo nee le ja, n-a kun ne nepolo gə ɔji dɔ darɔ-ɛ gə kar dəw mə ɓeje mba neɗa gə kṵra̰y.

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Jean 2:2

Ɗaa ꞌne n-un rɔ-ɛ gə nepolo n-uga nee dɔ neɗa gə kṵra̰y dɔ-si gə, dɔ-sijee gə ɓa gə kar-si baa ang, ngaa dɔ dəwje tɔ̰y gə dɔ nangə nee.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,