1 Corinthiendjé 15:1 - Mbede Lə Luba Kone Gə Sigi

¹ Ngan ko̰-mje, m-ole mə-si dɔ Tar gə May gə m-ila mbər-e m-ar-si le, gə ꞌtaje, gə to gə uwaje ne gədərə

Testament ke Siki 1960 (Kabba Laka)

¹ Bana mam ndiki ta kolè mèsè, ngakömdjé, tar ke madji ke ma mpa maresè leo ke sésè etaaidjé ke isidjé kendé.

1 Corinthiendjé 15:1 ပူးပေါင်းရင်းမြစ်များ

Jean 12:48

Dəw gə mbadə-m ngaɓa ta tar lə-m ang nama nje gangə tar dɔ-ɛ gə ga̰ kəne əng: tar gə m-pa nee le ja a gangə tar dɔ-ɛ gə dɔ ɗudu ndɔ gə.

Koula 11:1

Njeka̰ykulaje gə ngan ko̰ naaje gə d-isi Jude d-o tar-ɛ to gə dəwje gə ꞌgərə Luba ang kara ta tar lə Luba tɔ.

Koula 2:41

Nje gə takagə tar gə Piyɛr pa le ꞌɗa-je batɛm ngaɓa dɔ ndɔ-ɛ gə əng kɔr dəwje tɔl-tɔl dɔg lo munda oso dɔ-je gə.

Romaindjé 11:20

Tɔgərɔ ja; ꞌndər-je mba takagə lə-je godo, ngaa ꞌi le, takagə ɓa uwa ji-i joo. May kar ɔsə rɔ-i ang ɗaa ꞌɓəəl gə ɓəəl;

Romaindjé 2:16

Ye ɓa to ne gə a ce dɔ ndɔ gə go Tar gə May gə m-ila mbər-e ɗəw gə lə Jeju Kirisi le, Luba a gangə ne tar dɔ neje gə dəwje ꞌɗa lo kiya gə.

Romaindjé 5:2

mbɔr dɔ-ɛ ꞌne ɓa gə go takagə ɗaa j-inga ne mənuji gə j-ar kəne njang, ngaɓa j-unda mə-si dɔ rɔnduba gə Luba a kar-si j-inga sə-a gə gə rɔləl.

1 Corinthiendjé 16:13

ꞌCibije dɔ rɔ-si gə ang, ar-je njang dɔ takagə gə, uwaje rɔ-si gə jingawje, ar-je gədərə.

1 Corinthiendjé 3:6

ꞌMa m-maa, ɗaa Apolos um man kəne, ngaa Luba ɓa ɗa ar-ɛ tɔgə.

1 Corinthiendjé 4:15

Mba, le njetɔji sisəy neje gə mə Kirisi gə d-ḭ tɔl-tɔl dɔg lo dɔg kara bɔ-sijee-je gə ɗəw lə Kirisi ɗaa ꞌbula ang baa, mba to ꞌma ja m-uji si ɗəw gə lə Kirisi Jeju gə go Tar gə May.

2 Corinthiendjé 1:24

To kisi ɓa j-isi gina-si gə ɔji dɔ takagə lə-si ang, ngaa sijee ja njigi kore gə sisəy naa gə dɔ rɔləl gə lə-si mba uwaje takagə lə-si gədərə.

1 Thessaloniciendjé 1:6

Sisəy ꞌndəjije kəm sijee gə kəm Mbayɓe ɗaa, dan neməko̰je gə bula ja ꞌtaje Tar lə Luba gə rɔləl lə Njil Njerɔsangə.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

1 Thessaloniciendjé 4:1

Ɗudu tar ɗaa, ngan ko̰-sijee, ne gə j-a dəji sisəy ngaɓa j-a ndəji sisəy kəne ɗəw gə lə Mbayɓe Jeju ɓa to nee: pa nja gə dəw a nja ɓa mba ta ne kəm Luba le ꞌndoje rɔ-sijee gə, ɗaa njaje pa nj-ɛ nam ngaa, be ɓa may kar-si ꞌnjaje kəne be dɔ-si gə kede ja ɓi.

2 Thessaloniciendjé 3:6

Ngan ko̰-mje, ja dəji-si gə ri Mbayɓe lə-si Jeju Kirisi, kar-si ꞌsaje rɔ-si rɔ ngon ko̰-si gə ɗa-ɗa gə to njedabə, ngaɓa neɗa lə-a to ɓədə gə netɔji gə ja tɔji-si kede.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.