1 Corinthiendjé 13:7 - Mbede Lə Luba Kone Gə Sigi

⁷ n-ḭya̰ go ne tɔ̰y, n-ta kagə ne tɔ̰y, n-unda m-e dɔ ne gə tɔ̰y, n-uwa gədərə dan ne gə tɔ̰y.

Testament ke Siki 1960 (Kabba Laka)

⁷ Ndiki ïya go tar toï, nè no mèa té ke tar toï, nè nounda mè ngebe la tar té toï, nè nwaa ngeng né té toï.

1 Corinthiendjé 13:7 ပူးပေါင်းရင်းမြစ်များ

Matiye 10:22

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Marəke 9:23

Jeju ila-a kəne na: To gə ɓo m-asə a ꞌpa wa? Ne tɔ̰y dum dɔ dəw gə njetakagə ang.

Romaindjé 15:1

Ngaa sijee gə j-uba singa le, to tar lə-si kar j-a la gə njembɔrɛje, ngaɓa j-a sangə ne gə ləl-si ang.

Romaindjé 8:24

Mba j-inga kaji ja ngaa gə go nekunda mə, to gə dəw o ne nam ɓa unda m-e kəne nama to gə nekunda mə ang baa. Ne gə dəw o nda̰ nam le a kunda m-e kəne cibi wa?

1 Corinthiendjé 13:4

Njigi ila m-e dɔ mar-ɛ gə, njigi ndangə ang, njigi nər mə ang, njigi ɔsə gaji rɔ-ɛ ang, njigi unda kar-ɛ ang,

1 Corinthiendjé 9:12

To gə ɓo nje gə kɛm d-inga ne gə ɔji dɔ-je ji-si gə ɗaa sijee j-a kasə kinga ne gə ɔji dɔ-si ang mba ɗi wa? Ngaa sijee j-a ɗa to gə bənəng ang baa, j-ore ur-si ndəng mba j-a njigi kila kagə no Tar gə May gə lə Kirisi ang.

Galatedjé 6:2

ꞌLaje gə naa dan neje gə kədərə gə ce dɔ-si gə yo gə nee, be ɓa, a ꞌɗaje ne torondu Kirisi.

2 Thessaloniciendjé 1:4

Be ɓa, rɔ-si ləl-si dɔ sisəy gə horo Mbo̰ naaje lə njetakagəje le Luba, mba uwaje gədərə gə takagə lə-si dan nekəmandooje gə, gə dan ꞌməsərəje gə ce dɔ-si gə.

2 Timoce 2:24

Be ɓa may kar ngon njekula lə Mbayɓe to njeɓɛlɛ ang, ngaa n-a kul kuji gə dəwje tɔ̰y, ngaɓa n-a kaw gə gusu tɔji ne ngaɓa n-a kore m-e ndəng dɔ-je gə.

2 Timoce 3:11

kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.

2 Timoce 4:5

Ngaa ꞌi le, unda kəm karə dɔ rɔ-i gə, uwa gədərə dan ꞌməsərə gə, ɓo ɗa kula lə njekila mbərə Tar gə May gə Luba um ji-i gə le gə maj-ɛ.

Ebərəje 13:13

Be ɓa ar-si j-a ceje j-aw j-inga-aje gir ɓe gə ɗaga, j-ar d-ila rɔ kul dɔ-si gə to to gə ꞌne be tɔ.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 4:8

Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula.