1 Corinthiendjé 13:2 - Mbede Lə Luba Kone Gə Sigi

² Ngaɓa to gə ɓo m-pa tar gə pajambərə, m-gərə gəl neje tɔ̰y gə to lokiya gə ngaɓa gərə ne tɔ̰y, to gə ɓo m-ta kagə gə mə-m tɔ̰y, ar asə kar m-ngɛsə ne dɔ ərje ɓa, to gə ɓo njigi godo mə-m gə nama m-to ne gə baa.

Testament ke Siki 1960 (Kabba Laka)

² Tokou ma méh ke singa tòdjou tar ke Allah oula, ke mam ngeré gel tar ke yarè toï, ke méh ke kemkarè toï, tokou ma méh ke ko mè té toï ke ase ta kòrou tokou err, a tokou méh ke ndiki ang, mam nto né ang.

1 Corinthiendjé 13:2 ပူးပေါင်းရင်းမြစ်များ

Matiye 13:11

Jeju ila-je kəne na: Luba ar-sisəy ꞌgərəje tar ɓeko̰ gə dara gə to lokiya gə, ngaa n-ar ꞌjeje ꞌgərə ang,

Matiye 17:20

Jeju pa ar-je na: Mba takagə lə-si njɛ̰ baa. Tɔgərɔ, m-pa m-ar-si, to gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je ər gə ar na: Ɔdə gə nu nama n-a kɔdə; ne gə a kal dɔ-si kara kara a godo.

Matiye 21:19

N-o kagə tungu kara mbɔr ɗəw boo, n-gangə n-aw gəl-e gə ɗaa n-inga kam-ɛ ja baa to pɔ-pɔ ɗaa n-pa na: A kandə ang gə dɔbo̰ ja! Logə n-pa t-ɛ gə be ja tungu le tudu wɔ.

Matiye 21:21

Jeju ila-je kəne na: Tar gə tɔgərɔ ja, m-pa m-ar-si, to gə ɓo ꞌtaje kagə Luba to gə tɔgərɔ ngaɓa ɓo ꞌɗəgəje tar mə-si ang nama, ne gə ce dɔ kagə tungu gə nee baa ɓa a ɗaje ang, ngaa logə a paje karəje dɔ ər gə nee na: Ɔdə lo gə nee gə aw oso mə babo gə nama, a ɗa to gə be ja tɔ.

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

Romaindjé 11:25

Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə.

Romaindjé 15:14

Ngan ko̰-mje, tar gə ɔji dɔ sisəy le ɗaa, ꞌma ja kara m-gərə gə maj-ɛ to gə məmay ɗusu mə-si, negərə ɗusu mə-si ngaɓa asəje mba ndəji-je naa gə yo gə nee.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

1 Corinthiendjé 11:4

Jingaw gə ɗa-ɗa ɓa ɓo tɔ dɔ-ɛ gə ne ɓa dəji ne Luba ose pa ne tar gə pajambərə nama ila rɔ kul dɔ dəw dɔ-ɛ gə.

1 Corinthiendjé 12:28

Be ɓa mə Mbo̰ naa lə njetakagəje le, Luba unda njeka̰ykulaje dɔngɔr, njekum gə joo lə-a to pajambərəje, njekum gə munda lə-a to njenetɔjije, go-e gə ɗaa gusu ɗa nemisije, cibi gusu kaji dəwje, kar la gə dəwje, kar kɔr no dəwje, kar pa ndo̰ tarje dang-dang.

1 Corinthiendjé 13:1

To gə ɓo m-gərə pa ndo̰ tar lə dəwje ngaɓa lə anjije ja ɓa, to gə ɓo njigi godo mə-m gə nama, m-to to gə ngaw lar gə ɓar be ose m-to to gə kɔr nekɛmje gə ɓar be.

1 Corinthiendjé 13:3

Ngaɓa to gə ɓo m-kay nemayje lə-m tɔ̰y, ngaɓa m-uwa darɔ-m mba kar-je ꞌɗo gə pər ɓa, to gə ɓo njigi godo mə-m gə nama, m-ɗa ne kara ang.

1 Corinthiendjé 13:8

Njigi to saar-saar gə no. Be ɓa tarje gə pajambərə pa, a kunda nangə, ndo̰ tarje a kunda nangə, gərə ne a kunda nangə.

1 Corinthiendjé 14:29

Ɔji dɔ pa tar gə pajambərəje le ɗaa, may kar dəwje joo ose munda ꞌpa tar nama, nje gə kɛm d-unja kəm-e,

1 Corinthiendjé 14:39

Be ɓa ngan ko̰-mje, may kar pa tar gə pajambərə oso ur-si ja ngaa ɔgəje ɗəw pa.

1 Corinthiendjé 14:4

Dəw gə nje pa tar gə ndo̰ tarje le, pa ula ne jingaw m-e ye gə ja, ngaa dəw gə pa tar gə pajambərə le, ula ne jingaw mə Mbo̰ naa lə njetakagəje gə.

1 Corinthiendjé 15:51

M-a kila gə ne gə iya rɔ-ɛ kar-si oje: Sijee le, j-a kuy tɔ̰y ang, ngaa tɔ̰y ja d-a mbəl rɔ-si:

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

1 Corinthiendjé 4:1

Be ɓa may kar d-o sijee gə njengom ne lə Kirisi ngaɓa nje ka dɔ neje lə Luba gə to lokiya gə.

1 Corinthiendjé 7:19

Kunja bərə to ne ang, ngaɓa kunja bərə ang kara to ne ang tɔ; ngaa kila kuji dɔ nduje gə lə Luba gə ɓa to ne.

1 Corinthiendjé 8:4

Be ɓa, ne gə ɔji dɔ ko̰ da gə ꞌpolo ne magəje le ɗaa, j-a gərə to gə magə godo dɔ nangə nee, magə gə ɗangə godo, ɗaa ɓɛl Luba ja gə kar-e ɗəgədə.

2 Corinthiendjé 12:11

M-pa tar to gə dəw gə təl mbə be, sisəy ja ɓa ɔsə-mje ila-mje kəne. Mba sisəy le ja ɓa a paje tar taje ne dɔ-m ang wa? M-to ne ang tɔgərɔ ja, ngaa ne kara ja gə njeka̰ykulaje gə d-o rɔ-je gə dəwje gə to ɓəəl ya̰ nee le nday-m ne godo.

Galatedjé 5:16

Tar gə m-pa m-ar-si ɓa nee: Ḭya̰je Njil Njerɔsangə ar-je tɔji-si ɗəw, ɗaa a ɗaje mə njigi lə darɔ ndɔ kara ang.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Galatedjé 6:3

Be ɓa to gə ɓo dəw gə o rɔ-ɛ gə dəw gə to ɓəəl ya̰, ngaa to ne ang nama, ərə rɔ-ɛ ye ja baa.

Ephésiendjé 3:4

Logə ꞌturaje mbede gə nee le nama, a kasəje mba kar kəm-si unja ngadə dɔ ne gə to lo kiya-a ɔji dɔ Kirisi gə m-gərə le.

Ephésiendjé 6:19

ngaɓa mba ꞌma gə mba kar lo gə ɓo m-cɛ̰ ta-m ja̰ nama Luba um tar lə-a kəne ar-m m-pa gə ɓəəl ang m-ar dəwje ꞌgərə ne ne gə to lo kiya-a gə ɔji dɔ Tar gə May.

Colossiendjé 1:26

Tar gə nee le iya rɔ-ɛ ləw baa ja kəm dəwje gə tɔ̰y ngaa ɓogəne ꞌkila gə ɗaga d-ar njerɔsangəje tɔ̰y,

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

1 Jean 4:8

Dəw gə njigi to m-e ang le, gərə Luba ang mba Luba to njigi.