1 Corinthiendjé 12:2 - Mbede Lə Luba Kone Gə Sigi

² ꞌGərəje to gə logə ꞌtoje ne dəwje gə gərə Luba ang le, ꞌndɔr-si baa gə kəne əng dɔ-si gə ɓe lə magəje gə ꞌpa tar ang.

Testament ke Siki 1960 (Kabba Laka)

² Sésè egeridjé tokou sésè woidjé mèsè té ang bai, sésè abidjé dang dang deo té lo makedjé ke pa tar ang, ke deo ke dèdè dao kesè kendé.

1 Corinthiendjé 12:2 ပူးပေါင်းရင်းမြစ်များ

Matiye 15:14

Iya̰-jeje, ꞌto nje kəm tɔje gə d-ila kagə ji nje kəm tɔje gə. To gə ɓo nje kəm tɔ ɓa ila kagə ji nje kəm tɔ mar-ɛ gə nama, d-a koso buwa gə joo kɛm.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Galatedjé 4:8

Kede, logə ꞌgərəje Luba ang ɓi le, ꞌtoje ɓərəje lə njilje gə kṵra̰y gə to magə baa.

1 Thessaloniciendjé 1:9

ꞌPa tar ɔji dɔ sijee na, pa kuwa mba gə uwaje-si le gar-ɛ godo, ngaɓa to gə ban ja ɓa ꞌmbəlje ne kəji lə-si ar-je Luba, ngaɓa ꞌmbadəje magəje ɗaa ꞌtəl ɗaje ne kula lə Luba gə tɔgərɔ gə nje kisi kəm baa,

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

1 Piyɛr 1:18

ꞌGərəje to gə d-un neje gə a tuji, gə to lar ose maa ɓa ndogo-si ne ɗəw pa nja gə kṵra̰y gə, gə bɔ-sijee-je d-ḭya̰ gə nenduba d-ar-si le ang,

1 Piyɛr 4:3

Ɗa gə ꞌɗaje mə njigi lə nje gərə Luba ang je ləw baa le asə mbagə ja ngaa. Mba kede le, ꞌɗaje ne to to gə dəwje gə dɔ-je godo be, ɓo neje gə d-uwa-si ɓərə gə, kay kodo mbə, mbula nekusa mə-si gə, kuwa baa nekay mbə, ngaɓa polo magəje gə ngabula.