1 Corinthiendjé 10:16 - Mbede Lə Luba Kone Gə Sigi

¹⁶ Ngo nekay kar ndu tɔr gə ja tɔr ndu si kəne le, to gə kum naa gə gə məsə Kirisi ang wa? Mbə gə j-a cɛdə le, to gə kum naa gə gə darɔ Kirisi ang wa?

Testament ke Siki 1960 (Kabba Laka)

¹⁶ Ngonarè tar ke madji ke djèdjè mmar tar ke madji dè té, to ta da mè kada mese té lo Christ ang wa? Mourou ke djèdjè djoukou, to ta da mè kada rò Christ té ang wa?

1 Corinthiendjé 10:16 ပူးပေါင်းရင်းမြစ်များ

Lugu 22:17

N-un ngo nekay ɗaa n-ar oyo Luba ngaɓa n-pa na: ꞌTaje ɓo ꞌkayje naa horo-si gə.

Koula 2:42

Be ɓa gə ndɔ-ndɔ ja ꞌɗe d-ar njeka̰ykulaje ꞌndo-je ne, gə ꞌɗa mə kara, ꞌcɛdə mbə naa gə nəm ngaɓa ꞌdəji Luba naa gə nəm tɔ.

Koula 2:46

Gə ndɔ-ndɔ ja d-um mə-je naa gə d-isi mə kəy gə lə Luba, d-usa ne naa gə kara baa mə kəyje gə lə-je ngaɓa d-usa ne gə rɔləl nəm gə mənda nəm tɔ.

Koula 20:11

Logə n-təl n-aw mə kəy gə taar le ɗaa n-cɛdə mbə n-usa, cibi n-təl n-pa tar kur-e əw saar n-ce ne ta dɔɔɓe gə ɓa n-ɔdə n-aw.

Koula 20:7

Ndɔ dɔmasi le j-a mbo̰ naa mba cɛdə mbə, ɗaa Pɔl uwa gə je dɔ naa saar unda ngang-ɛ dan lo gə mba lo kar-ɛ nama a kɔdə kaw.

1 Corinthiendjé 1:9

Luba gə ɓar-sisəy um-si naa gə gə ngon-e Jeju Kirisi Mbayɓe lə-sijee le, to Luba gə gadə-gadə.

1 Corinthiendjé 10:15

M-pa gə si tar to gə dəwje gə njekəm karəje; sisəy ja kara ꞌtənje mə tar gə m-pa le oje.

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

1 Jean 1:3

Ne gə j-o gə kəm-si ngaɓa ne gə j-o tar-ɛ gə mbi-si le, j-ila mbər-e j-ar-si mba kar-sisəy kara ore-je gə si naa gə dɔ mə kara tɔ-si naa gə. Ngaa mə kara lə-sijee le ga̰ rɔ Bɔ dəwje gə je gə Ngon-e Jeju Kirisi.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.