1 Corinthiendjé 10:13 - Mbede Lə Luba Kone Gə Sigi

¹³ Nekərəje gə ce dɔ-si gə le to neje gə asə singa dəw ja; mba Luba gə gadə-gadə le a kḭya̰ ɗəw kar nekərə gə al dɔ singa-sisəy ce dɔ-si gə ang baa, ngaa logə nekərə ce nama n-a gɔl ɗəw gə kar ce ne t-ɛ gə, mba kar-sisəy uwaje ne gədərə.

Testament ke Siki 1960 (Kabba Laka)

¹³ Naa ke dang kada naasè ang, sè yéh ke naa dooudjé toï, mbata Allah to ndjè mè ndaa kaä, nè na kïya né naa kare wota singasè ang, a ke mè né naa té nè na da deo téh tò, baa ta kare sésè waaidjé ngeng.

1 Corinthiendjé 10:13 ပူးပေါင်းရင်းမြစ်များ

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Lugu 11:4

Kɔgərɔ ja ɔr tar neɗa gə kṵra̰y dɔ si gə, to gə sijee kara j-ɔr ne tar-ɛ dɔ nje gə ꞌɗa gə si kṵra̰y be tɔ. Ɓo ḭya̰ si ar j-oso dan nekərə gə ang.

Lugu 16:26

Cibi ɓa wəəl gə boy kay horo-sijee gə sisəy mba kar nje gə ꞌnjigi kḭ nee kaw dɔ-je gə ɓe lə-sisəy nu nama d-a kasə ang ngaɓa kḭ ɓe lə-sisəy gə nee kara to gə bənəng tɔ.

Lugu 22:46

N-pa n-ar-je na: ꞌCibije mba ɗi wa? Ḭje taar ɓo ꞌdəjije Luba mba kar-si osoje dan nenaje gə ang.

Koula 27:44

ngaɓa n-ar nje gə kɛm kar ꞌnar rɔ-je, nje gə kɛm dɔ dum bəgərəje ngaɓa nje gə kɛm tɔ ɗaa gə dəbə to gə riya. Be ɓa tɔ̰y ja ꞌce ɗaga gə rɔ-je gə ta-je təb.

1 Corinthiendjé 1:9

Luba gə ɓar-sisəy um-si naa gə gə ngon-e Jeju Kirisi Mbayɓe lə-sijee le, to Luba gə gadə-gadə.

2 Corinthiendjé 1:10

ꞌNe gə n-ta si ta yo gə to ɓəəl ya̰ gə nee le, n-a ta-si t-ɛ gə ja ɓi. Oyo, ꞌne ja ɓa j-unda mə-si dɔ-ɛ gə ɗaa n-a ta-si ɓi.

1 Thessaloniciendjé 5:24

Nje ɓar-si le to dəw gə dana gadə ɗaa ꞌne ja ɓa na ɗa ne mba-si.

2 Thessaloniciendjé 3:3

Ngaa Mbayɓe to dəw gə dana gadə. N-a kula jingaw mə-si gə ngaɓa n-a ngom-si ta njeməkṵra̰yje gə tɔ.

2 Timoce 4:18

M-gərə to gə Mbayɓe a kɔrə-m dan neɗaje gə kṵra̰y gə tɔ̰y ɗaa a kaji-m mba kar-m m-andə mə ɓeko̰ gə lə-a gə dara. May kila riɓar dɔ-ɛ gə gə ɓal-ɓal ja! Oyo!

Ebərəje 10:23

J-ar singa-si ɔr ang ɗaa j-a pa tar məkunda lə-si gə ɗaga, mba nje kuwa dɔ gɔl ne le to dəw gə gadə-gadə.

Ebərəje 11:11

Ɗəw gə lə takagə le ɓa Sara gə to ꞌkaw kadə, ye ja kara ɓuga ya̰ ja, ngaa d-ar-ɛ inga singa unda ne gəl kuji kara, mba n-unda m-e to gə dəw gə nje kuwa dɔ gɔl ne le to dəw gə gadə-gadə.

Ebərəje 12:4

Sisəy le ꞌɗɔje gə neɗa gə kṵra̰y uwaje gədərə saar uy-je ne ang baa ɓi.

Ebərəje 6:18

be ɓa ɗəw gə lə neje gə joo gə ndu-e a turu kəne ang mba Luba asə pa tar gə ɗəgərə ang, a kar singa gə boy, ngaɓa lokiya rɔ mba cḭya̰ ne dɔ ne kunda mə gə d-uwa dɔ gɔl-ɛ d-ar-si.

1 Piyɛr 4:19

Be ɓa, nje gə d-o ꞌməsərə gə go mə njigi lə Luba nama may kar d-ila kəm lə-je mə ji-a ꞌne gə Njekunda-je gə gadə-gadə, ꞌɗa ne may dɔ-je gə kede.

2 Piyɛr 2:9

Be ɓa Mbayɓe gərə ɗəw gə a ta ne dəwje gə nje kila kuji dɔ ne gə Luba je ta nena gə ngaɓa ḭya̰ ne njeneɗaje gə kṵra̰y ngina ne ndɔ gangə tar mba bɛ̰ ne ta-je,

1 Jean 1:9

To gə ɓo j-a ce gə gəl rɔ-si dɔ neɗaje gə kṵra̰y gə lə-si nama, n-to njekila kuji dɔ ndu-e gə nəm ngaɓa n-to dəw gə gadə-gadə, n-a kɔr tar neɗa gə kṵra̰y dɔ-si gə ngaɓa n-a togo neje gə may ang gə to mə-sijee gə.

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.