1 Corinthiendjé 1:20 - Mbede Lə Luba Kone Gə Sigi

²⁰ Nje kəm karə le aw ɗa wa? Njekɔr gəl torondu lə Jiibije le aw ɗa wa? Njekunja kəm tar gə dɔ nangə nee le aw ɗa wa? Se kəm karə gə dɔ nangə gə nee le Luba təl-e mbə ang wa?

Testament ke Siki 1960 (Kabba Laka)

²⁰ Ndjè kemkarè éh da wa? Ndjè da maketourou éh da wa? Ndjè mai né ndè té ke nèn éh da wa? Allah da kemkarè ke nange nèn to mbe ang wa?

1 Corinthiendjé 1:20 ပူးပေါင်းရင်းမြစ်များ

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Jean 12:31

Ɓisine ɗaa to kar gangə tar dɔ dəwje gə dɔ nangə gə nee; Ɓisine ɗaa mbay gə dɔ nangə nee le, d-a tɔb-ɛ kila-a ɗaga.

Koula 17:18

Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy.

Romaindjé 1:20

Mba neje gə ɔji dɔ Luba gə kəm dəw o ang, singamongə lə-a gə to saar gə no ngaɓa lo kunda rɔ lə-a le, un kud-e lo kunda dara gə nangə gə ja, n-tɔji gə ɗaga ɗang-ɗang kəm dəwje gə, gə go neɗa-ɛje, ɗaa ɗəw gə tar a kuwa ne dɔ-je ang godo.

Romaindjé 1:22

ꞌƊa rɔ-je gə njekəm karəje ngaa ꞌtəl mbəje,

1 Corinthiendjé 1:19

Mba ꞌɗa mbede gə na: M-a tɔji kəm karə lə njekəm karəje pugudu, Ngaɓa m-a tɔji negərə lə njenegərəje pugudu.

1 Corinthiendjé 1:26

Ngan ko̰-mje, oje ɗəw gə Luba ɓar-si ne: Ɗəw darɔ gə le, njekəm karəje ꞌbula horo-si gə ang, njesingamongəje ꞌbula horo-si gə ang nəm, ꞌmay kujije kara ꞌbula horo-si ang nəm tɔ.

1 Corinthiendjé 1:27

Ngaa Luba mbərə ne gə to ne mbə dɔ nangə nee mba kila ne rɔ kul kəm njekəm karəje gə, ngaɓa Luba mbərə neje gə mbɔr-ɛ dɔ nangə nee mba kila ne rɔ kul kəm njesingaje gə tɔ.

1 Corinthiendjé 1:28

Luba mbərə neje gə to gə neje gə baa dɔ nangə nee, neje gə ꞌdabə dasəra, ne gə godo mba tɔji ne ye gə d-o gə ne gə tɔgərɔ,

1 Corinthiendjé 11:32

Ngaa Mbayɓe siri-si gə ɗəw gangə tarje lə-a, mba kar tar uwa dɔ-si naa gə kara baa gə dəwje gə dɔ nangə nee ang.

1 Corinthiendjé 2:6

Logə m-pa tar kəm karə m-ar dəwje gə ꞌtɔgə dɔ takagə gə le, to kəm karə gə dɔ nangə nee ang nəm, ɓa to kar mbay lə njilje gə njeko̰ dɔ loje gə dɔ nangə nee gə d-a tuji pugudu le ang.

1 Corinthiendjé 2:8

dəw kara horo mbayje gə lə njilje gə njeko̰ dɔ loje gə dɔ nangə nee kara ꞌgərə ang, mba to gə ɓo ꞌgərə nama d-a ɓərə Mbayɓe gə njerɔnduba kagə dəsə gə ang.

1 Corinthiendjé 3:18

May kar dəw ərə rɔ-ɛ ang. To gə ɓo dəw kara horo-si gə o rɔ-ɛ gə nje kəm karə gə dɔ ndɔ gə ɓogəne nama may kar-e təl mbə ɓa mba təl to nje kəm karə ɓi.

1 Corinthiendjé 3:19

Mba kəm karə gə dɔ nangə nee le to ne mbə kəm Luba gə. ꞌƊa mə mbede gə tɔ, na: N-uwa njekəm karəje dɔ gusu gə lə-je

1 Corinthiendjé 6:2

Njerɔsangəje ja ɓa d-a gangə tar dɔ dəwje gə dɔ nangə nee le, ꞌgərə-je ang wa? Ngaa ɓo sisəy ja a gangəje tar dɔ dəwje gə dɔ nangə nee nama mba ɗi ɓa asəje mba gɔl-je ngan tarje gə njɛ̰-njɛ̰ gə to horo-sisəy gə ang wa?

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.