1 Corinthiendjé 1:10 - Mbede Lə Luba Kone Gə Sigi

¹⁰ Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

Testament ke Siki 1960 (Kabba Laka)

¹⁰ Mam ndedjisè ngakömdjé, ke ri Mbaibé lodjè Jésus Christ, ta kare tar losè toï dé kadaba, ke tar kaina to horosè té ang, a mbòidjéna ke kedji kadaba ke gange tar kadaba.

1 Corinthiendjé 1:10 ပူးပေါင်းရင်းမြစ်များ

Matiye 9:16

Dəw a kunja ta kubu gə sigi kila ne kəm kubu gə ləw ang, mba ta kubu gə sigi le a ndɔr ꞌye gə ləw kar-ɛ cil kar kəm-e a tadə ya̰ ja cibi.

Marəke 2:21

Dəw a kunja ta kubu gə sigi kila ne kəm kubu gə ləw ang; ɓo bənəng ang nama, ta kubu gə sigi le a ndɔr ꞌye gə ləw, kar-ɛ cir kar kəm-e a tadə ya̰ ja cibi.

Marəke 3:24

To gə ɓo dəwje gə ɓeko̰ gə kara baa tɔl naa nama, ɓeko̰ nee le a kɔsə ko̰.

Jean 10:19

Kay naa təl to horo Jiibije gə ɔji dɔ tarje gə nee le tɔ.

Jean 17:23

M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.

Jean 7:43

Be ɓa kay naa to horo bula dəwje gə mba tar lə-a.

Jean 9:16

Horo Parijiyɛ̰je gə le, nje gə naaje ꞌpa na: Dəw gə nee le ḭ rɔ Luba ang baa, mba n-ila kuji dɔ ndɔ kuwa kɔr gə ang. Nje gə ɗangə ꞌpa na: Dəw gə njeneɗa gə kṵra̰y a ɗa ban ɓa a kasə ɗa netɔjije gə to gə be wa? Ɗaa kay naa ɗe to horo-je gə

Koula 4:32

Dəwje bula gə ꞌta kagə le, kəji lə-je gə mə-je to kara baa. Dəw kara kara ɔr kəm nekinga lə-a ɓədə ang nəm, ngaa neje to kara baa horo-je gə.

Romaindjé 1:13

Ngan ko̰-m, m-njigi kar-si ꞌgərəje to gə taar-taar ja m-gɔl mba kaw ɓə lə-si, mba kaw ɗa kula kinga ne dəwje kar Kirisi to to gə m-ɗa ne horo nje gə kɛm gə to Jiibije ang, ngaa saar ɓogəne kara m-inga ɗəw ang ja ɓi.

Romaindjé 12:1

Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ.

Romaindjé 12:16

Ar-je mə-si to gə maj-ɛ dɔ naa gə to to gə na-na gə yo gə nee. Undaje dɔ-si taar gəgəgə ang ngaa ar-je kula dɔ ngulum ɓa uwa mə-si. Oje rɔ-si gə njekəm karəje ta kəm-sisəy gə ja ang.

Romaindjé 15:30

Ngan ko̰-m, m-ndəji-si gə ri Mbayɓe lə-si Jeju Kirisi ngaɓa gə go njigi lə Njil, kar ilaje dər mar-ɛ gə ar-mje, ɗəw dəji gə a dəjije Luba gə mba-m,

Romaindjé 16:17

Ngan ko̰-mje, m-ndəji-si mba kar undaje kəm karə dɔ rɔ-si gə, mba nje kɔsə kudu kay naaje ngaɓa ꞌpa tar ꞌtuji ne neje gə ꞌtɔji-si d-ar njetakagəje d-uba ne netɔji nee le d-ḭya̰. May kar ɔrəje rɔ-si rɔ-je gə gugu.

1 Corinthiendjé 1:11

Mba ngan ko̰-mje, nje gə kəy lə Kolohe ꞌɗe ꞌpa ngadə ja d-ar-m na tɔsə tar to horo-si gə.

1 Corinthiendjé 11:18

Ngaɓa dɔngɔr-ɛ ja, m-o tar-ɛ na logə ꞌmbo̰je naa lo Mbo̰ naa lə njetakagəje nama kay naa to horo-si gə, ɗaa m-ta kag-e tɔ̰y ang baa.

1 Corinthiendjé 12:25

mba kar kay naa godo darɔ gə ngaa kar bar kəm rɔje tɔ̰y ja ꞌtɔsə kəm-je dɔ naa gə gə yo gə nee.

1 Corinthiendjé 3:3

mba darɔ o̰ dɔ-si ɓi. Mba nər mə ngaɓa ko ta naa ang to horo-si gə nəm le se, to neje gə darɔ gə ang wa? Ngaɓa se ꞌnja-je gə go kəji gə darɔ gə ja dɔngɔ ang wa?

1 Corinthiendjé 4:16

Be ɓa m-ndəji sisəy m-pa na: ꞌNdajije kəm-m.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 13:11

Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

2 Corinthiendjé 13:9

Logə sisəy ubaje singa ɓa singa sijee godo le, j-a ɗa rɔləl, ngaɓa ne gə ja njinga lo dəji Luba gə lə-sijee to gə may pɛdə lə-sisəy tɔ.

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Galatedjé 4:12

Ngan ko̰-mje, kɔgərɔ ja, undaje rɔ-si to gə ꞌma be, mba ꞌma m-təl m-to to gə sisəy be tɔ. M-gərə to gə ꞌtujije mə-m ang baa.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 3:16

Ne kara baa le ɗaa may kar ne gə j-um mə-si naa gə kəne le, ye ja j-ar-je ndu-si asə naa kəne gə no kara ngaa.

1 Thessaloniciendjé 5:13

May kar uwaje gə je nuji gə al dɔ mar-ɛ ngaɓa ꞌnjigije-je mba kula lə-je nee le. Ar-je ɗɛgɛgɛ to horo-si gə.

2 Thessaloniciendjé 2:1

Ngan ko̰-mje, tar gə ɔji dɔ ndɔ təl lə Mbayɓe lə-si Jeju Kirisi, mbo̰ gə j-a mbo̰ naa mbɔr-ɛ gə, ne gə j-a dəji-si kəne ɓa nee:

1 Timoce 5:21

ꞌMa m-dəji-i no Luba gə, no Jeju Kirisi gə nəm gə no anjije gə Luba mbərə-je, mba kar ꞌngom nduje nee le tɔ̰y gə mə-i gə kara, ngaɓa ꞌɗa ne kara ɔr ne kəm dəw ang.

2 Timoce 4:1

M-ndəji kəm Luba gə kəm Kirisi Jeju gə a gangə tar dɔ nje gə d-aw kəm baa gə nje gə d-uy gə, gə ri ɗe lə-a nəm gə ri ko̰ ɓe lə-a nəm tɔ.

1 Piyɛr 2:11

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.