1 Corinthiendjé 1:1 - Mbede Lə Luba Kone Gə Sigi

¹ ꞌMa Pɔl gə ꞌɓar-m gə go mə njigi lə Luba kar m-to njeka̰ykula lə Kirisi Jeju, gə ngon ko̰-si Sosətɛn.

Testament ke Siki 1960 (Kabba Laka)

¹ Paul, mmarè to ndjè koula lo Jésus Christ deo ndiki té lo Allah, ke Sosthène ngoködjè.

1 Corinthiendjé 1:1 ပူးပေါင်းရင်းမြစ်များ

Lugu 6:13

Logə lo ar ɗaa, n-mbərə ngan njenendoje lə-a. ꞌTɔrə-je dɔg gə gir-je gə joo, cibi n-unda ri dɔ-je na njeka̰ykulaje.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 20:21

Be ɓa, Jeju pa to ɗangə ar-je ja cibi na: Ɗɛgɛgɛ nay gə si! To gə Bɔ dəwje ula-m le, ꞌma kara m-ula-si tɔ.

Koula 1:15

Dɔ ndɔ-ɛje gə əng le ngan ko̰ naaje d-asə tɔl gə dɔg joo be ꞌmbo̰ naa ɗaa Piyɛr uba nangə ḭ taar horo-je gə ngaɓa un tar pa na:

Koula 1:2

Saar ce ne dɔ ndɔ gə Luba ar-ɛ n-uba nangə n-ḭ n-aw dara. N-mbərə dəwje gə njeka̰ykulaje lə-a ngaɓa nam ɓa kar Luba ar-ɛ nḭ n-aw dara ɗaa n-un ndu n-ar-je ɗəw gə lə Njil Njerɔsangə.

Koula 18:17

Gəl-e gə nee ꞌmbo̰ naa tɔ̰y dɔ Sosətɛn gə to nje ka dɔ kəy nendo lə Jiibije gə, ꞌkunda no ngɔ ɗa tar gə ngaa njɛ̰ ja kara oso Galiyo̰ kəne ang.

Koula 22:21

Be ɓa n-pa n-ar-m na: Aw, mba m-a kula-i əw dɔ-i gə ɓe lə dəwje gə ꞌgərə Luba ang.

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

Romaindjé 1:10

ɓo m-aw m-dəji Luba nama m-ila ri sisəy kəne taar-taar, m-dəj-e m-pa na ɓo to mə njigi lə-a nama, n-ar-m m-inga ɗəw m-aw ɓə lə-si.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

1 Corinthiendjé 15:9

mba ꞌma gə m-to dəw gə njɛ̰ baa horo njeka̰ykulaje gə; m-asə kar ꞌɓar-m njeka̰ykula ang, mba m-ula kəm Mbo̰ naa lə njetakagəje lə Luba ndoo.

1 Corinthiendjé 3:9

Mba j-a to nje baa kulaje lə Luba. Sisəy ꞌtoje ndɔ lə Luba, ꞌtoje kəy lə Luba.

2 Corinthiendjé 1:1

ꞌMa Pɔl, njeka̰ykula lə Jeju Kirisi gə go mə njigi lə Luba, je gə ngon ko̰-si Timoce j-a ɗa mbede nee j-ar Mbo̰ naa lə njetakagəje gə mə ɓe gə Kɔrɛnt, ngaɓa gə njerɔsangəje gə dɔ nangə gə Akayi tɔ̰y nəm tɔ.

2 Corinthiendjé 11:5

Mba m-o to gə nje gə d-o rɔ-je gə njeka̰ykulaje gə to ɓəəl ya̰ kən le, ne gə ꞌnday-m ne ꞌma kara ja godo.

2 Corinthiendjé 12:12

Neje gə tɔji to gə m-to njeka̰ykula gə ngadə le, sisəy oje gə ɗəw kula gə horo-si gə gə go kuwa gədərə dan nena gə, ɗəw netɔjije, ɗəw neje dang-dang gə kəm dəw o ndɔ kara ang ngaɓa gə ɗəw nemisije gə tɔ.

2 Corinthiendjé 8:5

ꞌƊa-je ne gə al dɔ ye gə j-unda mə-si kəne to gə d-a ɗa. D-un darɔ-je ja d-ar Mbayɓe kede nam ɓa, d-un d-ar sijee ɓi, gə go mə njigi gə lə Luba.

Galatedjé 1:1

ꞌMa, Pɔl, m-ɗa mbede nee, m-ar-sisəy njetakagəje gə mə Mbo̰ naaje lə njetakagə gə dɔ nangə gə Galat. M-to njeka̰ykula lə Jeju Kirisi gə dəwje ɓa ula-m ang nəm ngaɓa dəw ɓa ɔr-m ang nəm tɔ. Ngaa Jeju Kirisi je gə Luba gə Bɔ gə to nje ndol Kirisi horo nje gə d-uy ɓa d-ula-m.

Ephésiendjé 1:1

ꞌMa Pɔl njeka̰ykula lə Kirisi Jeju gə go mə njigi lə Luba, m-ɗa mbede nee m-ar njerɔsangəje gə d-isi Epɛs, gə ꞌto gə njetakagə Kirisi Jeju-je gə tɔgərɔ.

Ephésiendjé 4:11

ꞌNe gə n-ar nje gə kɛm ꞌto njeka̰ykulaje, gə pajambərəje, gə nje kila mbərəje lə Tar gə May, gə njekɔr no dəwje ngaɓa gə njenetɔjije tɔ,

Colossiendjé 1:1

ꞌMa Pɔl, njeka̰ykula lə Kirisi Jeju gə go mə njigi lə Luba, gə ngon ko̰-si Timoce,

1 Timoce 1:1

ꞌMa, Pɔl gə Kirisi Jeju ɗa-m gə njeka̰ykula lə-a, gə go ndu lə Luba Njekaji-si je gə Kirisi Jeju gə to ne kunda mə dɔ gə lə-si,

1 Timoce 2:7

Kudu tar-ɛ gə nee le ɓa, Luba təl-m ne to gə njetɔji tar ngaɓa to njeka̰ykula, mba kar m-tɔji tar dəwje gə ꞌgərə Luba ang ɗəw takagə gə ɗəw tar gə tɔgərɔ gə. M-pa tar gə tɔgərɔ ɓo m-ɗəgərə ang.

2 Timoce 1:1

Pɔl, njeka̰ykula lə Kirisi Jeju, gə go mə njigi lə Luba, mba kila ne mbərə təbə gə ye ja uwa dɔ gɔl-ɛ ɗəw gə lə Kirisi Jeju;