Yuda 1:6 - Chipangano Chabwangu

⁶ Ibukisheni abangelo abatali kupyunga imilimo nokusha ififulo fyabo. Lesa alibakakile nobunyololo butapwa. Nomba akobasunga muchilindi umufitile fititi ukufikila napakasuba nkalya akubapingula.

Yuda 1:6 ပူးပေါင်းရင်းမြစ်များ

Mateyo 10:15

Nachine nkomweba ati pali nkalya kasuba akabupingushi Lesa akubakwatila inkumbu abena Sodomu nabena Gomola ukuchila abantu bamuli ngulya musumba!

Mateyo 25:41

“Elo akweba abakuba kuchipiko ati, ‘Fumeni mpa, mwe bashama. Kamuya mumulilo uutashimapo uwo Lesa apekanishishe Satana nabangelo bakwe.

Mateyo 8:29

Ulo babwene Yesu, balibilikishe bati, “We mwana waku Lesa, nindo ukofwaya kuli fwebo? Napo wayisa nkuno mukutuchusha nenshita ilingile tayilafika, bayi?”

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Loma 2:5

Nomba webo waba nomutima uukosele too, uutapilibukapo. Echo ukoyilundulwilako ubukali bwaku Lesa ubo akwisa kulanga pali nkalya kasuba mukupingula kwakwe ukwalungama.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Hebele 10:27

Mpa tapapo ichishele nachimbi iyowo, kulindila bwaka nomwenso ubupingushi nomulilo uutinya uyo ukonaula ifipondo fyaku Lesa.

2 Petulo 2:4

Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.

2 Petulo 2:9

Nomba Lesa alishibile umwakubapokolwelamo abamulomba ukufuma kumesho. Elo alishibile nokupela umulandu abatalungama ulo bakolindila akasuba kakulekelesha.

Yuda 1:13

Elo bapalana kubati matamba apali bemba aafumya ipofu, efyo nabo balanga ububi bwabo. Bali kubati nintandala ishikoselauka bwaka, elo Lesa alibasungila ichifulo ichifitile fititi ichamuyayaya.

Ukufisulula 20:10

Elo Kachenjeleka uwababepele, aliposelwe muli bemba wamulilo uwaka namabwe asilubale, umo umwali kale ichiswango nomusoseshi wabufi. Echo bakuchula umuyayaya akasuba nobushiku.

Ukufisulula 20:2

Elo alikwete ichinsoka nchilya, insoka yakale njilya, e Kachenjeleka, Satana, nokumukaka imyaka ikana limo.