Yohane 9:22 - Chipangano Chabwangu

²² Abafyashi bakwe basosele mfi nipamulandu wakutina abakulu. Mba basuminishenye kale ati onse uwakwisa kusumina ukwebati Yesu Ewasubwa waku Lesa, bakwisa kumutamfya munanda yakulombelamo Lesa.

Yohane 9:22 ပူးပေါင်းရင်းမြစ်များ

Luka 6:22

“Mwalishuka mwebo ulo abantu bakomupata nokumusula, bakomutuka nokumweba ati muli babi pamulandu wa Mwana wa Muntu!

Yohane 1:19

Elo bachilolo ba Bayuda abamu Yelusalemu batumine bachipupila naba Lefi mukumufumba Yohane ati, “Kanshi webo niwe nani?”

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.

Yohane 19:38

Panuma yamfi, Yosefe waku Alimateya afumbile Pilato ukwebati amusuminishe ukubula ichitumbi chaku Yesu. (Yosefe ngu ali wakusambila waku Yesu, nomba mubumfishi pantu alikutina abakulu ba Bayuda.) Elo Pilato alimusuminishe. Ayile nokupinta ichitumbi chaku Yesu.

Yohane 20:19

Kwatile ukuba ichungulo, pali mbulya bushiku bwakwamba ubwa Mulungu, ninshi nefiseko fyananda filiselwe umwalongene abakusambila pamulandu wakutina abakulu ba Bayuda. Yesu alishile nokwimakana mukati kabo. Elo asosele ati, “Umutende ube namwebo.”

Yohane 7:13

Nomba takwalipo nangu umo uwasosele apabuta pakuti bonse balikutina abakulu ba Bayuda.

Yohane 9:18

Abayuda tabasuminepo ukwebati ngu muntu ewali mpofu, kuntu nomba akobona. Echo bayitile abafyashi bakwe

Yohane 9:21

Nomba tatwishibilepo ifyo atatikile ukubona. Mufumbeni umwine, mukulu, akoyiyasukila umwine!”

Yohane 9:34

Balimwasukile ati, “Webo wafyalilwe nokulelwa mububi, epo kanshi ukofwaya ukutusambisha?” Elo balimutamfishe kunse yananda yakulombelamo Lesa.

Yohane 9:35

Ulo Yesu aumfwile ukuti bamutamfisha kunse nokumusanga ngulya umuntu, amufumbile ati, “Napo ukochetekela mu Mwana wa Muntu?”

Imilimo ya batumwa 4:18

Elo babetile muchilye nokubakonkobesha ati, “Tekweshapo nakambi ukulumbula nangula ukusambisha mwishina lyaku Yesu.”

Imilimo ya batumwa 5:13

Nomba takwalipo umuntu nangu umo uutachetekela uwayilundileko kubatumwa, nangu abantu balikubatondayisha.

Imilimo ya batumwa 5:40

Elo bayitile abatumwa ukuti benjile mukati. Babapamine ifikoti nokubakonkobesha ukuti belokusambishapo mwishina lyaku Yesu. Panuma balibalekele.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”