Yohane 8:55 - Chipangano Chabwangu

⁵⁵ Mwebo tamwamwishibapo, kuntu nebo nalimwishiba. Nga nebo nasosa ati nshamwishibapo, kuti naba uwabufi kubati nimwe. Nomba nebo nalimwishiba nakambi ndomfwila amashiwi akwe.

Yohane 8:55 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 10:15

Ukubati nimfilya Bata banjishiba, nandibo nalibeshiba Bata. Pamulandu ngu nalipela ubumi bwanji pamulandu wambelele.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Yohane 15:21

Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.

Yohane 16:3

Abantu bakuchita mfi kuli mwebo pantu tabayishibapo Bata nangu nebo.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 6:46

Takupo nangu umuntu umo uwabona Bata iyowo, kuntu nebo newafuma kuli Lesa, ene namubona.

Yohane 8:19

Elo bo balimufumbile ati, “Kanshi Bawiso balikwisa?” Yesu alibasukile ati, “Nebo tamwanjishibapo nangula Bata. Nga mwalinjishibile nebo, na Bata nga mwalibeshiba.”

Yohane 8:29

Uyo uwantuma aba pamo nanebo, tanshabapo nenka iyowo pantu lonse nchita ifimusekesha.”

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Yohane 8:51

Nachine nkokweba ati, umuntu onse uwakumfwa ukusambisha kwanji takafwepo.”

Yohane 8:52

Abantu bamusoseshe ati, “Nomba twayishiba nachine ukuti alikwete umupashi uubi. Pantu Abulahamu alifwa, nabasoseshi balifwa, kuntu webo ukoeba ati uyo muntu uwakumfwa ukusambisha kobe takafwepo.

Imilimo ya batumwa 17:23

Pantu ulo ndepitana mumushi wenu, nokubona umo mulombelamo, nabona ichipupililo chimo apalembwa ati, ‘Kuli Lesa uutayishibikwa.’ Kanshi ngu mulomba mukuteshiba, eye nebo nkofwaya ukumulondwelelako.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

1 Yohane 1:6

Nga twasosa ukuti twaba mwisenge nakwe ulo tukoyenda mumfinshi, tukoyibepa, nefyo tuchita fyabwaka.

1 Yohane 2:22

Mba uwabufi ninani? Ningulya onse uusosa ukuti Yesu talipo Uwasubwa waku Lesa. Umuntu uukana Bata no Mwana echipondo chaku Klistu.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 5:10

Umuntu onse uwachetekela mu Mwana waku Lesa ewakwata bukamboni mbu. Onse uutachetekela, alenga Lesa ukuba uwabufi pantu tachetekelepo bukamboni ubo Lesa apela pa Mwana wakwe.

Ukufisulula 3:9

Boneni! Ekobali abantu bakwa Satana, bo abakososa ukuti Bayuda, kuntu iyowo. Nakubalenga ukuti bakese kufukama kumolu obe mukuyichefya. Elo bakwishiba ukuti nalikutemwa.