Yohane 8:54 - Chipangano Chabwangu

⁵⁴ Yesu alibasukile ati, “Nga nebo nkoyichinshika nemwine, umuchinshi wanji wabwaka. Bata ebanchinshika nebo, abo mwebo mukoti e Lesa wenu.

Yohane 8:54 ပူးပေါင်းရင်းမြစ်များ

Yohane 17:1

Ulo Yesu ashilile ukusosa amashiwi ngalya, aloleshe kumulu nokusosa ati, “Bata, inshita yafika. Chinshikeni Umwana wenu, ukuti naye amuchinshike.

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Yohane 2:11

Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 5:41

“Nebo nshikofwayapo ukutondayisha ukufuma kubantu.

Yohane 7:18

Umuntu uyisoselela bwaka ifyakwe, ekwebati ayifwayila bwaka umuchinshi umwine. Nomba uufwaya umuchinshi wawamutuma, ena ewachishinka, nakambi taba nobufipo mumutima wakwe.

Yohane 7:39

Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Yohane 8:41

Mwebo mukochita ukubati milimo banshinwe bachitile.” Bamwasukile ati, “Tatuli bana bamubuchende iyowo. Lesa enka enshifwe twakwata, nakambi tuli bana bakwe abakwebesha.”

Yohane 8:50

Nebo nshifwaya ukuyichinshika. Ekwali umo uufwaya ukunchinshika, nakambi eukamupingula.

Imilimo ya batumwa 3:13

Mukuchita mfi Lesa waku Abulahamu, Isake na Yakobe, Lesa wafikolwe fyesu, ewachindamika umupyungi wakwe Yesu. Mwebo mwalimuposele kufipondo fyakwe. Elo mwalimukene napa menso yakwa Pilato panshita Pilato alikufwaya ukumukakula.

2 Kolinto 10:18

Pakuba umuntu uupokololwa, tengulyapo uyichitila bukamboni iyowo, kuntu uwo Bashikulu bapela bukamboni.

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

2 Petulo 1:17

Pakuba alipokelele umuchinshi nobuleme ukufuma kuli Lesa Bata ulo ishiwi lyafumine kuli Lesa uwabuleme nokusosa ati, “Ngu Mwana wanji uwatemwekwa, muli Ye emo mbekelamo.”