Yohane 8:47 - Chipangano Chabwangu

⁴⁷ Umuntu onse uwaku Lesa omfwa amashiwi aku Lesa. Nomba mwebo icho mutomfwila, tamuli bantu baku Lesa iyowo.”

Yohane 8:47 ပူးပေါင်းရင်းမြစ်များ

Yohane 12:48

Muntu onse uukonkana nokutapokelela amashiwi anji, eko ali uwakwisa kumupingula. Amashiwi ayo nsosele eyakwisa kumupingula pakasuba kakumupwilo.

Yohane 18:37

Elo Pilato amufumbile ati, “Kanshi webo uli mfumu?” Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Yohane 6:65

Nakambi asosele ati, “Ngu emulandu wine namwebele ati takupo nangu umo uungesa kuli nebo, sembi Bata bamupela ifiso ifyakwisa kuli nebo.”

Yohane 8:37

Nalishiba ukuti muli bana bamulupwa lwakwa Abulahamu. Nomba mwebo mukofwaya ukunjipaya pakuti tamukosuminapo ukusambisha kwanji.

Yohane 8:43

Mba nindo mutomfwilapo ifyo nsosa? Mulandu wakuti tamukwetepo ifiso ifyakumfwa amashiwi anji.

Yohane 8:45

Pantu nebo nkososa ukwebesha, emulandu wine mutakonchetekelapo.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

2 Yohane 1:9

Umuntu onse uutekalilila mukusambisha kwaku Klistu, kuntu akolundako, takwatapo Lesa. Lelo uwikalilila mukusambisha nku nakwata bonse babili, Bata no Mwana.

3 Yohane 1:11

We mutemwekwa, wilatentekapo ifibi, kuntu ifiweme. Onse uuchita ifiweme, ena mwana waku Lesa, kuntu ukochita ifibipile tamubonapo Lesa.