Yohane 8:44 - Chipangano Chabwangu

⁴⁴ Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Yohane 8:44 ပူးပေါင်းရင်းမြစ်များ

Mateyo 12:34

Mwe bana bansoka mwe! Nga mungasosa shani ifiweme mwe babi mfi? Pakuba akanwa kamuntu kalabila pafyayiula mumutima wakwe.

Mateyo 13:15

Pantu amano abantu mba anini, namatwi abo alikoma, namenso abo alishibata. Nga chitaba mfi, nga balabona namenso abo, balomfwa namatwi abo, nokwiluka mumano abo. Elo nga baalukila kuli ne, nande kuti nabaposha.’

Mateyo 13:38

Ibala ndilya echalo, imbuto nshilya ekwebati bantu bamubufumu bwaku Lesa. Ulunsekwe ebantu bamubi ngulya.

Yohane 6:70

Yesu abasukile ati, “Napo tenepo namusalile mwe bakusambila ikumi na babili? Nomba umo uwakumwebo nimbifi!”

Yohane 7:17

Umuntu onse uukofwayisha ukuchita ifyo Lesa afwaya, ewakwisa kwishiba ifyo nkosambisha nga fyafuma kuli Lesa nangula nkoyisosela nemwine.

Yohane 8:38

Nebo nsosa ifintu ifyo nabona kuli Bata, namwebo muchita ifintu ifyo mwaumfwa kuli bawishinwe.”

Yohane 8:41

Mwebo mukochita ukubati milimo banshinwe bachitile.” Bamwasukile ati, “Tatuli bana bamubuchende iyowo. Lesa enka enshifwe twakwata, nakambi tuli bana bakwe abakwebesha.”

Yohane 8:55

Mwebo tamwamwishibapo, kuntu nebo nalimwishiba. Nga nebo nasosa ati nshamwishibapo, kuti naba uwabufi kubati nimwe. Nomba nebo nalimwishiba nakambi ndomfwila amashiwi akwe.

Imilimo ya batumwa 13:10

nokusosa ati, “We mwana wakwa Satana! Walipata ifintu fyonse ifyalungama. Waliwula namano ayabuchenjeshi ububi. Inshita shonse ulafwaya ukufulunganya ifyachine ifyaku Bashikulu!

Imilimo ya batumwa 24:9

Abayuda nabo balisuminishe bati, “Nachine efyenka mfi.”

Imilimo ya batumwa 5:3

Elo Petulo alimufumbile ati, “Webo Ananiyasi, chindo icho Satana akutunkile mumutima obe ukubepa Umupashi Wabuta pakufisapo indalama shimbi isho wasangile mwibala lyobe?

2 Kolinto 11:3

Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

1 Petulo 5:8

Mulokutekanya nokuba abayibukila, pakuti akapondo kenu Satana akoyendauka uku nauku nge nkalamo ibuluma iikofwaya uwakwikata.

2 Petulo 2:4

Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.

1 Yohane 1:8

Nga twasosa ukuti tatwakwatapo bubi, twayibepafye, nechine tamupo muli fwe.

1 Yohane 2:21

Nshikomulembela pamulandu wakuti tamwishibilepo ichine iyowo, kuntu ukuti mulishibile. Elo mulishibile ukuti ubufi tabwingafuma muchine.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 3:12

Tatufwilepo ukubati ni Kaini uwakulubali lwakwa Mubi. Ayipeye wakwe Abeli. Nindo Kaini amwipayile? Pantu Kaini alechita ifintu ifibi, elo Abeli alechita ifintu ifiweme.

1 Yohane 3:15

Umuntu onse uupata munakwe nikepaya, nakambi mulishibile ukwebati kepaya takwatapo ubumi ubutashila muli Ye.

Yuda 1:6

Ibukisheni abangelo abatali kupyunga imilimo nokusha ififulo fyabo. Lesa alibakakile nobunyololo butapwa. Nomba akobasunga muchilindi umufitile fititi ukufikila napakasuba nkalya akubapingula.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 13:14

Elo chalibepa abantu bonse abekala pachalo pamulandu wafiso ifikulu ifyo chasuminishiwe ukuchita pachinso chachiswango ichakwamba. Ichiswango nchi chalibebele ukupanga ichipasho ichakuchinshikilamo ichiswango nchilya ichalashiwe umwele, kuntu chali nobumi.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.

Ukufisulula 9:11

Shalikwete imfumu iyakushiteka. Nji mfumu mungelo ulolekesha pachilindi. Ishina lyakwe mu Chihebele ni Abadoni, elo mu Chigiliki ni Apoliyoni (ekwebati, “Wabonaushi.”)