Yohane 8:29 - Chipangano Chabwangu

²⁹ Uyo uwantuma aba pamo nanebo, tanshabapo nenka iyowo pantu lonse nchita ifimusekesha.”

Yohane 8:29 ပူးပေါင်းရင်းမြစ်များ

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Mateyo 3:15

Nomba Yesu alimwasukile ati, “Leka chibele mwenkomo pali njino nshita, pakuti tufikilishe fyonse ifyo Lesa afwaya.” Elo Yohane asumine.

Mateyo 3:17

Elo ishiwi lyasosele ukufuma kumulu ati, “Ngu Emwana wanji uwatemwekwa, muli ye emo nkosekelela.”

Yohane 14:31

Ichalo chikowamina ukwishiba ukuti nebo nalitemwa Bata, echo nchitila ifintu fyonse ukulingana nomo bansambishisha. “Imeni nomba, tulokuya.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Yohane 16:32

Inshita ikoyisa, nanomba ilifikile kale, ulo mwakwisa kupalangana nokuya kumwenu-mwenu. Elo nakushala nenka. Nangu chakuba mfi, tanshakabepo nenka pakuti Bata bali nandibo.

Yohane 17:4

Nalimuchinshika muno chalo pakushilisha umulimo uwo mwampele ukuchita.

Yohane 4:34

Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

Yohane 5:30

“Apanenka tekuti nchitepo akantu nangu kamo munsambu shanji. Nebo mpingwila bwaka mwenka umo Lesa anjebela. Elo ubupingushi bwanji bwaba ubwalungama pakuti nshichitapo ifyo nemwine mfwaya, kuntu ifyo uyo uwantuma afwaya.

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Yohane 8:16

Nangu kati nebo ndapingula, ukupingula kwanji kwakwebesha pantu nshilipo nenka iyowo, kuntu Bata abantumine bali pamo nandibo.

2 Timoti 4:17

Nomba Bashikulu balikele pamo nandibo, nokumpela ifiso ukuti mbilishe amashiwi yabo ukufikapo ukwebati abenafyalo bomfwe. Ekwebati nalipuluka mukanwa kankalamo.

2 Timoti 4:22

Bashikulu babe namwebo bonse. Ubwanshi bwaku Lesa bube kuli mwebo bonse.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.

Hebele 7:26

Chiweme ukuti tube nakwe Chipupila Mukulu uwalungama, uutakwetepo akalema nangula ububi ubuli bonse, uwapusana nembifi nakambi uwasumbulwa ukuchila fyonse ifyakumulu.

1 Yohane 2:1

Mwe bana banji, nkomulembela mfi ukuti mulokubifyapo. Lelo nga umo abifya, tulikwete kafwa utulubulwilako kuli Shifwe, ni Yesu Klistu uulungeme.

1 Yohane 3:22

Elo fyonse ifyo tulomba alatupela pantu tukonka amafunde akwe nokuchita ifimusekesha.