Yohane 8:12 - Chipangano Chabwangu

¹² Panuma Yesu asosele ku Bafalisi ati, “Nine kusanika ukusanikila bantu bamuchalo. Onse uwakunkonka akwisa kuba nokusanika ukwabumi, nakambi tayise kwendapo mumfinshi iyowo.”

Yohane 8:12 ပူးပေါင်းရင်းမြစ်များ

Mateyo 5:14

“Nimwe ukusanika kwamuchalo. Umushi uwayimakwa palupili tekuti ufisamikwepo.

Luka 2:32

Mwapela ukusanika ukuti kusanikile kubenafyalo, nokuba umuchinshi kubantu benu abena Isilaeli.”

Yohane 12:35

Yesu abasukile ati, “Ukusanika kuli pali mwebo mukanshita kanini. Endeni mukusanika ulo muchili nako ukuti imfishi iimufimbapo, pakuti uukoyenda mumfinshi teshibapo uko akoya.

Yohane 12:36

Chetekeleni mukusanika ulo muchili nako ukuti mwise mube abantu bakusanika.” Ulo Yesu asosele mfi alifuminepo nokuyifisa.

Yohane 12:46

Nayisa muchalo ukuba ukusanika, ukuti onse uukochetekela muli nebo eyikalilila mumfinshi.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 3:19

Ubupingushi ifyo bwaba nimfi, ukusanika kulishile muchalo, kuntu abantu batemwa imfinshi ukuchila ukusanika, pantu imilimo yabo iibi.

Yohane 7:17

Umuntu onse uukofwayisha ukuchita ifyo Lesa afwaya, ewakwisa kwishiba ifyo nkosambisha nga fyafuma kuli Lesa nangula nkoyisosela nemwine.

Yohane 9:5

Ulo nchili muno chalo, ndi kusanika kwachalo.”

Imilimo ya batumwa 13:47

Pantu efyo Bashikulu batukonkobeshe ulo basosele ati, ‘Nakusonta ukuti ube inyali kubenafyalo, ukwebati uchipulushe ichalo chonse.’”

Imilimo ya batumwa 26:23

Klistu ali nokuchula nokuba umutanshi ukubuka kubafwa ukuti kukabilishiwe amashiwi epusukilo ku Bayuda nakubenafyalo, akabe ukusanika kuli bo.”

2 Petulo 2:17

Abasambishi babufi mba bali kubati tumfuku-mfuku ututakwetepo amenshi, kubati aapintwa kuchipupu. Lesa alibasungila imfishi ifitile fititi.

2 Petulo 2:4

Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.

1 Yohane 1:6

Nga twasosa ukuti twaba mwisenge nakwe ulo tukoyenda mumfinshi, tukoyibepa, nefyo tuchita fyabwaka.

Yuda 1:13

Elo bapalana kubati matamba apali bemba aafumya ipofu, efyo nabo balanga ububi bwabo. Bali kubati nintandala ishikoselauka bwaka, elo Lesa alibasungila ichifulo ichifitile fititi ichamuyayaya.

Yuda 1:6

Ibukisheni abangelo abatali kupyunga imilimo nokusha ififulo fyabo. Lesa alibakakile nobunyololo butapwa. Nomba akobasunga muchilindi umufitile fititi ukufikila napakasuba nkalya akubapingula.

Ukufisulula 21:24

Echo abantu bamitundu yonse bakwenda mukusanika kwamumushi, elo neshamfumu ishapachalo shakuleta umuchinshi washiko mumusumba ngu.