Yohane 7:4 - Chipangano Chabwangu

⁴ Takwabapo umuntu ufisa imilimo iyo akobomba kati akofwaya ukwishibikwa ukwinekantu. Apo wachita mfi fintu, leka ichalo chonse chikwishibe!” (

Yohane 7:4 ပူးပေါင်းရင်းမြစ်များ

Mateyo 23:5

Balabomba imilimo yabo yonse ukuti babonwe kubantu. Balayibwenesha ulo bakusha apalembwa Amalembo aku Lesa awo bafwala pampumi napamaboko yabo. Elo balakusha insenkebele kuminjila yabo.

Mateyo 4:6

Elo asosele kuli Ye ati, “Kati niwe Mwana waku Lesa, chilukila panshi pakuti chalilembwa ati, ‘Lesa akweba abangelo bakwe ukwisa kukwelekela pamaboko abo, ukuti wiyitutulapo amakasa obe pamabwe.’”

Mateyo 6:16

“Ulo mukoyikanya ukulya, mulokwikalapo abachikonko nga mfilya bachita abakutumpayika. Bo balayishimfyanya pamenso pakuti abantu bababone ukuti bakoyikanya ukulya. Nachine nkomweba ati, mba balipokelela kabela ichilambu chabo.

Mateyo 6:5

“Ulo mukolomba, mulokubati abakutumpayika. Pakuba bo balitemwa ukwimakana pakulomba mumananda aakulombelamo Lesa napamampandwa amisebo, ukuti babonekele kubantu. Nkomweba ati, mba balipokele kabela ichilambu chabo.

Luka 6:45

Umuntu uuweme afumya mfilya ifyabuboni ifiweme ifili mumutima wakwe. Nomba umubi ye afumya mfilya ifibi ifyayiula mumutima wakwe. Pakuti umuntu asosa ifintu ifili mukati mumutima wakwe.

Yohane 18:20

Yesu alimwasukile ati, “Nalikusosa apabuta kubantu. Nalikusambisha lonse mumananda akulombelamo Lesa namunanda yaku Lesa uko balongana Abayuda bonse. Nshalikusosapo akantu mubumfinshi iyowo.

Yohane 7:3

Epo bawabo baku Yesu bamwebele ati, “Ulingile ukuya ku Yudeya ukuti abakusambila bobe bakabone imilimo iyo ukochita.

Yohane 7:5

Nangu nibawakwe tabamuchetekelepo.)