Yohane 7:39 - Chipangano Chabwangu

³⁹ Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Yohane 7:39 ပူးပေါင်းရင်းမြစ်များ

Mateyo 16:14

Nabo balimwasukile ati, “Bambi basosa ati niwe Yohane Mubatishi, bambi bati niwe Eliya, elo bambi nabo basosa ati niwe Yelemiya nangula umo uwabasoseshi.”

Mateyo 21:11

Amabumba akonkele Yesu ayasukile ati, “Ngu ni Yesu, musoseshi ngulya waku Nasaleti, umushi wamuchalo cha Galili.”

Luka 24:49

Nebo nakumutumina icho Bata bamulaya. Nomba mulingile ukulindilila mumusumba muno ukufikila ulo ifiso fyakwisa pali mwe ukufuma kumulu.”

Luka 3:16

Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo.

Luka 7:16

Elo abantu bonse balishimbilwe ukwinekantu. Epo batatikile ukuchinshika Lesa nokusosa ati, “Umusoseshi umukulu ayisa mukutandalila abantu bakwe!” Nakambi, “Lesa ayisa mukupulusha abantu bakwe.”

Yohane 1:21

Bamufumbile ati. “Mba niwe nani? Napo niwe Eliya?” Yohane ayasukile ati, “Iyowo, tenepo.” Bamufumbile ati, “Napo niwe umusoseshi?” Ayasukile ati, “Iyowo.”

Yohane 1:25

Elo bafumbile Yohane Mubatishi ati, “Kati tewepo Uwasubwa uwaku Lesa nangula Eliya nangula umusoseshi, mba nindo ubatishisha?”

Yohane 1:33

Nangu chali mfi, nebo nshamwishibilepo ati eye. Nomba Lesa, uwantumine ukubatisha namenshi, ewasosele kuli nebo ati, ‘Ulo wakwisa kubona Mupashi Wabuta ukufuma kumulu nokwikala pamuntu, ngu eye uwakwisa mukubatisha no Mupashi Wabuta.’

Yohane 12:16

Abakusambila bakwe tabaumfwilepo ukupilibula kwa mashiwi nga pali njilya nshita kufikila ulo Yesu abukile mubuleme. Elo bayibukishe ukuti nchi echo amashiwi alembelwe Mumalembo Apatulika alikulabila ishapali Ye.

Yohane 12:23

Naye Yesu alibasukile ati, “Inshita nomba yafika iyakuti Mwana wa Muntu apelwe ubuleme.

Yohane 14:13

Elo nakwisa kuchita fyonse ifyo mwakwisa kulomba mwishina lyanji ukuti Bata bachinshikilwe mu Mwana wabo.

Yohane 14:26

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

Yohane 16:14

Akwisa kumpela ubuleme, pakuti ifyo akwisa fyakufuma kuli nebo.

Yohane 16:7

Nachine nkomweba ati, kuli mwebo chiweme ukuti mfumepo mpano, pakuba nga nshifuminepo, Umwafwilishi tayise kuli mwebo. Nomba nga naya, nakumutuma kuli mwe.

Yohane 17:1

Ulo Yesu ashilile ukusosa amashiwi ngalya, aloleshe kumulu nokusosa ati, “Bata, inshita yafika. Chinshikeni Umwana wenu, ukuti naye amuchinshike.

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Yohane 20:22

Ulo Yesu asosele mfi, alibapemene nokusosa ati, “Pokeleleni Umupashi Wabuta.

Yohane 6:14

Pakubona ichafiso ifikulu icho Yesu achitile, abantu basosele ati, “Nachine ngu emusoseshi uwali nokwisa muno chalo.”

Yohane 7:12

Mwali ukutepelekeshanya ukukulu mukati kebumba lyabantu. Bambi balikusosa ati, “Ngu muntu muweme.” Nomba bambi basosele ati, “Iyowo, akopumfyanya abantu.”

Yohane 8:54

Yesu alibasukile ati, “Nga nebo nkoyichinshika nemwine, umuchinshi wanji wabwaka. Bata ebanchinshika nebo, abo mwebo mukoti e Lesa wenu.

Imilimo ya batumwa 19:2

Abafumbile ati, “Napo mwalipokela Umupashi Wabuta ulo mwachetekele?” Nabo balimwasukile ati, “Iyowo, fwebo tatwaumfwapo nokuti kwaba Umupashi Wabuta.”

Imilimo ya batumwa 2:17

‘Lesa asosele ati, munshiku shakulekelesha, nakubapela Mupashi wanji. Elo abana benu abalalume nabanakashi bakubilisha amashiwi anji. Abalumbwana bali kubona ifibonwa, nabakote benu balikulota ifyoshi.

Imilimo ya batumwa 2:33

Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Imilimo ya batumwa 2:4

Elo bonse bayiwile no Mupashi Wabuta. Batatikile nokusosa mundimi ishapusana-pusana kubati ifyo Mupashi afwayile ukuti balokusoselamo.

Imilimo ya batumwa 3:13

Mukuchita mfi Lesa waku Abulahamu, Isake na Yakobe, Lesa wafikolwe fyesu, ewachindamika umupyungi wakwe Yesu. Mwebo mwalimuposele kufipondo fyakwe. Elo mwalimukene napa menso yakwa Pilato panshita Pilato alikufwaya ukumukakula.

Imilimo ya batumwa 4:31

Ati bapwe ukulomba, pachifulo apo balongene patatikile ukutenta. Elo bonse bayiwile no Mupashi Wabuta, batatika nokusosa amashiwi aku Lesa ukwambula ukutina.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

2 Kolinto 3:8

napo umulimo wa Mupashi Wabuta tawakakwatepo umuchinshi ukuchilapo?

Efeso 4:30

Elo mwiumfwishapo ubulanda Umupashi Wabuta uwaku Lesa pakuti echishibilo chenu ukuti mwebo muli baku Lesa pabushiku ubo Lesa akupulusha abantu.