Yohane 7:28 - Chipangano Chabwangu

²⁸ Ulo Yesu alikusambisha munanda yaku Lesa mu Yelusalemu, alibilikishe ati, “Nachine mwalinjishiba nokwishiba uko nafuma? Nomba tanshayisa mukufwayapo kwanji. Nomba uyo uwantumine wakwebesha. Mwebo tamwamwishibapo iyowo.

Yohane 7:28 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Mateyo 2:23

Nkulya kwenka ayikele mumushi wa Nasaleti, ukuti chifikilishiwe ichasoselwe nabasoseshi ati, “Akwitwa umwina Nasaleti.”

Mateyo 26:55

Panuma Yesu abafumbile ati, “Napo nebo ndi chipondo, apo mwayisa nemyele nenkoli mukunjikata, bayi? Inshiku shonse nalikwikala namwebo nkosambisha munanda yaku Lesa, nokuti munjikatepo, yii.

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Luka 2:11

Pakuti kwafyalikwa kuli mwebo muli nkano kasuba mumushi wakwa Davide, Umupulushi, eye Klistu Bashikulu!

Luka 2:39

Ulo Yosefe na Maliya bashilile ukuchita fyonse ukulingana namafunde aku Lesa, balibwelele kuchalo chaku Galili, kumushi kumyabo ku Nasaleti.

Luka 2:4

Yosefe naye alimine ukufuma ku Galili, kumushi waku Nasaleti, nokuya ku Yudeya, kumushi wakwa Davide, uukoyitwa Betelehemu, pakuba ali uwamukowa wa Davide.

Luka 2:51

Elo Yesu nomba ayile nabo ku Nasaleti uko alikwikala nokubomfwila. Banyina balisungile mumutima wabo fyonse ifyasosekelwe.

Yohane 1:46

Natanayeli alimufumbile ati, “Napo ku Nasaleti nkulya kuti kwafumapo ichintu ichiweme?” Filipo alimwasukile ati, “Isa uyibwene wemwine.”

Yohane 10:36

Nebo, Bata ba nsalile nokuntuma muno chalo. Mba nindo nomba mukonjebela ukuti nkosalula Lesa ulo nsosa ati nine Mwana waku Lesa?

Yohane 12:49

Nchi chakwebesha pantu nshiyisosela ifyaku nebo nenka, kuntu Bata abantumine ebansambishe ifyo nsosa.

Yohane 14:10

Kanshi taukochetekelapo Filipo ukuti nebo ndi muli Bata na Bata bali muli nebo? Amashiwi awo nasosa kuli mwe tekuli nebopo akofuma. Bata abayikala muli nebo ebapyunga imilimo yabo muli ne.

Yohane 14:31

Ichalo chikowamina ukwishiba ukuti nebo nalitemwa Bata, echo nchitila ifintu fyonse ukulingana nomo bansambishisha. “Imeni nomba, tulokuya.

Yohane 16:3

Abantu bakuchita mfi kuli mwebo pantu tabayishibapo Bata nangu nebo.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 3:2

Ayile kuli Yesu ubushiku nokumweba ati, “We musambishi, twalishiba ukuti uli musambishi uwatumwa na Lesa. Takupo nangu umo uwingachita nji milimo iyafiso ifikulu iyo ukochita, sembi Lesa ali pamo nakwe.”

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Yohane 5:32

Nomba ekwali umbi uwaba imboni yanji, nakambi nalishiba ukuti bukamboni bwakwe bwachine.

Yohane 5:43

Nebo nayisa munsambu shaku Bata, kuntu tamwampokelelapo iyowo. Ulo umuntu umbi akwisa munsambu shakwe umwine, mwakwisa kumupokelela.

Yohane 6:42

Epo basosele ati, “Napo ngu te mwana Yosefe? Bawishi nabanyina twalibeshiba. Nga nishani nomba akoebela ati, ‘Nafuma kumulu?’”

Yohane 7:14

Ulo ukulya nku kwali pakati, Yesu ayile kunanda yaku Lesa nokutatika ukusambisha abantu.

Yohane 8:14

Yesu alibasukile ati, “Nangu kati nkoyisosela ifyanji nemwine, bukamboni bwanji bwakwebesha pantu nalishiba uko nafuma nakambi noko nkoya. Nomba mwebo tamwishibilepo uko nafuma noko nkoya.

Yohane 8:16

Nangu kati nebo ndapingula, ukupingula kwanji kwakwebesha pantu nshilipo nenka iyowo, kuntu Bata abantumine bali pamo nandibo.

Yohane 8:19

Elo bo balimufumbile ati, “Kanshi Bawiso balikwisa?” Yesu alibasukile ati, “Nebo tamwanjishibapo nangula Bata. Nga mwalinjishibile nebo, na Bata nga mwalibeshiba.”

Yohane 8:26

Ndikwete ifyakusosa ifinji, nefyakumupingula. Uyo uwantuma wakwebesha. Elo amashiwi onse awo naumfwile kuli Ye ewo nkososa kuchalo.”

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.

Yohane 9:29

Twalishiba ukuti Lesa asosele kuli Mosesi, kuntu ngu muntu, fwebo tatwishibilepo noko afuma.”

Imilimo ya batumwa 17:23

Pantu ulo ndepitana mumushi wenu, nokubona umo mulombelamo, nabona ichipupililo chimo apalembwa ati, ‘Kuli Lesa uutayishibikwa.’ Kanshi ngu mulomba mukuteshiba, eye nebo nkofwaya ukumulondwelelako.

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Loma 3:4

Nangu panini! Nomba abantu beshibe ukuti Lesa asosa ifyachine nangu abantu bonse babufi. Chili kubati nimfilya Amalembo asosa ati, “Ulingile ukuba wachine mukusosa kobe, nokuchimfya ulo bakokulubulwisha muchilye.”

2 Kolinto 1:18

Napali Lesa wachine nkolapa ukuti amashiwi nga tukomweba taalipo “Ina” nangu “Iyowo.”

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Hebele 6:18

Elo pali ifintu fibili ifitangapilibukapo: ichilapo nakambi ifyo Lesa tekuti abepepo iyowo. Echo Lesa afwayile ukuti akoseleshe fwebo, fwe babutukile kuli Ye ukuti tushipikishe ukulolela uko atupele.

1 Yohane 5:10

Umuntu onse uwachetekela mu Mwana waku Lesa ewakwata bukamboni mbu. Onse uutachetekela, alenga Lesa ukuba uwabufi pantu tachetekelepo bukamboni ubo Lesa apela pa Mwana wakwe.