Yohane 7:26 - Chipangano Chabwangu

²⁶ Boneni! Teye akososela apatubile, nakambi takupo nangu umo uukomusosela ububi! Napo kuti kwaba ukwebesha ukuti abakulu balishibile ukuti ena e Wasubwa waku Lesa?

Yohane 7:26 ပူးပေါင်းရင်းမြစ်များ

Mateyo 22:16

Bamutumine abakusambila babo, elo nebumba lyakwa Helodi ukuya kumufumba ati, “We musambishi, twalishiba ukuti uli wachine nakambi usambisha ifyachine. Elo tautinapo muntu nangu umo, pakuba tawakwatapo akapatulula kubantu.

Luka 23:13

Pilato ayitile pamo intungulushi shabachipupila, bafilolo nabantu.

Luka 7:30

Nomba Abafalisi nabasambishi ba Mafunde balikene ukuchita ukufwaya kwaku Lesa, pakuba balikene ukubatishiwa na Yohane.

Yohane 12:42

Nangu chali mfilya, abenji abamubakulu ba Bayuda balichetekele muli Yesu. Nomba pamulandu wakutina Abafalisi, tabalikusosapo palwalala ukwebati belenga babatamfye munanda yakulombelamo Lesa.

Yohane 18:20

Yesu alimwasukile ati, “Nalikusosa apabuta kubantu. Nalikusambisha lonse mumananda akulombelamo Lesa namunanda yaku Lesa uko balongana Abayuda bonse. Nshalikusosapo akantu mubumfinshi iyowo.

Yohane 3:1

Kwali intungulushi ya Bayuda iyali kwitwa Nikodemasi, yali iyamwibumba lya Bafalisi.

Yohane 4:29

“Iseni mubone umuntu uwambusha fyonse ifyo nachita. Napo kuti aba Ewasubwa waku Lesa?”

Yohane 7:25

Abantu bamo abamu Yelusalemu batatikile ukusosa ati, “Napo ngu tewo bakofwaya ukwipaya?

Yohane 7:31

Nangu chali mfi, abantu abenji balichetekele. Elo basosele ati, “Kati Uwasubwa ayisa, napo akwisa kuchita imilimo iyafiso ifikulu ukuchila ngu muntu?”

Yohane 7:48

Napo kulipo bamo bantungulushi nangu Abafalisi abachetekele kale ngulya muntu?

Yohane 9:22

Abafyashi bakwe basosele mfi nipamulandu wakutina abakulu. Mba basuminishenye kale ati onse uwakwisa kusumina ukwebati Yesu Ewasubwa waku Lesa, bakwisa kumutamfya munanda yakulombelamo Lesa.

Imilimo ya batumwa 4:13

Ulo abachilye babwene ukupama kwakwa Petulo na Yohane, balishimbilwe ukwinekantu. Nakambi baumfwile ukuti mba bali bantu bwaka abatasambililapo ukwinekantu. Penkapo balishibile ukuti basambishi baku Yesu.

Filipi 1:14

Nomba pamulandu wakuti ndimuchifungo, bawesu abenji balishipile imitima ukuchetekela kale muli Bashikulu, elo bakobilisha Amashiwi aku Lesa ukwambula umwenso.