Yohane 7:16 - Chipangano Chabwangu

¹⁶ Yesu alibasukile ati, “Ifyo nsambisha tefyanjipo kuntu fyafuma kuli Lesa uwantumine.

Yohane 7:16 ပူးပေါင်းရင်းမြစ်များ

Yohane 14:10

Kanshi taukochetekelapo Filipo ukuti nebo ndi muli Bata na Bata bali muli nebo? Amashiwi awo nasosa kuli mwe tekuli nebopo akofuma. Bata abayikala muli nebo ebapyunga imilimo yabo muli ne.

Yohane 14:24

Muntu onse uutantemwa talamapo amashiwi anji. Nakambi amashiwi ayo mumfwa te anjipo, kuntu afuma kuli Bata abantuma.

Yohane 17:14

Nalibasambisha amashiwi enu, elo ichalo chalibapatile pakuti tabalipo bamwibumba lyabo, ukubati nimfilya nandibo tanshilipo wamuli bo.

Yohane 17:8

Pakuti nalibasambisha amashiwi ayo mwampele, nabo balipokelele. Nomba balishibile ukwebesha ukuti nafuma kuli mwe. Echo balichetekela ukuti nimwe mwantumine.

Yohane 3:11

Nachine nkokweba ati, fwebo tusosa icho twayishiba nokweba abantu icho twabona. Nomba takupo nangu umo muli mwe uukofwaya ukupokelela amashiwi esu.

Yohane 3:31

Uyo uwafuma kumulu emukulu ukuchila bonse. Uyo uwafuma muno chalo, epela wamuno chalo nakambi asosa nefyamuno chalo. Nomba uyo uwafuma kumulu ewaba uwapamulu pali fyonse.

Yohane 5:30

“Apanenka tekuti nchitepo akantu nangu kamo munsambu shanji. Nebo mpingwila bwaka mwenka umo Lesa anjebela. Elo ubupingushi bwanji bwaba ubwalungama pakuti nshichitapo ifyo nemwine mfwaya, kuntu ifyo uyo uwantuma afwaya.

Yohane 6:44

Takupo uungesa kuli nebo nangu umo, sembi Bata abantuma bamuleta kuli ne. Epo nandibo nakwisa kumubusha pakasuba kakumupwilo.

Yohane 8:28

Pamulandu ngu, echo asosele kuli bo ati, “Ulo mwakwimya Umwana wa Muntu pamutashi mwakwishiba ati nine. Mwakwisa kwishiba ati nebo tanshichitapo akantu nangu kamo munsambu shanji, kuntu nchita bwaka ifyo Bata banjebele.

2 Yohane 1:9

Umuntu onse uutekalilila mukusambisha kwaku Klistu, kuntu akolundako, takwatapo Lesa. Lelo uwikalilila mukusambisha nku nakwata bonse babili, Bata no Mwana.

Ukufisulula 1:1

Muli ndi buku emwalembwa ifintu Lesa afisulwile kuli Yesu Klistu. Lesa amufisulwile mfi ukuti alange abapyungi bakwe ifyakwisa kuchitika bwangu-bwangu. Klistu naye alishibishe umupyungi wakwe Yohane mfi fintu ulo atumine umungelo wakwe kuli ye.