Yohane 6:57 - Chipangano Chabwangu

⁵⁷ Pakuti Bata abayikalilila ababumi ebantuma nebo, epo pamulandu waku Bo nandibo nalikalilila uwabumi. Munshila imo yenka, muntu onse uwakulya nebo akwisa kuba nobumi pamulandu wakunebo.

Yohane 6:57 ပူးပေါင်းရင်းမြစ်များ

Mateyo 16:16

Simoni Petulo alyasukile ati, “Niwe Uwasubwa waku Lesa ngulya uwalayilwe, Mwana Lesa wabumi.”

Yohane 14:19

Munshita bwaka iinini, ichalo tachakambonepo, kuntu mwebo mwakwisa kumbona pakuti nebo ndimumi, namwe mwakwisa kwikala nobumi.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Yohane 5:26

Kubati nimwenka mulya Bawishi babela entulo yabumi, mumo mwenka alimuchitile Umwana wakwe ukuba intulo yabumi.

Yohane 6:29

Yesu alibasukile ati. “Lesa afwaya ukuti muchetekele muli ngulya uwo atuma.”

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

1 Kolinto 15:22

Ukubati fintu abantu bonse bafwa pamulandu wakwa Adamu, efyo abantu bonse bakubuka kubumi pamulandu waku Klistu.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

2 Kolinto 13:4

Aali wanaka ulo balikumutanika pamutashi, kuntu nomba ali nobumi mufiso fyaku Lesa. Nafwebo tuli abanaka muli Ye, kuntu twakuba abomi pamo na Ye mufiso fyaku Lesa, ulo twakupyunga pakati kenu.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

1 Tesalonika 1:9

Bonse mbalya bantu basosa pafyo mwatupokelele bwino ulo twamutandalile napafyo mwayalukile ukulomba tungosa wakubasa nokutatika ukulomba Lesa wachine umumi.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

1 Yohane 4:9

Lesa atuboneshe ukutemwa kwakwe akwata pali fwebo ulo atumine Umwana wakwe umofye mpo muno chalo ukuti twingakwata ubumi ukupitila muli Ye.