Yohane 6:53 - Chipangano Chabwangu

⁵³ Elo Yesu asosele kuli bo ati, “Nachine nkomweba ati, kati mwebo tamukolyapo umubili wa Mwana wa Muntu nokunwa umulopa wakwe, tamwakabepo nobumi.

Yohane 6:53 ပူးပေါင်းရင်းမြစ်များ

Mateyo 18:3

nokuti, “Nachine nkomweba ati, nga tamuli kubati twana tunini, tamwakenjilemo mubufumu bwakumulu.

Mateyo 5:18

Nachine nkomweba ati, umulu nechalo afitalashila, tapakonayikepo akalembo nangu kamo akalitoni mu Mafunde aku Lesa ukufikila ulo fyonse fyakuchitika.

Mateyo 8:20

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Luka 13:3

Iyowo! Nakambi nkomweba nati, kati tamukolekapo ukuchita ububi, bonse mwakwisa kufwa kubati nimulya bafwilile.

Luka 13:5

Iyowo! Nomba nga tamwalapilepo, mwakwisa kufwa kubati nimulya bafwilile.”

Yohane 13:8

Petulo alikaninine ndi ati, “Nangu chibe shani nebo tamwasamfyepo amakasa anji!” Yesu alimwasukile ati, “Nga nebo tanshakusamfyepo amakasa obe, tawabepo uwakusambila wanji.”

Yohane 15:4

Ikalilileni muli nebo, nandibo muli mwebo. Ukubati nimfilya umusambo tekuti utwalepo ifitwalo apawenka nga taulipo kuchiti ichikulu, namwebo tekuti mutwalepo ifitwalo nga tamukoyikalapo muli ne.

Yohane 3:3

Yesu alimwasukile ati, “Nachine nkokweba ati, nga muntu tafyelwepo libili tekuti enjilepo mu Bufumu bwaku Lesa.”

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Yohane 3:5

Yesu alimwasukile ati, “Nachine nkokweba ati, nga muntu tafyelwepo kumenshi naku Mupashi Wabuta tekuti enjilepo mu Bufumu bwaku Lesa.

Yohane 6:47

Nachine nkomweba ati, umuntu uwanchetekela ali nobumi butashila.

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Yohane 6:55

Pakuti umubili wanji echakulya chinenene, nomulopa wanji echakunwa chinenene.

Yohane 6:62

Nga chingaba shani ukubona Umwana wa Muntu akobwelela kumulu uko afumine?

1 Yohane 5:12

Umuntu onse uukwete ngu Mwana alinabo mbu ubumi, kuntu onse uutakwetepo Umwana waku Lesa, takwetepo nambu bumi.

Ukufisulula 2:17

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, nakumupela mana aatabonekapo ukuti alye. Nakambi nakumupela ibwe ilitubile apalembwa ishina lyabwangu ilyayishibikwa bwaka kumwine uwakupokelela epela.

Ukufisulula 2:7

“Uyo uuli namatwi, omfwe ifyo Mupashi Wabuta ukososa kufilonganino! “Kuli onse uwakuchimfya nakumusuminisha ukulyako kufitwalo ifyakuchiti ichabumi ichaba mukati kachifulo ichakusekelela.