Yohane 6:51 - Chipangano Chabwangu

⁵¹ Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Yohane 6:51 ပူးပေါင်းရင်းမြစ်များ

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Luka 22:19

Elo abulile umufuba nokutota kuli Lesa, aliusunawile, epo alibapele nokuti, “Ngu mubili wanji, [uwapelwa pamulandu wenu. Chiteni nchi mukunjibukisha.”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:29

Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

Yohane 11:26

Na uyo uwakwikala nokuchetekela muli nebo, tayise kufwa iyowo. Napo ukochetekela mfi?”

Yohane 3:13

Elo takupo umuntu uwanina kumulu, kuntu Umwana wa Muntu, uyo uwafumineko.”

Yohane 3:14

Chili ukubati nimfilya Mosesi asumbwile insoka yamukuba pachiti muchiswebebe. Munshila imo yenka Umwana wa Muntu akowamina ukusumbulwa

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Yohane 6:33

Pakuti umufuba waku Lesa, ningulya uwayika kumulu ukwisa kupela ubumi bwakwe kuchalo.”

Yohane 6:35

Yesu alibebele ati, “Nine mufuba uupela ubumi. Muntu onse uwisa kuli ne tayise kumfwapo insala iyowo, nangulya onse uwakunchetekela tayise kumfwapo ichilaka nakambi.

Yohane 6:41

Ulo baumfwile mfi abakulu ba Bayuda batatikile ukuyilishanya pamulandu wamashiwi awo Yesu asosele ati, “Nine mufuba wafuma kumulu.”

Yohane 6:47

Nachine nkomweba ati, umuntu uwanchetekela ali nobumi butashila.

Yohane 6:48

Nine mufuba uupela ubumi.

Yohane 6:50

Nomba umufuba uwafuma kumulu wakuti nga muntu aulya takafwilililepo.

Yohane 7:38

Kubati nimulya Amalembo Apatulika asosele ati, ‘Uyo onse uwakuchetekela muli nebo, inika yamenshi aabumi yakukunka ukufuma muli ye.’”

2 Kolinto 5:19

Mubilisha ukuti muli Klistu, Lesa awikishanya abamuchalo nakwe ukwambula ukupenda amabifyo abo. Echo atupele nga mashiwi ayasosa ukuwikishanya nku.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Efeso 5:25

Mwe balume, mulokutemwa abakashi benu nga mfilya Klistu atemenwe ichilonganino nokuyipela pamulandu wachiko,

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 10:20

Ye alitwiswila inshila iyabwangu ikopitilila muchakuchinga ichili mubili wakwe.

1 Petulo 2:4

Nomba iseni kuli Ye uuli libwe lyabumi ilyo abantu bakene, kuntu Lesa alisalile nokulichinshika.

1 Yohane 2:2

Ngu ebupe ubunakilila amabifyo esu, tebubi bwesupo bwenka iyowo, kuntu nobwabantu bonse.

1 Yohane 4:10

Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.